Shemsa Mohamed Ashiriki Ziara ya Kikazi ya Jumaa Aweso Aliyofanya Mkoa wa Simiyu

[Stephano Mgendanyi]

SHEMSA MOHAMED ASHIRIKI ZIARA YA KIKAZI YA MHE JUMA AWESO ALIYOFANYA MKOA WA SIMIYU​

Mwenyekiti wa Chama Cha Mapinduzi (CCM) Mkoa wa Simiyu, Ndg. Shamsa Mohammed, ameshiriki ziara ya kikazi ya Mhe. Jumaa Hamidu Aweso, Waziri wa Maji, katika Mkoa wa Simiyu.

Lengo la ziara hii lilikuwa kukagua, kuzindua, na kuweka jiwe la msingi katika miradi mbalimbali inayotekelezwa kwa mujibu wa Ilani ya Chama Cha Mapinduzi (CCM) katika Mkoa wa Simiyu

Katika ziara hiyo, Mhe. Aweso na Ndg. Shamsa walikagua miradi ifuatayo ikiwemo Dalaja la Moto Nenge, Wilaya ya Meatu; Shule ya Sekondari Mwanhuzi; Shule ya Sekondari Dakama, Wilaya ya Maswa.

Ziara hii ni hatua muhimu katika kuhakikisha kwamba miradi ya maendeleo inaendelea kama ilivyopangwa, na inatekelezwa kwa ufanisi ili kuleta manufaa kwa jamii. Mhe. Aweso alisisitiza umuhimu wa ushirikiano kati ya viongozi wa ngazi mbalimbali, wananchi, na wadau katika kutekeleza miradi hii.

Katika ziara hiyo, Ndg. Shamsa Mohammed alisisitiza kuwa Chama Cha Mapinduzi (CCM) kimejizatiti kuhakikisha kuwa miradi inayotekelezwa inawafaidisha wananchi na inaboresha maisha yao. Aidha, walitoa wito kwa wananchi kuendelea kushiriki katika shughuli za maendeleo na kuwa na uwajibikaji katika kulinda na kutunza miradi hii.

Mwisho, Ziara hii imeonesha dhamira ya serikali na Chama Cha Mapinduzi katika kutekeleza ahadi zao za maendeleo. Ni matumaini kwamba miradi hii itakapokamilika itakuwa na athari chanya katika jamii na kuchangia katika ukuaji wa uchumi wa Mkoa wa Simiyu.

Imetolewa na Idara ya Siasa na Uenezi Mkoa wa Simiyu

 

[Right Way In Light]

Ndio nani huyu? Bongo siku hiz kila mtu maarufu