"ONLY ONE KING" the movie.

JOTO LA MOTO · 2022-09-11T07:54:32+00:00

TITLE:ONLY ONE KING MTUNZI:JOTO LA MOTO SEHEMU YA KWANZA NJE.IKULU YA MFALME MKUU-MCHANA Jengo kubwa jeupe, ndani ya uzio wa ukuta na nyaya za senyenge nzito juu. Kwenye eneo la kilomita za mraba kama elfu kumi hivi. Nje kuzunguka jengo wanaonekana Askari kadhaa wakiwa wamevalia maalum huku wamesheheni silaha kubwa na ndogo. NDANI.IKULU-MCHANA Mondi, kijana mtanashati, 30, ameketi kwenye moja ya viti mbele ya meza kubwa iliyonakshiwa kwa vito vya dhahabu. Mlango unafunguliwa, wanaingia Mfalme, bwana wa makamo, 65, na Ali, kijana, 32.”Unaweza kuketi” anasema Mfalme Mfalme anamuelekeza Ali kwa mkono akionesha kwenye moja ya viti jirani na alipoketi Mondi.Ali anaketi. Mfalme naye anaenda na kuketi kwenye kiti chake kikubwa kilichopo mbele ya meza ile akiwaangalia Mondi na Kiba.”Ahsanteni kwa kuja”. Ali na Mondi wanaitikia kwa sauti ya chini huku wakisindikiza kwa kuitikia kwa vichwa. MFALME Nimekuwa nikisubiri sana wakati kama huu.. nyie ni Vijana wangu pendwa. nawakubali sana na mnajua hilo. Najua ni vigumu kwa Mafahali wawili kukaa zizi moja..ndio maana nimewaandalia jambo. Nataka nyie wote muwe Wafalme kwenye Himaya hii..Mondi utakuwa Mfalme wa kanda ya Kaskazini..Ali utakuwa Mfalme wa kanda ya kusini. Ali na Mondi wanabaki wanamuangalia Mfalme. MFALME Naona mmeshikwa na butwaa. ALI Umetushtukiza.. MONDI Ni surprise..lakini umetupa heshima kubwa sana Mkuu. MFALME Ndio..ni surprise..na kama hamtojali twendeni kwenye hatua inayofuata. Mfalme anainuka. MFALME Dakika moja. Mfalme anaelekea upande wa nyuma wa ofisi, anafungua mlango na kutoka. Ali na Mondi wamebaki, Ali anashusha pumzi. ALI Naona sasa umefurahi.. Mondi anageuka kumuangalia Ally. ALI Ila kukwambia ukweli.. there is only one King Bongo. Mondi anabaki kimya anamuangalia Ali, kisha. MONDI Hebu nisaidie kitu.. ALI Gani? MONDI Achana na Zary. Ali anaguna kwa kushusha pumzi nyepesi. ALI Labda nife kwanza. Mondi anabaki anamuangalia Ali, anashusha pumzi. MONDI Fanya uamuzi sahihi sasa..maana nikitumia nguvu utaumia. ALI Nikimuacha ndio nitakuwa nimeshaumia. Mondi anaachia kicheko chepesi. MONDI Sijawahi kupoteza vita Ali ALI Kwa hii umeshapoteza Bw Mondi. MONDI Una uhakika?. ALI Asilimia laki moja. MONDI Unataka tupinge?. ALI Ikibidi iwe hivyo?. Ali anaweka mkono, Mondi anatoa mkono na kisha wanafanya ishara ya kupinga huku Mondi akikata. Mlango unafunguka anakuja Mfalme akiwa amevalia mavazi maalumu ya kazi. MFALME Natumai mpo tayari. ALI na MONDI Tupo tayari Mkuu. Mfalme anaenda hadi ulipo mlango mkuu na kuufungua. MFALME Tafadhali. Huku akiwaashiria Ali na Mondi waongozane kutoka. xxxxxx NDANI.UKUMBINI-MCHANA Ukumbi mdogo kukiwa na Watu kadhaa walioketi. Mpiga ngoma kuu anapiga ngoma kwa mdundo mmoja na Watu wote waliopo ukumbuni wanasimama. Wapiga tarumbeta wanaanza kupiga. Mlango Mkuu unafunguka, wanakuja Mfalme, Ali na Mondi, wanaenda na kufika lilipo jukwaa dogo, wanapanda na kutulia. MUONGOZAJI Mheshimiwa Mfalme wa himaya hii ya Bongo..kwa heshima na taadhima..tupo tayari kushuhudia uapishwaji wa wasaidizi wako waliopo hapa mbele yetu. Kina Dada wawili waliovalia mavazi ya kiasili wanasogea wakiwa na nyungo zenye vitu kadhaa. MFALME kuanzia leo..kwa mamlaka niliyo nayo..nakuapisha Bwana Mondi..kuwa Mfalme wa kanda ya Kaskazini. Mpiga ngoma anapiga midundo miwili ya nguvu, tarumbeta zinatumbuiza kwa muziki maalumu, Mfalme anapokea kofia yenye muundo wa kichwa