Dotto C. Rangimoto
JF-Expert Member
- Nov 22, 2012
- 1,985
- 1,286
Usilaumu wenzako, upime vitendo vyako,
Sijitie sononeko, ikumbuke jana yako,
Ukipanda chokochoko, waja vuna machafuko,
Kila mchana mbeleko, malipo yake anguko,
Kila mpanda upepo, ndiye huvuna tufani.
Usichukie wenzako, sema na vitendo vyako,
Chako hula peke yako, watamani vya wenzako,
Wapenda sana mshiko, kiasi uvunje mwiko,
Huishiwi papariko, kila panapo mshiko,
Kila mpanda upepo, ndiye huvuna tufani.
Usishukie wenzako, pitia mwenendo wako,
Mja waacha mnuko, penye kila jana yako,
Palipo na nyayo zako, hapakosi timbwiliko,
Nimepata mzinduko, ninaomba baki huko,
Kila mpanda upepo, ndiye huvuna tufani.
Sijitie nung'uniko, ziache tabia zako,
Sikuonei sijiko, pokea malipo yako,
Siutaki mzunguko, siteme vidonge vyako,
Nimekunywa zikoziko, natapika nyendo zako,
Kila mpanda upepo, ndiye huvuna tufani.
Njano.
784845394.
Sijitie sononeko, ikumbuke jana yako,
Ukipanda chokochoko, waja vuna machafuko,
Kila mchana mbeleko, malipo yake anguko,
Kila mpanda upepo, ndiye huvuna tufani.
Usichukie wenzako, sema na vitendo vyako,
Chako hula peke yako, watamani vya wenzako,
Wapenda sana mshiko, kiasi uvunje mwiko,
Huishiwi papariko, kila panapo mshiko,
Kila mpanda upepo, ndiye huvuna tufani.
Usishukie wenzako, pitia mwenendo wako,
Mja waacha mnuko, penye kila jana yako,
Palipo na nyayo zako, hapakosi timbwiliko,
Nimepata mzinduko, ninaomba baki huko,
Kila mpanda upepo, ndiye huvuna tufani.
Sijitie nung'uniko, ziache tabia zako,
Sikuonei sijiko, pokea malipo yako,
Siutaki mzunguko, siteme vidonge vyako,
Nimekunywa zikoziko, natapika nyendo zako,
Kila mpanda upepo, ndiye huvuna tufani.
Njano.
784845394.