Shairi: Ziwe mbili au tatu

[Ibrambeya]

Ziwe mbili au tatu, Hilo Bado mgogoto,
Nina mengi nawazua, wa kunifumbua hola,
Na hata akitokea, Heko yake nitampa,
Ziwe mbili au tatu; Serikali Tanzania?

Tume yake Warioba, Maoni ilikusanya,
Sampuli ikapata, Wenye hoja dadavua,
Kablasha kurundika, zikaitwa ni Rasimu
Ziwe mbili au tatu; Kwangu Bado ni utata.

Ubishi ukarandama, vikaibuka vihoja,
Ukawa na Tanzania; Mia mbili nae moja,
Midahalo imetanda, kuzimwaga zao fikra,
Ziwe mbili au tatu ; Ndio Msingi Katiba.

Ccm Upinzani, Ninataka Leo jibu,
Haja zenu nasikia, vikao nimeshiriki,
Mlitaja na gharama, na wengine kutengua,
Ziwe mbili au tatu; Pabaya Mtatufikisha.

Wananchi lalamika, usawa ati haupo,
Mara koti Muungano, Kuna mmoja kalivaa,
Ardhi nazo ajira, twadaiwa viparata,
Ziwe mbili au tatu; Changamoto tutanzue.

Wanazuoni kutanda, Midahalo kukamata,
Suluhu kuangazia, njia ipi tuipite,
Raisi akaibuka, hotuba zake katoa,
Ziwe mbili au tatu; Tuzitumie busara.

Kuna moja naliona, nathubutu kulisema,
Tanzania walalama, wasubiri tafuniwa,
Mchakato wa Katiba, tushiriki sisi sote,
Ziwe mbili au tatu; Ndio Roho ya Katiba.

Tusijesemea Ninge, maji yakisha mwagika,
Tunamuda kutanzua, sauti zetu zipaza,
Haijali unakotokea, Ipaze yako sauti,
Ziwe mbili au tatu; Pambana popote pale.

Mwenye jibu nipatie, mimi ubongo utandu,
Nimechoka tapatapa, kwa nyingi kauli mbiu,
Washairi mnijibu, Kijukuu chake Robert,
Ziwe mbili au tatu; Kalamu nimeishiwa!.

 

[manedo]

eeee hongera farther !!! lakin hukujibu malumbano nawe bado umetuweka njiw panda. tafadhari tunaomba utoe suluhisho

 

[Ibrambeya]

Manedo @
Bado jipu kutumbuka, madaktari tegemeo,

Wa kulitumbua ninyi, mimi ukungu machoni,

Njia panda iko Kwangu, Jibu nilipate kwenu,

Ziwe mbili au tatu; Jibu Kwangu mgogoto!.

 

[Rudbway]

Nakupa kongole kwako mshair kwa lako zur shair lenye kila umahir! lakin umetuacha na swal kwamba tatu au mbil ngoja tuumz vchwa jibu tuliweke waz..!!

 

[Rudbway]

Nakupa kongole kwako mshair kwa lako zur shair lenye kila umahir! lakin umetuacha na swal kwamba tatu au mbil ngoja tuumz vchwa jibu tuliweke waz..!!

 

[Ibrambeya]

Rudbway@
Nashkur muungwana, Jibu lako nimepata,
Kujibu Sio sharia; ni busara kutumia,
Basi tusubiri jibu, kwa wengine walowazo,
Ziwe mbili au tatu; Ndugu tunawasubiri!