cha Simba na kumvisha Mondi, anapokea kipande kikubwa cha ngozi ya Simba na kumvisha Mondi kutoka begani kwenda kiunoni akisaidiana na Msaidizi, anapokea Fimbo yenye kishikio cha dhahabu na kumkabidhi Mondi. MFALME Wewe sasa ni Mfalme wa Jimbo la Kaskazini. Sauti ya Makofi kutoka kwa Waliohudhuria. Mfalme anasogea upande wa Ali. MFALME kuanzia leo..kwa mamlaka niliyo nayo..nakuapisha Bwana Ali..kuwa Mfalme wa Jimbo la Kusini. Mpigangoma anapiga midundo miwili ya nguvu, tarumbeta zinaanza kutumbuiza kwa muziki maalumu. Mfalme anapokea kofia yenye muundo wa kichwa cha Simba na kumvisha Ali, anapokea kipande cha ngozi ya Simba na kumvisha Ali kuanzia begani kwenda kiunoni akisaidiana na Msaidizi, anapokea fimbo yenye kishikio cha dhahabu na kumkabidhi Ali. Mfalme kwa bashasha anaenda na kusimama katikati ya Ali na Mondi. Wimbo maalum unachezwa kwa tarumbeta na ngoma. Wimbo unaisha, Mfalme anaachia tabasmu na kuinua mikono yake na kuiweka mabegabi mwa Ali na Mondi. MFALME Vijana wangu..najivunia kuwa na nyie kwenye himaya hii..natumai sasa kila mmoja ataangalia shughuli za jimbo lake bila kuingilia shughuli za mwingine. Wote wanapiga makofi. MFALME Kama hamtojali nikamilishe protokali ili nikaendelee na majukumu mengine. Mfalme, Ali na Mondi wanashuka kutoka jukwaani, wanaelekea mlango mkuu. NJE.UWANJA WA IKULU-MCHANA Mlango mkuu unafunguka, Mfalme , Ali na Mondi wanatoka. inakuja Cadilac nyeusi na kusimama mbele, msaidizi anafungua mlango, Mfalme anashikana mkono na Mondi, Mondi anaingia Garini na Gari linaondoka. Cadilac nyingine inakuja, Mfalme anashikana mkono na Ali, Ali anaingia Garini na Gari linaondoka. Mfalme anaelekea mlango mkuu na kuingia. NJE.BARABARANI-MCHANA Cadilac inaenda. NDANI.CADILAC Mondi amekaa ametulia, Dereva anaangalia kioo cha kuangalia nyuma. DEREVA Naona hauko sawa boss. MONDI Hebu nipeleke ofisini. DEREVA Sawa boss NJE.MAKAZI YA MONDI-MCHANA Cadilac inafika, Mondi anateremka na kwa haraka anaelekea lango kuu na kuingia. NDANI.MAKAZI YA MONDI-MCHANA Zichu ameketi kwenye meza akitumia kompyuta ya mezani, Mondi anaingia akiwa mwenye haraka. MONDI Niitie Mr Poli. ZICHU Ok boss NDANI.OFISINI KWA MONDI-MCHANA Mlango unafunguka, anaingia Mondi, anaketi kwenye kiti, anafungua mkebe uliopo mezani, anatoa Cigar, anaweka mdomoni. Anaingia Mzee Pol. MONDI Niandalie mpango kazi..nataka kumrudisha Zari..subra yangu imeshafikia kikomo. MEE POLI Nahitaji milioni mia moja hamsini. MONDI Uwe na uhakika. MZEE POL Najua ninachokifanya Mr Mondi. Mondi anabofya Simu ya mezani na kumpa Mzee Pol, Mzee pol anapokea. MZEE POL Milioni mia moja na nusu. SAUTI YA ZICHU KWENYE SIMU Ok Mzee Pol. Mzee Pol anarudisha simu mezani. MONDI Nikupe muda gani MZEE POL Siku ishirini. MONDI Ok Mzee Pol anaondoka, Mondi anaiwasha cigar, anainua miguu na kuweka juu ya meza akijizungusha kwenye kile kiti kikubwa. MONDI (mwenyewe) Naingia namchukua Mtu wangu naondoka..no fight no blood..kila Mtu anajua nani ni king. Mondi anaachia tabasamu nyepesi na kupiga pafu ya cigar. NJE.MAKAZI YA ALI-MCHANA Nyumba ya ghorofa moja, ndani ya uzio wa ukuta na uzio wa umeme na ulinzi mkali getini. NDANI.SEBULENI-MCHANA Zary anamimina kinywaji kwenye glasi, mlangoni anakuja Ali akiwa kifua wazi na kaptula, anafika nyuma ya Zary. ZARY Mliongea nini? ALI Ya kiumeni. ZARY Hamkuongea kuhusu mimi? ALI Noo. Kinapita kimya kifupi. ALI Bado hujamsahau. ZARY Unataka niseme ukweli? ALI Kama huo ukweli utaniudhi baki nao. Zary akiwa na