KERO Serikali iwezeshe Idara ya Viwanda, Biashara na Uwekezaji katika Halmashauri zeto. Sio inakuwa Idara ya Mapato ya Leseni na Vibanda tu

Hii ni kero ambayo mwananchi ameiwasilisha JF akitaka wahusika kuchukua hatua
A

Anonymous

Guest
Halmashauri zetu zote zina idara ya Viwanda, Biashara na Uwekezaji ambayo inatekeeleza majukumu yake chini ya Sehemu mbili yaani Sehemu ya Maendeleo ya Viwanda na Uwekezaji, na Sehemu ya Biashara na Masoko.

Idara hii ikiwezeshwa ipasavyo inaweza kuwa roho na msingi wa Halmashauri zetu kujitegemea, kwa kupunguza au hata kuondoa utegemezi kwa Serikali Kuu.

Hata hivyo, kwa sasa mara nyingi utakuta maafisa wa idara hii badala ya kubuni na kuendeleza miradi ya uwekezaji, wanajikita katika kufuatilia mapato yatokanayo na leseni za biashara ambazo wafanyabiashara hulipa kwa mujibu wa sheria zilizowekwa.

Msingi wa hoja ni kwamba idara hii iwezeshwe hasa kwa upande wa rasilimali watu na Tafiti zenye miradi. Serikali inapaswa kuajiri maafisa viwanda, maafisa biashara na maafisa uwekezaji (wachumi) kulingana na taaluma zao. Sio sahihi kwa Afisa Biashara mwenye ujuzi wa masoko na wateja kupewa jukumu la kubuni miradi ya viwanda au uwekezaji, hali hii lazima itapunguza ufanisi.

Bila mpangilio huu sahihi, Halmashauri zitaendelea kutegemea mgao kutoka Serikali Kuu na kuwakamua wajasiriamali wenye mitaji midogo na yenye mikopo ndani yake kwa ushuru na tozo kibao badala ya kubuni na kutekeleza miradi ya kibiashara na uwekezaji yenye tija kwa uchumi wa ndani.

Ni wakati sasa wa Serikali kupanga upya idara hii kwa mantiki na utaalamu ili iwe injini halisi ya maendeleo ya kiuchumi katika ngazi za Halmashauri.
 
Serikali kuu iache percentage kubwa ya mapato sehemu zinapokusanywa wafanye maendeleo yao, sio mnakomba kila kitu mnaziacha halmashauri maskini na tegemezi, mnaondoa incentive ya watu kufanya maendeleo yao
 
Wizara imetupa meza na viti, nashauri nxt time tupewe na magari ya idara jamani
 
Mkuu serikali bado haijawa serious kuwezesha viwanda mkuu

Mtu hajawahi uza hata maandazi anakupangia Kodi ya kulipa na tozo kibao
 
Cookies are required to use this site. You must accept them to continue using the site. Learn more…