Simulizi: Tenjee na Zingota

[kibangubangu]

TENJEE na ZINGOTA

(Sehemu ya 1)

MSITUNI KWA ZINGOTA**

Jengo la lililochakaa katikati ya msitu wa kale uliokauka.

Kulikuwa na wanawake wawili katika jengo hilo, mmoja ni binti mdogo na mwingine mtu mzima.

Binti mdogo mrembo, alikuwa amelala, wakati mkubwa alikuwa mzee sana hata hakuweza kusimama wima,Jina lake Zingota

Zingota aliita kwa sauti (Akimtazama binti aliyelala kitandani na kutulia kama sanamu. Zingota alitikisa kichwa) Tenjee amka!! unapaswa kuamka!!

(Baada ya muda mrefu wa kuita , yule mwanadada alifumbua macho ghafla kwa mara ya kwanza. Macho yake yalikuwa yakimtazama Zingota ambaye alianza kutabasamu) Karibu tena duniani Tenjee. Nilikuacha ulale kwa miaka elfu moja.


Tenjee: Miaka elfu moja? ? Nini kimetokea? kwanini nililala..

Zingota: Kwa sababu ulijeruhiwa vibaya sana. Ilibidi nitumie uchawi wangu wote kukuponya.

Tenjee: Kwanini nimeumia? Sikumbuki hata jinsi nilivyoumia hapo kabla

Zingota: Ulichukua Hati ya Ngome kutoka kwa Gwembela. Alikasirika na kupigana na wewe ingawa sijamsikia kwa muda mrefu, na sijamuona, baada ya ugomvi wako na yeye; ingawa kulingana na uchunguzi wangu, nadhani pia alijeruhiwa vibaya.Lakini sasa kwa kuwa umeponywa na kuwa na nguvu tena, nina mpango kwa ajili yako.

Tenjee: Mpango? Ni aina gani ya mpango Zingota?

Zingota: Kuna kitu ambacho nilipoteza maelfu ya miaka iliyopita. Nahitaji ukitafute na uniletee.

Tenjee: Naweza kuuliza Zingota? Niambie unataka nikutafutie nini?

Zingota:Jiwe la maajabu

Tenjee: Jiwe? Jiwe la maajabu? Kwa nini ni muhimu sana kwangu kukusaidia kulipata nimeamka tu sasa hivi hebu niache kidogo nahitaji kupumzika.


Zingota: (kwa sura ya huzuni) Naam,hilo ni Jiwe la kichawi litanifanya nionekane mdogo tena.

Nataka kuwa mdogo tena na sio uso huu mbaya juu yangu.

Tenjee: Lakini una uchawi wenye nguvu Zingota. Kwa nini huwezi kuroga na kufanya jiwe lije kwako? Una nguvu na najua unaweza kuifanya ikalileta hilo jiwe


Zingota: Ni kweli Tenjee, lakini mahali lilipo jiwe naogopa kwamba uchawi wangu hauwezi kupenya hapo.

Tenjee: (anaonekana kushtuka) Kwanini?

Zingota: Siwezi kukuambia kwa nini.Kaniletee hilo jiwe nimekueleza kwanini nilihitaji. Au hutaki kuniisaidia kurudi kwenye usichana wangu wa zamani? Si utanisaidia... mama yako mwenyewe? (Tenjee anamtazama Zingota kwa muda. Wote wawili wanatazamana).

Tenjee: Nitafanya mama(anapumua).

Zingota: Sawa binti yangu. Utaenda kwenye ufalme wa Dunda, huko ndiko kulipo Jiwe la maajabu

Tenjee: (kwa mshangao) Dunda? Si huko ulikotoka? Mama, kwa nini mawe yalikuwa hapo kwanza?

Zingota: Ni hadithi ndefu, lakini unaenda kwenye Ufalme wa Dunda, kwenye Jumba la Uchawi. Utapata njia yako ndani ya ikulu na kufanya kazi ndani ya jumba hilo. Kisha utaanza kutafuta jiwe. Jiwe hili liko kwenye Jumba la Dunda.

Tenjee: Sawa, Zingota, nitaanza lini mpango huu.

Zingota: (akitabasamu) Sasa ni lazima nianze kujiandaa kwa ajili ya safari unayokaribia kuianza. Ujumbe huu ni hatari na unapaswa kuwa makini sana.

