INGAWA MIMI MWENYEWE NI MSHAURI WA MAPENZI NA MAHUSIANO LAKINI HILI LIMENISHINDA. NAOMBA MNISHAURI.
Ndugu zangu na marafiki zangu,
Naandika hili nikihitaji ushauri wa kina, ushauri ambao utaniondoa katika kadhia hili.
Naomba msiangalie mimi ni nani, naomba msiangalie kile ninachokifanya bali naomba mnishauri kama mwanaJF mwenzenu. Ingawa ni mwandishi wa Riwaya zinazohusu mahusiano, lakini kwa hili limenishinda kulitatua.
Ndugu zangu nasumbuliwa na wivu. Wivu ndio unaonisumbua na kunitesa. Nikimpigia mpenzi wangu na kukuta simu yake inatumika basi kwangu mimi ni ugomvi. Hata kama mpenzi wangu ameachana na X wake tena kabla hata yangu miye. Akinihadithia naumia utafikiri bado wapo kwenye mahusiano.
Suala kama hili limenipa matatizo makubwa sana. Niliachana na kugombana na Wapenzi wangu waliopita sababu ya hili. Hata huyu wa sasa sina imani kama tutafika. Nampenda na sihitaji kumuacha ama kumpoteza. Kuna wakati nakasirika na kutaka kufanya maamuzi ya kuachana na mpenzi wangu lakini baadae napuuza nakujiona kuwa mimi ni mpuuzi.
Kabla sijampoteza huyu niliyenae naomba ushauri wenu. Ni vipi naweza kujiondoa katika hili? Je ni kipi nifanye ili nisimpoteze huyu mpenzi wangu? Kuna kipindi nakasirika sana na kutaka kuamua lolote. Lakini mapenzi yangu kwake ni makubwa sana. Siwezi kumuacha. Hata mama yangu hataki nimuache huyu mwanamke.
NAOMBA MNISHAURI NI NINI NIKIFANYE ILI HILI LISINITOKEE?
NAOMBA MSAADA.