Pika Samaki wa mchuzi kwa dizaini hii

[Jospina]

Mahitaji:

• Samaki 2 (Tunatumia samaki wabichi)
• Vitunguu maji
• Vitunguu saumu
• Nyanya
• Mafuta
• Ndimu
• Chumvi
• Carrots
• Tangawizi
• Pilipili hoho
  

Maelekezo:

• Andaa vitunguu saumu, tangawizi na ndimu. Tenga kitunguu saumu kwenye sehemu mbili.
• Osha na kisha mchukue samaki wako – weka tangawizi, vitunguu saumu, ndimu na chumvi.
  
• Acha samaki akae kiasi – ikiwezekana kwenye jokofu – ili viungo viingie vizuri.
• Menya vitunguu, nyanya, pilipili hoho na karoti na kisha kata vipande vidogo.
• Weka mafuta kwenye kikaangio kilicho jikoni. Subiria yapate moto vizuri.
• Weka samaki na ukaange hadi aive vizuri. Ukimaliza weka samaki pembeni.
• Bandika sufuria, weka mafuta uliyokaangia samaki. Subiria yapate moto vizuri kisha weka vitunguu na uvikaange mpaka viwe vya kahawia.
• Weka pilipili hoho na koroga mchanganyiko.
• Weka vitunguu saumu huku ukiendelea kukoroga kuzuia visigande kwenye sufuria.
• Weka karoti na endela kukoroga
• Weka nyanya kisha funika kwa muda wa dakika 5. Hakikisha kuwa moto si mkali sana, bali uwe wa wastani.
• Kamulia ndimu kwenye mchanganyiko na weka chumvi kisha koroga kiasi.
• Weka samaki na ongeza maji kiasi (usifanye hapo kwa mama ntilie mchuzi maji tu, hapo nyumbani jaribu kuandaa mchuzi mzito)
• Acha mboga ichemeke. Maji yakikaukia mchuzi wako utakua tayari na unaweza kula na chakula chochote ila mimi napendelea kula na ubwabwa
  

 

[Crashwise]

ngoja nikatafute samaki na ugali...

 

[Nifah]

Hua napika sana mchuzi wa aina hii.Ila zaidi unapendeza ukitia nazi halafu ule kwa wali.
Ila kama ukipika kama hapa ulivyotoa maelezo unafaa zaidi kwa ugali.

 

[Jospina]

Hua napika sana mchuzi wa aina hii.Ila zaidi unapendeza ukitia nazi halafu ule kwa wali.
Ila kama ukipika kama hapa ulivyotoa maelezo unafaa zaidi kwa ugali.

sawasawa!

 

[mumak]

Mmmh!kaz ipo

 

[rasai]

naam, haswahaswa samaki mwenyewe awe changu napendelea sana huu mchuzi kwa ugali.