Serikali kumlipa Mshahara kocha wa Taifa Stars

[benzemah]

Waziri wa Utamaduni, Sana na Michezo Balozi Dkt. Pindi Chana amesema Serikali ya Jamhuri ya Muungano wa Tanzania inayoongozwa na Rais Mhe. Dkt. Samia Suluhu Hassan, katika kuendeleza mchezo wa Soka nchini itamlipa mshahara mwalimu wa Timu ya Taifa (Taifa Stars), Adel Amrouche ambaye ni raia wa Ubelgiji mwenye asili ya Algeria.

Hayo yamebainishwa wakati wa kumtambulisha Kocha huyo, Machi 07, 2023 Mtumba jijini Dodoma na Waziri wa Utamaduni, Sanaa na Michezo ambapo Balozi Dkt. Pindi Chana amesema Serikali inaamini Shirikisho la Mpira wa Miguu nchini (TFF) limejiridhisha kuwa ni Kocha Bora atakayekuza soka la Tanzania.

Dkt. Chana ameongeza kuwa, Serikali inaendelea kuangalia uwezekano wa kupata Wataalamu katika michezo mingine ambapo ameeleza kuwa Wizara inaendelea kuimarisha Wataalamu wa michezo kupitia Chuo cha Maendeleo ya Michezo Malya kilichopo wilayani Kwimba mkoani Mwanza.

Kwa upande wake Kocha Amrouche ameahidi kuwanoa wachezaji vyema ili kuiweka juu zaidi Tanzania katika ulimwengu wa Soka , huku akisisitiza ushirikiano kutoka kwa wadau mbalimbali katika kufanikisha kazi yake.

 

[Daudi Mchambuzi]

Tumuambie huyo Kocha ukweli au tumuache kwanza ajionee mwenyewe??

 

[benzemah]

Tumuambie huyo Kocha ukweli au tumuache ajionee mwenyewe??

Tumpe muda, atafurahi

 

[EINSTEIN112]

Ndio utaratibu ulivyo kote duniani?

 

[Daudi Mchambuzi]

Tumpe muda, atafurahi

Hatoamini macho yake 😂

 

[benzemah]

Ndio utaratibu ulivyo kote duniani?

Duniani kila mtu ana utaratibu wake

 

[Tate Mkuu]

Ni muendelezo tu ule ule wa kuzichezea hela za walipa kodi. Hakuna tija yoyote ile itakayoletwa na huyo kocha kwenye mpira wa miguu nchini.

 

[benzemah]

Ni muendelezo tu ule ule wa kuzichezea hela za walipa kodi. Hakuna tija yoyote ile itakayoletwa na huyo kocha kwenye mpira wa miguu nchini.

Unatumia uhuru wako wa kutoa maoni sio

 

[SAYVILLE]

Tunazunguka pale pale kila siku. Tuko kwenye mkwamo.

 

[Tate Mkuu]

Unatumia uhuru wako wa kutoa maoni sio

Vipi kwa upande wako, kuna mtu amekukataza?

 

[pwilo]

Kwani mwanzo alikuwa nani analipa mishahara ila siasa kweli ni kitu cha ajabu.

 

[Ojuolegbha]

Waziri wa Utamaduni, Sana na Michezo Mhe. Balozi Dkt. Pindi Chana amesema Serikali ya Jamhuri ya Muungano wa Tanzania inayoongozwa na Rais Mhe. Dkt. Samia Suluhu Hassan, katika kuendeleza mchezo wa Soka nchini itamlipa mshahara mwalimu wa Timu ya Taifa (Taifa Stars), Adel Amrouche ambaye ni raia wa Ubelgiji mwenye asili ya Algeria .

Akizungumza na Waandishi wa Habari wakati wa hafla ya kumtambulisha Kocha huyo, Machi 07, 2023 Mtumba jijini Dodoma, Mhe. Balozi Dkt. Pindi Chana amesema Serikali inaamini Shirikisho la Mpira wa Miguu nchini (TFF) limejiridhisha kuwa ni Kocha Bora atakayekuza soka la Tanzania.

"Ukitazama wasifu wa Kocha Adel utabaini uzoefu mkubwa alionao sio tuu katika kufundisha soka uwanjani, bali pia katika kuandaa Wataalamu wengine wa Soka, hivyo tumtumie vizuri ili asaidie timu yetu kufanya vizuri ndani na nje ya nchi"

Ameongeza kuwa, Serikali inaendelea kuangalia uwezekano wa kupata Wataalamu katika michezo mingine ambapo ameeleza kuwa Wizara inaendelea kuimarisha Wataalamu wa michezo kupitia Chuo cha Maendeleo ya Michezo Malya kilichoko wilaya ya Kwimba mkoani Mwanza.

Kwa upande wake Kocha Amrouche ameahidi kuwanoa wachezaji vyema ili kuiweka juu zaidi Tanzania katika ulimwengu wa Soka, huku akisisitiza ushirikiano kutoka kwa wadau mbalimbali katika kufanikisha kazi yake.View attachment 2541141View attachment 2541142View attachment 2541143View attachment 2541144View attachment 2541145View attachment 2541147View attachment 2541146

 

[Mzingo]

Shilingi ngapi?

 

[Josemzampola]

Atauweza huu mfupa kweli??? Au ndo tumpe MDA,wenyewe utaongea lugha sahihi???

 

[Erythrocyte]

Tumuambie huyo Kocha ukweli au tumuache kwanza ajionee mwenyewe??

Hivi huyo kocha amepatikanaje ?

 

[Daudi Mchambuzi]

Hivi huyo kocha amepatikanaje ?

Nadhani TFF walimtafuta Google kama walivyoshauriwa na mzee mpili.

 

[nguvu]

Kwahiyo 10 percent atakuwa anatoa TFF au WIZARANII?

 

[balibabambonahi]

Ni muendelezo tu ule ule wa kuzichezea hela za walipa kodi. Hakuna tija yoyote ile itakayoletwa na huyo kocha kwenye mpira wa miguu nchini.

Mambo Yale Yale ya Kikwete,Ina maana Hadi Leo tff haijawa na uwezo wa kumlipa kocha!Je,itawezaje kugharimia Kambi za timu na posho za wachezaji?