November 2007 Inflation Rate Slightly Increases

MFUMUKO WA BEI WA MWEZI NOVEMBA 2007 UMEONGEZEKA KIDOGO
Mfumuko wa bei wa mwezi Novemba 2007 umeongezeka kidogo. Matokeo ya fahirisi ya bei ya Taifa (National Consumer Price Index), mfumuko wa bei wa mwezi Novemba 2007 ni asilimia 7.3 ukilinganishwa na fahirisi ya bei za mwezi Novemba mwaka 2006. Mfumuko wa bei unaopimwa kwa kigezo cha mwaka hadi mwaka, umeongezeka kutoka asilimia 7.1 mwezi Oktoba 2007 mpaka asilimia 7.3 mwezi Novemba 2007.

Mfumuko wa bei unaopimwa kwa kigezo cha mwezi hadi mwezi (Oktoba hadi Novemba 2007), umeongezeka kwa asilimia 1.1. Fahirisi za bei zimeongezeka kutoka 139.2 mwezi Oktoba hadi 140.7 mwezi Novemba 2007. Baadhi ya bei za vyakula na visivyo vyakula vimepanda. Kuongezeka kidogo kwa mfumuko wa bei kumechangiwa zaidi na kupanda kwa bei za vinywaji laini, maji ya chupa na konyagi. Vyakula ambavyo bei zake zimepanda ni mchele, mahindi ya kusaga, unga wa mahindi, unga wa ngano, mkate, tambi, mihogo, viazi, ndizi za kupika, mboga za majani, nyama, mafuta ya kupikia na nazi. Bei za bidhaa nyingine zilizopanda ni nguo za aina mbali mbali, samani (furniture), mafuta ya nywele, baisikeli, betri ya gari, na miamvuli. Hata hivyo, bei za brashi ya kusugulia sakafu, mabeseni ya maji, radio na luninga (TV) zimeshuka. Mchanganuo wa Fahirisi za Bei za Taifa za mwezi Oktoba 2007 ni kama ifuatavyo:-

http://www.nbs.go.tz/CPI/CPI112007_Kiswahili.htm

Click to expand...