Serikali imeiuza Kariakoo kwa Wachina

Miss Natafuta said:
Winga anapata shida gani mchina akiwa na store kariakoo hebu tupe point moja
Click to expand...
Kisheria, raia wa kigeni hawaruhusiwi kufanya biashara za rejareja (kama kuwa na fremu/store Kariakoo) kwa sababu hizo ni biashara zilizotengwa kwa Watanzania chini ya Sera ya Uwekezaji na Sheria ya Ajira na Kazi Tanzania. Kwa hiyo, mgeni anapofungua store Kariakoo kuuza bidhaa moja kwa moja kwa wateja, anakiuka sheria na anashindana moja kwa moja na mfanyabiashara wa Kitanzania ambaye kisheria ndiye anayestahili nafasi hiyo.

Huu sio ushindani wa haki. Mchina ana mtaji mkubwa, anaagiza bidhaa moja kwa moja kutoka viwandani kwao kwa bei ya chini, hana mzigo mkubwa wa tozo kama wazawa, na mara nyingi huwa anatumia mbinu zisizo rasmi kutoroka kodi. Mwisho wa siku, winga wa Kariakoo anashindwa kuuza, faida inaporomoka, na hata kulipa kodi au kodi ya fremu kwake inakuwa ngumu. Hapo ndipo shida inapoanzia si chuki, ni uhalisia wa kiuchumi na kisheria.
 
Doto12 said:
Haiwezekani Kariakoo wachina wanaishi kama kwao.

Mbaya zaidi hawalipi kodi ipasavyo. TRA haina kanuni za asiye raia kulipa kodi kama mzawa

Hii ni sawa tu na kusema Kariakoo imeuzwa
Click to expand...
Mama anafungua nchi tulia.
 
Nimekukubali ulichoandika hata Kama hiyo Sheria sijui Ila Kuna logic behind your writings.

Ila swali kidogo manager wa makampuni ,WHY WAZAWA WANACHUKUA KITU CHA 5K WANAUZA 120K.

HII NDIO INAYOFANYA WATU WAFURAHIE.
NIMETOLEA MFANO HAPO JUU KUWA KUNA MEMORY CARD YA 128GB IMETOKA CHINA NIKALIPIA 15 ILA BONGO INAUZWA 87K,
KUWA GHARAMA ZOTE USAFIRI,USHURU,NAULI NA MALAZI YA MFANYABIASHARA AUZE IYO
 
Huihui2 said:
Acha kulegeza makalio dogo. Pambana ufanye biashara, hizo longolongo hutoboi popote.

Angalia Mchina anafanya nini nawe iga
Click to expand...
Lakini hoja hapo si longolongo wala uvivu ni kutetea msingi wa haki katika biashara, sheria za nchi, na maendeleo ya taifa letu kwa ujumla. Hakuna anayepinga kujituma, lakini tukiacha kila mtu afanye anachotaka bila kufuata utaratibu, hatutakuwa na taifa lenye mwelekeo.

Kisheria, raia wa kigeni hawaruhusiwi kufanya biashara ndogondogo kama kuuza kwenye fremu Kariakoo kwa sababu biashara hizo zimetengwa kwa Watanzania ili kulinda ajira (employment), kukuza viwanda (industrialization), na kuongeza mapato ya serikali (tax revenue). Tukiruhusu ushindani wa kiholela, tunapoteza ajira (employment), tunapunguza mapato ya taifa (government revenue), na tunachelewesha ukuaji wa uchumi (economic growth).

Hatutaki kubana maendeleo ya mtu mmoja mmoja, lakini tunapigania mfumo wa biashara wenye ushindani wa haki (market fairness) na unaosaidia ustawi wa wote. Kama tunataka kuiga Wachina, basi tuige kwa kujenga viwanda, kuajiri watu, kuhamisha teknolojia (technology transfer), na kulipa kodi kubwa kwa taifa letu si kwa kushindana na mama ntilie.
 
Huihui2 said:
Wachina pigeni kazi, msiogope majungu ya Watanzania wavivu. Wao wamejaa maneno tu, bei kubwa na kustarehe baada ya kuuza kidogo tu
Click to expand...
Alisikika kula kulala mmoja aliyeshikilia remot ya tv. Huku akisubiri ubwabwa na maharage kwa bwana shemeji
 
Huihui2 said:
Kwani lazima wote mkae kufanya umachinga Kariakoo? Kwanini msiende kulima mabonde na misitu yenye rutuba yako ya kumwaga.