glasi yenye kinywaji anageuka na kumuangalia Ali. ZARY Sitaki kukuudhi Mume wangu. Ali anaachia tabasamu. ALI Ana nini cha mno? Zary anabonyeza kifuani kwa Ali. ZARY Six pack Ali anabadili muonekano usoni na kumuangalia Zary kwa ukali. ZARY Umeniuliza. ALI Nimekwambia sitaki jibu la maudhi. ZARY Am sorry baby. Wanabaki kimya kwa sekunde chache. ALI Hata useme nini lakini nitabaki kuwa King of the jungle. Ali anamsogelea na wanaanza kukiss mdomoni. NJE.MAKAZI YA MONDI-MCHANA Mondi na Mzee Pol wanatoka mlangoni, Mondi akiwa amevalia trak sutit nyeusi na Kikombe chekundu mkononi chenye kinywaji. MZEE POL Hatoki mara kwa mara..na akitoka anaongozana na Jamaa..mara ya mwisho kuwa nje ya Kasri ni alitokea Dubai…ana Wasaidizi tisa na Walinzi binafsi Watano..ile Limo ni bullet proof. Wanafika yalipo maboksi kadhaa jirani na geti, Ben anafungua moja ya boksi. MONDI Hizi ni nini? Vinaonekana Vifaa mithili ya Drones. MZEE POL Zinatoka Israel..zinaruka hadi futi 800 juu ya usawa wa bahari..zina uwezo wa kuendelea kuleta taaarifa kwa saa 48 baadae hata kama zitashambuliwa na kuteketezwa kabisa. Huku Mondi akitikisa kichwa kuitikia maneno ya Mzee Pol. Mzee Pol anainama na kuchukua boksi moja dogo, anatoa kitu mithili yam shale wa kuchezea darts. MZEE POL Hizi ni digital stings..zinakaa kwenye drones..zikikosa target iliyokusudiwa zinarudi zilipotoka. MONDI Yeye ana nini? MZEE POL Ana Russian Drones..zimeachwa sana na muda. Mondi anatabasamu na kupiga funda kadhaa. MZEE POL Nadhani ulisema hukusudii kutumia nguvu Mondi anamuangalia Mzee Pol. MONDI Relax Mzee. Mondi anaendelea kupiga funda akiwa na tabasamu usoni. NJE.KWA ALI GETINI-MCHANA. Gari aina ya Subaru inakuja kwa kasi na kufunga breki mbele ya geti, kioo kinafunguka anaonekana Mocha, kijana, 24. MOCHA Fungua geti. MLINZI Shuka kwenye gari MOCHA Fungua geti acha use.. nina ishu ya muhimu. MLINZI Geti haifunguliwi Mzee wewe shuka. Mocha anateremka. MOCHA Unajua nataka kumwambia nini Jamaa. MLINZI Ongea naye kwenye booth. Huku Mlinzi akionesha kwa kidole chumba pembeni ya geti,Mocha anashusha pumzi. MOCHA K..m..ko MLINZI Shukran. Mocha anaenda kwenye chumba kile. NDANI YA BOOTH Hoya Mzee nina ishu muhimu. SAUTI YA ALI Nakusikiliza MOCHA Siwezi kuongealea hapa Ali. SAUTI YA ALI Andika kama hautojali Mocha. Mocha anashusha pumzi kisha anaanza kubofya vitufe vilivyo chini ya kompyuta ya ukutani. NDANI.BAFUNI-MCHANA Ali ameketi ndani ya jakuzi akiwa na I Pad na headphones masikioni. MAANDISHI KWENYE KIOO CHA I PAD Jamaa yako anaandaa jambo kule..hivyo kwa ushauri wangu.. Ali anatabasamu. ALI (anamkatisha) Sikia Mocha..saa kumi nitakuwa kwa Boza. Ali anachukua Simu iliyo ukingoni mwa jacuzi na kuibofya, anaiweka sikioni, zinapita sekunde kadhaa. SAUTI YA MONDI Yes ALI Lini unakuja niandae mapokezi. SAUTI YA MONDI KWENYE SIMU Kiss my..a..s Ali Simu inakatika, Ali anaachia kicheko kikubwa. ALI Kiss my a..s...nimeipenda hiyo Anaingia Zary. ZARY Kuna nini?. ALI Hamna. ZARY Ulikuwa unaongea na nani? ALI Kuna mshamba mmoja hivi. Zary anaketi kwenye ukingo wa jacuzi. ZARY Baby ulini promise hakutakuwa na shida kati yenu. ALI Ya kiumeni acha yabaki kiumeni Zary. Huku Ali akimvutia Zary ndani ya jacuzi. Wanaanza kukiss. ..Itaendelea..

Thread starter JOTO LA MOTO
Start date Sep 11, 2022
Tags

movie

JOTO LA MOTO

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

"ONLY ONE KING" the movie.

JOTO LA MOTO

JF-Expert Member

Our Community

Regional Communities