Kwenye ulimwengu wa mahusiano kuna mtindo saivi kwamba wa kwanza kumpotezea, kumchunia au kumuacha mwenzake ndo mshindi, sio mtindo mzuri ni utoto.
Kama kweli mnajaliana mtaongea na kusuluhisha tatizo lililopo ila ikitokea mwanamke amekupotezea ujue upendo wake umepungua, mwache aende zake, hivyo utambue sababu hizi mapema;
~ Mtindo wa mahusiano aliozoea
Anaweza akawa amezoea mahusiano ya wasiwasi, au kazoea uhuru kwenye mahusiano au amezoea kutoamini watu.
Mfano, kama mwanamke mara nyingi ana wasiwasi, atakua hajiamini na kuwaza utavunja naye mahusiano hivyo atataka awe wa kwanza kukupotezea ili maumivu yapungue sababu wewe unaonesha kuwa mbali, japo ki ukweli unaweza ukawa bize na kazi na huna ata wazo la kumsaliti.
Mwanamke wa hivyo akikufanyia hivyo mwache aende zake mana hajiamini, hautajenga naye maisha ya amani. Kama amezoea uhuru ukimbana sana atataka kujitoa na kukupotezea.
~ Heshima yake kwako ikishuka, sababu umeonesha udhaifu
Ukianza kumnyenyekea, au kumuona yeye ndo namba moja katika kila kitu chako. Au kulazimisha mawasiliano na kumpigia sana mwanamke au kumtext mara kwa mara alafu asipokujibu unamshutumu “mbona hujibu text zangu”/ “mbona hupokei simu zangu”.
kama mwanamke hajakujibu au kupokea simu mwache, usimlazimishe la sivyo atakushusha heshima. Hicho huwafanya wajisikie vibaya na kutaka kujitoa katika iyo hali ya kutukuzwa haraka iwezekanavyo.
~ Anataka kukuumiza
Sote tunajua kupotezeana juu juu tu bila sababu kunaumiza. Hivyo wanawake hutumia njia hii kukuumiza ili kulipiza kuumia kwake, labda ulimsaliti au umemuumiza hisia zake kwa vyovyote. Wengine hufanya ivo kulipiza alichofanyiwa na Ex wake, wa hivyo akikupotezea mwache aende zake hauna haja ya kuumia kwa ajili yake.
~ Amenyanyasika vya kutosha
Inawezekana amekua akipigwa, au kidogo tu anapelekwa kwa wazazi wake au anasemwa vibaya na mwanaume wake. Huogopa kuongea na mwanaume kwaiyo njia pekee anayoona ni kumpotezea mwanaume na kujitoa kwenye maisha yake bila taarifa. Kwa hapa inabidi ujirekebishe kabla ya kukutana na mwanamke mwingine.
~ Majanga yakimpata au kitu kingine chenye kumuhitaji zaidi
Labda mzazi wake amefariki, au mzazi wake/ yeye mwenyewe ni mgonjwa au anahama nyumba au anajitahisi kulinda nafasi yake kazini au chochote kinachompa mawazo na kumfanya hisia zake kuwa juu ya hicho kitu zaidi ya mahusiano yenu. Kwa mwanamke mwenye utu na anayejielewa lazima atakupa taarifa mapema juu ya kimpatacho na yakiisha atayarudisha mawazo yake kwenye mahusiano yenu.
~ Akipata mwanaume mwingine
Mnaweza mkawa mnaongea vizuri leo lakini kesho kimya cha ghafla kama vile haujawahi kuwepo, kwa kuwa amepata wa kumridhisha zaidi.
Kama alikukubalia kwa huruma atakuacha kirahisi, mara nyingi hutokea kwa wanaume dhaifu, mwanamke anaogopa akimueleza ukweli kwamba hawawezi kuwa pamoja tena atamuumiza sana, hivyo anachukua njia rahisi ya kumpotezea. Pia hutokea mwanamke akirudi kwa ex wake.
Cha kufanya
Kama ameamua kukuchunia tu ghafla na kukupotezea mwache aende kwa sababu upendo wake unakua umepungua kwa muda huo, haijalishi unajisikiaje kuhusu huyo mwanamke ila ndo ivo ameshakutenda.
Kupotezeana au kimya cha ghafla ni kuumizana bila sababu.
Kama mwanamke anapitia wakati mgumu na anajielewa atakutafuta na kukueleza kwamba hatokua na wewe kwa kipindi hiko kigumu. Pia kama anahitaji muda wa peke yake atakuambia.
Hivyo mtu akikupotezea tu ghafla mwache aende zake, usipoteze muda kutaka kumrudisha, sababu unataka mahusiano na mtu aliyekua kiakili na anayejielewa mnayeweza kuzungumza na kutatua matatizo.
Na wewe pia inabidi ujifunze na kuwa bora zaidi ili uweze kumvutia na kumtunza mwanamke anayejielewa, yote hayo ni safari hivyo katika kundi la infinite kiumeni tutakua pamoja na utajifunza na wanaume wengine wenye kutaka kufanikiwa katika mapenzi yao, jinsi ya kuvutia na kumtunza mwanawake unayetaka kujenga naye maisha.