Ila mumeona kukaa Kariakoo na kufanya uwinga ndiyo jambo la maana
Click to expand...
Shukrani kwa maoni yako. Hoja ya msingi si kwamba kila mtu anakimbilia kufanya biashara Kariakoo, bali ni kwamba vijana na wananchi wengi wamekuwa wakitumia maeneo hayo kama sehemu ya kujipatia kipato kwa njia halali. Sheria za nchi zipo wazi mgeni hatakiwi kuingia kwenye biashara ndogondogo kama kuuza sokoni, kufungua fremu au kufanya biashara zisizo na mtaji mkubwa. Biashara hizo zimetengwa mahsusi kwa Watanzania.

Tunapowaruhusu wageni kuingia kwenye biashara hizo, tunakiuka sheria zetu wenyewe, na matokeo yake ni makubwa kiuchumi. Kwanza, vijana wa Kitanzania wanapoteza fursa za ajira. Pili, serikali inakosa mapato ya kodi kwa sababu wageni wengi hufanya biashara isiyo rasmi. Tatu, ushindani wa bei usio wa haki unaua biashara za ndani, na mwisho, tunashindwa kukuza viwanda vya kwetu kwa sababu bidhaa nyingi huagizwa kutoka nje kwa bei ya chini.

Kama taifa, tunahitaji kulinda masoko ya ndani, kuweka mazingira ya biashara yenye haki, na kuhakikisha kuwa wageni wanaokuja wanaheshimu sheria zetu. Kuacha suala hili kuendelea kimya kimya ni kuhatarisha uchumi wa taifa letu, ajira za vijana, na ustawi wa kizazi kijacho. Hatusemi wageni wasifanye biashara tunasisitiza wafanye kwa mujibu wa sheria, kwa kiwango kinachosaidia taifa, si kinachodhoofisha wananchi wake.
 
sajo said:
Wamejaa tamaa. Yaani nyuzi zote hizi zinaongelea maslahi ya wafanyabiashara na sio maslahi ya wanunuzi.

Mchina anarahisisha maisha, waleta nyuzi wanataka maisha yawe magumu
Click to expand...
Hoja hapa si kupinga wageni kufanya kazi, bali ni kusisitiza umuhimu wa kufuata sheria za nchi. Sheria zetu haziruhusu wageni kushiriki katika biashara ndogondogo kama kuuza bidhaa za rejareja sokoni au kufungua fremu za mtaani. Tunapowaacha wafanye hivyo, tunapunguza ajira kwa wazawa, tunadhoofisha mapato ya kodi ya serikali, na tunaua ushindani wa haki sokoni jambo linalozorotesha uchumi wetu wa ndani.

Kama Wachina wanapenda kufanya kazi, basi tunawakaribisha kuwekeza kwenye miradi mikubwa kama ujenzi wa viwanda, huduma za kiteknolojia, na uzalishaji wa bidhaa hapa nchini. Hapo ndipo taifa linanufaika kwa kweli kupitia ajira, kodi, maarifa na ustawi wa kiuchumi. Lakini tunaposhuhudia wakiingia kwenye biashara za mtaani ambazo zimehifadhiwa kwa Watanzania, tunalazimika kusema ukweli kwa nia ya kujenga, si kwa majungu.
 
Extrovert said:
Ukiangalia kwa karibu mawinga wasio na mitaji ndio wanaolalamika sababu wateja wanachukua direct kwa wachina kwa bei kitonga. Mchina hatoi mali bila cash😁
Click to expand...
Ni kweli kuna baadhi ya wafanyabiashara wa ndani ambao wanakumbwa na changamoto ya mitaji midogo na uendeshaji wa biashara kwa kukopesha bila nidhamu. Lakini hilo halihalalishi mgeni kuingia kwenye biashara ambazo zimetengwa kisheria kwa wazawa. Sheria ya uwekezaji ya Tanzania inasema wazi kuwa wageni wanapaswa kuwekeza kwenye miradi mikubwa inayochangia ajira, mapato ya kodi, uhamishaji wa maarifa na ukuaji wa viwanda si kuuza bidhaa kwa rejareja katika maduka ya mtaani.

Tunaposema hivyo, si kwa sababu tunapinga ushindani, bali tunapigania ushindani wa haki. Mchina akiwa na mtaji mkubwa, bei ya chini na mzigo kutoka kwao moja kwa moja, anakuwa na nguvu ya kuharibu soko. Hii inaathiri wafanyabiashara wa ndani, inaua ajira, inapunguza mapato ya serikali, na inasababisha uchumi wetu kuendelea kutegemea bidhaa za nje badala ya kuzalisha wenyewe.

Watanzania wenye mitaji midogo si watu wa kubezwa wengi wao ndio wanaendesha uchumi wa mtaa kwa mzunguko wa kila siku. Tunachotaka ni kuhakikisha kuwa mazingira ya biashara yanakuwa sawa kwa wote, na kila mmoja anafanya kazi kwa mujibu wa sheria. Tukikubali kila mwenye pesa kuingia sokoni kiholela, hatutakuwa tunalinda nchi bali tunajenga ukoloni wa kiuchumi kwa njia ya kimya kimya.
 
