Rais wa Tanganyika Law Society: Sisi tunataka Katiba ya Wananchi siyo Katiba ya makundi fulani

[Pfizer]

Rais wa Chama Cha Wanasheria wa Tanganyika (Tanganyika Law Society (TLS) Wakili Harold Sungusia amebainisha mambo matatu ambayo wameyagundua ya wananchi wa Tanzania na baadhi ya viongozi kuhusu katiba iliyopo sasa kwa mikoa ambayo wamefanya mikutano.

Amesema kuwa Miongoni mwa mambo ya msingi ambayo wameyagundua ni kwamba yapo makundi matatu ya wananchi wa Tanzania na baadhi ya viongozi.

Ameyataja makundi hayo matatu ambayo ni wale wanaosema katiba ya sasahivi haina tatizo lolote tusipoteze muda tuendelee na maisha yetu.

Kundi la pili ni wale wanaosema katiba iliyopo ina dosari kadhaa ambazo tunaweza kuzirekebisha tukaenda mbele na kundi la tatu ni wale wanaosema katiba iliyopo haifai kabisa inahitajika katiba mpya ambayo itasaidia nchi kwenda mbele.

Wakili Sungusia amesema hayo leo Juni 22,2024 jijini Dodoma wakati akizungumza na vyombo vya habari kwenye mjadala wa wazi juu ya mchakato wa kupata katiba Mpya Tanzania.

"Wananchi wana maoni mengi lakini ukisikiliza kwa haraka utagundua kwamba wamesikitishwa na kilichotokea mwaka 2014 baada ya ile tume ya katiba iliyokuwa ikiongozwa na Jaji Warioba kumaliza kazi yake"amesema

Aidha amesema kuwa miongoni mwa mambo ambayo wamejiuliza ni kwamba kwa nini mchakato uliopita ulikwama.

"Usipojua ulipoangukia na kilichokusababisha ukaanguka,huwezi kuchukua tahadhari kwa hatua unazoenda mbele,tulikwama kwenye mchakato uliopita kwa sababu ya mgongano wa maslahi,waliokuwa nje ya Utawala walidhani kwamba watatumia katiba kuweza kuingia madarakani na waliokuwa madarakani walidhani watatumia mchakato wa katiba kuendelea kubaki madarakani"amesema

"Sisi tunataka katiba ya Wananchi siyo katiba ya makundi fulani katika nchi hapana,ni katiba ya raia wote wajisikie katiba ni ya kwao kwa utaratibu huo tunapendekeza mchakato utakaofata wakupata katiba ya Wananchi usimamie umahiri wake suala la mgongano wa maslahi.

Pia amesema kuwa watakaohisika katika kutaandalia mchakato wa katiba wasihusike Katia kugombea nafasi zozote za Kisiasa.

Katika hatua nyingine Wakili Sungusia amezungumzia suala la mauji ya watu wenye ulemavu wa ngozi Albino yanayoendelea nchini amesema kuwa TLS inakemea kwa nguvu zote mauaji ya Albino.

"Ni aibu kubwa kwa Taifa unapotoka nje ya nchi baada ya kuulizwa wewe unatoka kwenye ile nchi yenye visiwa vizuri vya karafu,unaulizwa unatoka kwenye ile nchi inayoua watu wenye ulemavu wa ngozi Albion ni aibu"amesema.

Amesisitiza kuwa kama Watanzania tusikubali hili jambo liendelee na kutoa wito kwa taasisi zote zichukue hatua zinazohitajika kukemea hayo mauaji.

Kwa upande wake Inock Isaya ambaye ni mwananchi mwenye ulemavu wa kuona akizungumza katika mjadala huo wa wazi juu ya mchakato wa kupata katiba mpya amesema kuwa katiba itakayopendekezwa iwazingatie.

"Tungalipenda kuzingatiwa kuwemo kwenye vyombo vya maamuzi bila kujali vyama vyetu,kinyume na katiba ya sasahivi ambayo haitoi hiyo haki,isipokuwa ni utashi tu wa vyama vya siasa na hivyo vyama vya siasa vinawapa watu wachache tena Wanawake na hao Wanawake walemavu hawajachaguliwa na Walemavu wamechaguliwa na watu wa kawaida"amesema

Naye Askofu Mary Madelemo Mwenyekiti wa Wanawake wa Dini mbalimbali Mkoani Dodoma akizungumza kwenye mjadala huo amesema kuwa ni vizuri kuwa na katiba Mpya kwa wakati huu kwa sababu ni wakati wake.

"Tunapoingia kwenye mchakato wa kupata katiba ni vizuri kukayashirikisha makundi yote ili tuwe na lengo moja na mtazamo mmoja"amesema

(Imeandikwa na Manase Madelemu)

 

[Bams]

Kila lililo jema kwa nchi hii, kizingiti ni CCM.

Naamini kuwa vyama vya upinzani hata vikiambiwa kuwa kusiwepo kiongozi yeyote kwenye uandaaji wa katiba, wao wawakilishi maoni yao tu kama kundi mojawapo la kijamii, watakubali. Lakini CCM, chama ambacho ni kongwa zito la utumwa kwa Watanzania, hawawezi kukubali.

 

[ChoiceVariable]

Rais wa Chama Cha Wanasheria wa Tanganyika (Tanganyika Law Society (TLS) Wakili Harold Sungusia amebainisha mambo matatu ambayo wameyagundua ya wananchi wa Tanzania na baadhi ya viongozi kuhusu katiba iliyopo sasa kwa mikoa ambayo wamefanya mikutano...

Makindi kama ya Chadema Yako busy kulazimisha Katiba yakidhani watu watadanganyika Ili wapate upenyo 😆😆

 

[imhotep]

Makindi kama ya Chadema Yako busy kulazimisha Katiba yakidhani watu watadanganyika Ili wapate upenyo 😆😆

Hii ni Katiba ya Chama kimoja haikidhi matakwa ya Tanzania ya sasa.

 

[ChoiceVariable]

Hii ni Katiba ya Chama kimoja haikidhi matakwa ya Tanzania ya sasa.

Kwani tunataka Katiba ya Nchi au ya Chadema?

 

[imhotep]

Kwani tunataka Katiba ya Nchi au ya Chadema?

Basi tuulizwe kwenye kura ya Maoni sisi Wananchi.

 

[std7]

Tunahitaji katiba ya wananchi lakini CCM hawawezi kuruhusu hilo kamwe litokee

 

[christeve88]

Mimi ni moja ya wale wanao amini kuwa katiba iliyopo sio mbaya ila inahitaji marekebisho machache hasa ukizingitia haya mambo yanayohusu siasa za vyama vingi. Lakini kusema kuwa katiba ndio italeta maendeleo ya nchi tusidanganyane hapa maendeleo ya nchi yanahitaji mtu chuma kweli kweli kama JPM hakuna kuchelewesha chelewesha mambo na ujanja ujanja.

Tumeona ndani ya muda mfupi nchi ilinyooka kwa katiba hii hii na wengine wakaanza kusema anavunja katiba kufungia mikutano ya siasa mara sijui mambo gani. Hata ingelikuwa ni mimi siwezi ruhusu raia waandamanishwe kipindi cha kilimo halafu waje waombe chakula kwa serikali au kuruhusu watu wanitukane badala ya kunikosoa kistaarabu.