Nasumbuliwa na jino linauma balaa sitaki kulin'goa maana mapengo niliyonayo yanatosha, alafu Kuna mtu kanitisha kaniambia ukienda kun'goa jino umri huu 30+ unaweza kupata shida kwenye macho.
Kama Kuna mtu anajua dawa ya jino anisaidie jana sijalalaa, nikila chakula cha moto maumivu maji ya baridi maumivu.
Dawa ya jino bila kun'goa jino.
Nikushauri nenda kasafishe halafu uzibe acha na hizi dawa temporary , kikawaida jino likishakuwa na tundu basi kuendelea kuchimbika ni rahisi mno maana kusafisha chakula kinachoingia ndani ya tundu inakuwa ngumu hivyo ni bora uende hospitali ukasafishwe kitaalamu halafu wakuzibe .
Baada ya hapo nikushauri pia ununue dawa ya meno ya sensodyne au colgate max fresh na uwe unasafisha meno yako angalau mara mbili kwa siku yaani asubuhi na kabla ya kulala na usile chochote wala usinywe kinywaji chochote (ispokuwa maji) unapotaka kulala .
Kingine jiepushe na matumizi ya vitu vyenye sukari nyingi iwe mchana au usiku na kama ikatokea umetumia kitu chenye sukari nyingi basi sukutua kwa maji safi ili kuondoa sukari mdomoni.
Namna ya kusafisha meno
1. Ukishaweka dawa kwenye mswaki usiuchovye kwenye maji piga hivyo hivyo .
2. Safisha upande wa nje wa meno kwa utaratibu ukijitahidi kupitisha mswaki karibia na fizi pia utafanya hivyo hadi kwenye meno ya mwisho (magego).
3. Safisha upande wa ndani wa meno hakikisha pia unasafisha hadi karibu na fizi na unaenda hadi kwenye meno ya mwisho (magego).
4. Safisha upande wa meno unaotumia kutafunia hakikisha unaenda hadi meno ya mwisho ( magego).
5. Safisha ulimi
6. Fanya hivyo kwa meno ya chini na ya juu .
7. Hakikisha unakaa angalau dakika moja au zaidi kabla ya kusukutua mdomo kwa maji safi.
N.b
Inavyoonekana jino lako limelika hadi kufikia stage ya kuguswa nerve ndiyo maana linauma wakati tu wa kula au kunywa na si muda wote hili linazibika bila root canal (ila fuata jinsi daktari wako atakavyokushauri).
Wahi mkuu kabla haujalipoteza.