The redemeer said:
Kodi si wanalipa bandarini mizigo ikiingia, acheni wivu na ubaguzi
Click to expand...
Ni kweli kuwa kodi hulipwa bandarini bidhaa zinapoingia, lakini hiyo ni kodi ya forodha tu sio kodi ya biashara, wala si ishara kuwa biashara inayofuata inafuata sheria za nchi. Sheria za uwekezaji na biashara nchini Tanzania zinaelekeza wazi kuwa raia wa kigeni hawapaswi kushiriki kwenye biashara ndogondogo kama kuuza bidhaa kwa rejareja, kufungua fremu au kufanya biashara mitaani. Hizo ni fursa zilizohifadhiwa kwa wazawa ili kulinda uchumi wa ndani.

Kodi ya forodha ni sehemu moja tu ya mfumo mzima wa kodi. Mgeni anapofanya biashara ya mtaani pasipo kusajili kikamilifu, bila kuwa na leseni stahiki, bila kutoa risiti sahihi, na pasipo kufuata taratibu za TIC, serikali hupoteza mapato ya ndani, inaua ajira za vijana, na inasababisha ushindani usio wa haki kwa wazawa walioko kwenye mfumo rasmi.

Kwa hiyo, hoja si wivu wala ubaguzi. Tunazungumzia hatma ya uchumi wetu kama taifa. Tunaposema wageni wafanye biashara zao kwa mujibu wa sheria, ni kwa lengo la kuhakikisha taifa linanufaika kwa kodi ya uhakika, ajira zinazotokana na miradi mikubwa, na ujenzi wa viwanda vinavyoongeza thamani ya bidhaa hapa hapa nchini. Tuwe wakarimu kwa wageni, lakini tuwe wakali katika kulinda maslahi ya taifa letu.
 
Acheniii wiziiii ,,ki sutii.cha mtoto mchina anauza 15000,, mbongo anakuambia 70000,, anakukaziaa 60,000 mwisho yaan 45000/= TUPO PAMOJA NA WACHINA HADI MFEE,,,,,,
 
Kuna mtu hapa anasema eti, mnawaona ni wengi kwa sababu hawafanani na nyie
 
Kwenye madini vijana wanalia kila sehemu mchina wanafukuzwa ni zamu kwa zamu bado zamu ya wakulima kulia
 
antimatter said:
Hivi unafahamu uhalifu unaotekelezwa na Wachina?

Kwa hiyo wachina wakileta madawa feki, mayai bandia, mchele wa plastiki nk, dogo aige tu?!
Click to expand...
Mchele wa plastiki ni mambo ya tiktok tu hauna ukweli. Kwa akili yako hiyo process ya kutengeneza mchele wa plastic halafu uje uuze kwa bei chini ya ule wa Mbeya au Ifakara atapata faida gani? Acheni taharuki pigeni kazi!!

Kama kuna mayai feki au mchele feki kwa nini uje Jamiiforums kuandika badala ya kutoa taarifa Polisi au mamlaka zingine za nchi??
 
Toeni taarifa za hao wanaokiuka kwenye mamlaka husika na siyo kulalamika hapa JF.

Yaani unaona mtu anauza madawa ya kulevya mtaani kwako, unakuja kumuandika humu badala ya kumripoti Polisi au Mamlaka ya kudhibiti dawa za kulevya
 
ras jeff kapita said:
Alisikika kula kulala mmoja aliyeshikilia remot ya tv. Huku akisubiri ubwabwa na maharage kwa bwana shemeji
Click to expand...
Kama unaishi kwa shemeji yako ni wewe, ika njoo DM nikuajiri kwenye shughuli zangu. Kuna wenzio kama 15 wana kula na kulala kupitia kauli na sahihi yangu tu
 
Tulianza kulia madereva kwenye hizi bolt na uber na watanzania walioshia kituona wavivu na tusiojituma na sasa ni zamu ya k/too pokeeni hicho kujiti mpaka mje kuzoea mtakua mmechakaa.
 
Huihui2 said:
Toeni taarifa za hao wanaokiuka kwenye mamlaka husika na siyo kulalamika hapa JF.

Yaani unaona mtu anauza madawa ya kulevya mtaani kwako, unakuja kumuandika humu badala ya kumripoti Polisi au Mamlaka ya kudhibiti dawa za kulevya
Click to expand...
Ila we jamaa kwa hiyo kwa maelezo yote hayo bado hujaelewa nini kinacho maanishwa hapo.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…