Serikalil: Hakuna mgonjwa wa Ebola nchini

BARD AI · 2022-09-21T12:30:33+00:00

Serikali ya Tanzania imesema kuwa hakuna mgonjwa wa Ebola aliyeripotiwa nchini huku ikiwashauri wananchi kuchukua tahadhari dhidi ya ugonjwa huo. Jana Uganda ilitangaza mlipuko huo baada ya watu sita kufariki huku mgonjwa mmoja vipimo vya maabara kuthibitisha kuwa anaugua ugonjwa huo katika Wilaya ya Mubende iliyopo katikati ya nchi hiyo. Taarifa iliyotolewa leo Jumatano Septemba 21, 2022 na Naibu Waziri wa Afya, Godwin Mollel imesema kuwa “Wizara inapenda kuwajulisha kwamba hadi sasa hakuna mgonjwa wa Ebola nchini, Aidha ninawashauri wananchi kuchukua tahadhari dhidi ya ugonjwa huu ikiwa ni pamoja na kunawa mikono kwa maji safi na sabuni, kuepuka kugusa mwili au majimaji ya mwili wa mhisiwa au mgonjwa wa Ebola, na kuepuka safari zisizo za lazima kutembelea maeneo yaliyoathirika na ugonjwa huu” imesema taarifa hiyo. Amewaagiza waganga waganga wakuu wa mikoa na halmashauri nchini kuimarisha utoaji wa elimu, ufuatiliaji wa ugonjwa, uchunguzi wa kitaalam na kuhakikisha upatikanaji wa vifaa tiba. “Nimewaagiza Waganga Wakuu wa Mikoa na Halmashauri nchini kuimarisha utoaji wa elimu, ufuatiliaji wa ugonjwa, uchunguzi wa kitaalam na kuhakikisha upatikanaji wa vifaa tiba na kinga muhimu katika maeneo yao. Vilevile, nimewaelekeza kuimarisha uchunguzi wa wageni wanaoingia nchini kupitia mipaka yetu ikiwemo matumizi ya vipima joto (thermal scanners)”.

Thread starter BARD AI
Start date Sep 21, 2022
Tags

ebola mgonjwa nchini

BARD AI

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Serikalil: Hakuna mgonjwa wa Ebola nchini

BARD AI

JF-Expert Member

Our Community

Regional Communities