Wakuu nimekutana na hii picha yenye mandhari ya kuvutia sana. Navutiwa sana kuishi maeneo yenye utulivu na mvuto kama huu. WanaJamiiCheck naomba mnisaidie kujua hapa ni wapi?
- Tunachokijua
- Uhakiki wa Picha kwa kutumia Google Image Search ni njia muhimu ya kubaini asili au maelezo zaidi kuhusu picha fulani.
JamiiCheck imekuandalia utaratibu wa hatua kwa hatua wa jinsi ya kutumia Nyenzo hii kufanya uhakiki wa picha. Rejea kiungo hiki kufuata hatua zote.
Mfano tutumie picha hii inayoonesha mandhari ya milima mirefu pamoja na makazi ya watu yaliyo karibu na mlima hiyo. Je, ilipigwa wapi na lini? ina uhusiano wowote na Tanzania?
Uhalisia wa picha
Jamiicheck imejiridhisha kuwa picha hiyo ni halisi. Kwa kutumia Google Reverse Image Search imebaini picha iliyopigwa Juni 23, 2013 na kuchapishwa katika tovuti ya Flickr mwezi Julai 06, 2013 na Sharada Prasad CS ambaye anabainisha kuwa eneo hilo ni Thånkot, Madhyamanchal, Nepal.
Hivyo picha hiyo hiyo si kutoka Tanzania.