Nusu ya wanaume hubambikiwa watoto.

Japo kuna usemi usemao kuwa kitanda hakizai haramu wakati
mwingine huzaa , baada ya kugundulika kuwa wanaume kibao
hubambikiwa watoto.

Asilimia 47 ya wazazi wa kiume waliowasilisha sampuli za vinasaba (DNA), kwa ajili ya kufanyiwa utafiti katika Maabara ya Mkemia Mkuu wa Serikali wamethibitika kubambikiwa watoto.

Kati ya mwaka 2006 na 2007, GCLA ilichunguza sampuli 209 za vinasaba na kubaini kuwa, asilimia 47 ya vinasaba hivyo havina uhusiano wowote kati ya wazazi baba na watoto.

Kwa upande mwingine, asilimia 53 ya sampuli hizo 209, zilithibitisha kuwa wazazi wenye sampuli hizo ni halali baada ya uchunguzi huo kufanyika kwenye mtambo wa DNA.

Takwimu hizo zilitolewa jijini Dar es Salaam na Mkemia Mkuu wa Serikali, Dk. Ernest Mashimba.

Alisema sampuli walizozipokea kwa ajili ya uchunguzi huo zilikuwa ni damu, majimaji ya uume na uke, ngozi, nywele, mate, kamasi, jasho, kucha, mkojo na kinyesi.

Kwa mujibu wa Mashimba, kati ya mwaka 2005 hadi 2006 kesi 250 za utambuzi wa uhalali wa mzazi kwa mtoto zilipokewa GCLA.

Alisema baada ya uchunguzi kufanyika, asilimia 40 ya kesi hizo zilithibitisha kuwa wenye sampuli hizo ni baba halali huku asilimia 60 zikithibitisha kuwa si baba halali.

Alisema mwaka 2006 vipimo vya DNA vilitatua kesi mbili za
kubadilishwa watoto (swapping) katika hospitali ya Bugando iliyopo Mkoa wa Mwanza na hospitali ya Muhimbili iliyopo jijini Dar es Salaam.

Click to expand...