Wakuu habarini za siku nyingi, poleni sana kwa yaliyotokea.
Kijana mwenzenu nilifunga ndoa mwaka 2021, lakini kutokana na mambo ya ajira mimi na mke wangu tunaishi mbali mbali. Hapo mwanzo sikuona changamoto yoyote, lakini baada ya miezi kama mitatu nikaanza kuona utofauti.
Ukipiga simu usiku utakuta iko busy, nikamuuliza kwa nini simu yako inakua busy usiku, akaniambia labda ni mtandao. Pia wakati mwingine akipokea simu huwa anaweka mlio wa chini sana, kiasi kwamba huwezi hata kusikia ikiita.
Wakati mwingine anaifunika, yaani hata ukipiga huoni kama inaingia. Hapo ndipo nilipoanza kupata wasiwasi, kwanini inakuwa hivyo.
Siku moja nilikuta namba mbili za simu kwake, nikazichukua zote nikazihifadhi kwenye simu yangu. Baadaye simu yangu iliharibika, nikatoa laini yangu nikaweka kwenye simu ya mke wangu ili niende kununua nyingine.
Sikujua kuwa moja ya zile namba nilizochukua kwake ilikuwa imetuma ujumbe kwenye laini yake, na jina likajitokeza lile nililosave. Aliposhtuka, akaniuliza, nikamwambia sijui.
Lakini mtu mwenye akili angejua kabisa pale taa ya kijani ilikuwa imeshawaka.
Siku zikapita, wakati fulani alikuwa likizoni na tulikuwa nyumbani wote. Simu yake aliiacha sebuleni wakati yuko jikoni anapika. Simu ikaita, kama kawaida haina mlio. Nikaangalia, nikakuta ni ile namba niliyosave. Nikapokea ili nijue ni nani.
Niliposikia sauti, ilikuwa ya mwanaume, anasema “halloo.” Mimi nikanyamaza nikasepa kidogo. Niliporudi nikamuuliza, “ile namba uliyoniambia ni mdada, mbona sauti ya kiume?” Akanyamaza kimya.
Nikamwambia apige tena. Alipopiga, yule jamaa aliposikia sauti yangu hakusema chochote, akajifanya kama hasikii, kisha akakata. Nilipiga tena mara kadhaa lakini hakupokea.
Nikamwambia mke wangu anipe PIN ya simu yake, akanipa. Nikachukua simu yake na ile ya beki tatu nikaondoka nazo. Ilikuwa Ijumaa.
Nilikaa nazo hadi Jumatatu niliporudi nyumbani. Jumapili, alitafuta simu sijui ya nani akanipigia, akaniomba nirudi nyumbani tuongee. Sikurudi.
Niliporudi Jumatatu asubuhi, nilimpigia mama yake simu, nikamueleza yote yaliyotokea. Nilifanya hivyo kutoa tahadhari tu, nisije nikasikia mambo mengine huko mbele. Mama yake akaniambia ataongea naye, lakini najua wamama na watoto wao wa kike mara nyingi hufichiana siri. Nakumbuka tukio kama hili liliwahi kutokea kwa mwandishi mmoja wa ITV.
Jioni niliporudi nyumbani, mke wangu akaomba msamaha. Lakini picha ilikuwa wazi kabisa, kuna usaliti. Nilipokuwa nimeishikilia simu yake, nilikuta amenificha asiweze kuona status zake anazopost.
Nilipoangalia kwenye orodha ya waliompigia simu, nikaona ile namba pia huwa inampigia usiku.
Nimejitahidi sana, nimekaa muda mrefu bila kumtongoza msichana yeyote, lakini mwenzangu hanielewi.
Kuna kipindi alikuwa hataki hata kufanya tendo la ndoa, akisema anatumia njia ya uzazi wa mpango. Kwa jinsi mambo yalivyo, naona kabisa ndoa hii haitofika mbali.
Imebaki kushikiliwa na kipande kidogo cha kamba, muda wowote inaweza kukatika.