Nyongo: Wananchi wajue NHIF haifi leo wala kesho

Saimora · 2023-09-15T19:52:47+00:00

Wanananchi wameombwa kujiunga na huduma za Mfuko wa Taifa wa Bima ya Afya (NHIF), kwa kuwa ndio suluhisho katika upatikanaji wa huduma za matibabu nchini. Mbali na hilo, umma umehakikishiwa kuwa NHIF iko imara na inaendelea kujiimarisha ili kufanikisha lengo la kutoa huduma bora kwa wanachama wake na kutimiza azma ya Serikali ya wananchi wote kuwa ndani ya Mfumo wa Bima ya Afya. Hayo yamesemwa na Mwenyekiti wa Kamati ya Kudumu ya Bunge ya Afya na Masuala ya Ukimwi Mhe. Stanslaus Nyongo wakati Kamati hiyo ilipokutana na NHIF kujifunza na kupata taarifa ya utekelezaji wa majukumu yake hususan maboresho yanayofanyika. "Tumekutana na NHIF leo, tumewasilikiza na tumewahoji mambo mbalimbali na tulichobaini hapa, wanafanya kazi kubwa pamoja na changamoto zilizopo hivyo yapo maelekezo ambayo tumewapa yakiwemo ya kuwafikia wananchi waliko ili kuwaelimisha na hatimaye wajiunge kwa wingi" alisema Mhe. Nyongo. Kuhusu suala la uhai na uendelevu wa Mfuko, aliwatoa hofu wananchi juu ya taarifa hasi zinazotolewa kupitia vyombo mbalimbali hususan mitandao ya kijamii, taarifa ambazo zimekuwa zikileta hofu kwa wanachama na wananchi bila sababu ya msingi. "Mfuko huu haufi leo wala kesho, upo na unaendelea kutoa huduma hivyo niwatoe hofu na niwahamasishe kujiunga na huduma zake kwani ndio Mfuko pekee unaoleta uhakika wa matibabu," alisema Mhe. Nyongo. Kwa upande wa Mkurugenzi Mkuu wa NHIF, Bw. Bernard Konga alisema kuwa Mfuko umefarijika na ziara ya Kamati hiyo ambapo ameuhakikishia umma kuwa elimu itatolewa kwa ukubwa zaidi ili ifike kila mahali. "Niwaombe sana wananchi waendelee kupokea elimu tutakapofika katika maeneo yao kwa ajili ili kila mmoja afahamu dhana ya Bima ya Afya na achukue hatua za kujiunga," alisema Bw. Konga. Kwa upande wa wajumbe wa Kamati hiyo, wote kwa pamoja waliupongeza Mfuko kwa jitihada kubwa zinazofanywa kuhakikisha huduma zinapatikana kwa ubora na unafuu zaidi. Mwisho.

Thread starter Saimora
Start date Sep 15, 2023
Tags

kesho nhif

Saimora

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Nyongo: Wananchi wajue NHIF haifi leo wala kesho

Saimora

New Member

Our Community

Regional Communities