Tenjee: Mama, bila shaka.

Zingota: Sasa pumzika, binti yangu, safari yako inaanza unapoamka. (Tenjee alifunga macho yake, na akalala mara moja.Zingota alicheka huku akijisemea moyoni "Ikulu ya Dunda hawatajua nini kinaenda kuwapata naapa watajua hawajui"

 

[moneytalk]

Ndo imeishia hapa

 

[Numbisa]

Nice

 

[kibangubangu]

Ndo imeishia hapa

Tenjee na Zingota (Sehemu ya 2)

"KIJIJI CHANGOME YA DUNDA**

Huko dunda Mfalme na malkia wa Dunda wamekaa kwenye viti vya kifalme walivyo navyo katika jumba hilo. Binti yao wa pekee na mtoto wao Princess Sabrah ameketi kwenye kiti kinacholingana hadhi na binti wa kifalme.

Mfalme na malkia wanamtazama binti yao.

Mfalme: Unafikiria nini binti yangu?

Princess Sabrah: Ninaona hatari, kuna kitu kibaya kinakuja.

Mfalme: Naam, binti yangu mpendwa, unamaanisha nini? Ni hatari gani unayozungumzia? Tafadhali eleza kwa undani.

Princess Sabrah: Haijulikani ni hatari gani. Lakini sote tunapaswa kuwa waangalifu.

Malkia: Tujihadharini na nini? Binti yangu, tafadhali tuelewe unachozungumza.

Sabrah:Ninahisi tu kwamba uovu unakaribia ufalme huu kwa kasi.

Princess Sabrah: Lazima sote tuwe waangalifu, isipokuwa tusipokua makini ufalme huu ndio unafikia mwisho wa milele.

Malkia;Je kuna jambo jingine unaliona mwanangu.

Princess Sabrah:Ndiyo ila hii ni habari njema,naona mwana mpotevu akirejea nyumbani,ila pia hii si njema sababu yule mwovu namona anakuja kwa kasi sana.

Malkia:Kipi kingine unakiona...

Princess Sabrah: Hapana, sioni kitu kingine (akasimama, kisha akaendelea kuinamisha kichwa).

Sabrah:Ninaondoka sasa (Binti Sabrah anapiga makofi mara mbili, kama ishara ya kumuita mjakazi wake,mjakazi wake anatoka na kuelekea kwake) Neema, ni wakati wa mimi kurudi chumbani kwangu sasa.

Neema: Ndiyo, binti mfalme (alimshika mkono binti mfalme na kutoka naye nje ya jumba hadi chumba cha Sabrah).

Malkia: Wakati mwingine, nashangaa kwa nini miungu ilimwachia binti yangu, mtoto wangu wa pekee, azaliwe kipofu.

Mfalme: Kweli, Lakini je, unasahau haraka kwamba tulikuwa na tumaini kwamba mara tu mtu ambaye aliyepotea kutoka katika Jengo la kifalme atakaporudi nyumbani, siku moja mtoto wetu angeiona tena nuru?

Malkia: Najua mfalme wangu, najua. Sifurahii ninapoamka kila siku na kuona jinsi binti yangu alivyo.Nawaza ni lini watu waliopotea kutoka hapa watarudishwa nyumbani.

Mfalme: Tunaweza tu kutegemea miungu ya ufalme huu mkuu.

Malkia: Hakika, miungu wanajua zaidi.
Mfame: Ndiyo, wanafanya hivyo.

MSITUNI KWA ZINGOTA**

(Wakati katika ufalme wa Dunda binti wa mfalme amesha oneshwa hatari inayokuja katika msitu Wa Zingota na Tenjee safari ya utekelezaji wa misheni ya kuiba jiwe la maajabu ndo inaanza)


Zingota na Tenjee wanapita kando ya sehemu ya vichaka.Zingota akimsindikiza Tenjee katika misheni yao.

Kwenye bega moja Tenjee alibeba pochi ndogo iliyotengenezwa kwa majani. Zingota alisimama ghafla, na kumfanya Tenjee asimame pia.


Zingota: Kumbuka tu kila kitu nilichokuambia,
ukifanya niliyo kuambia, utakuwa salama.

Tenjee: Sawa mama.
Zingota: Usisahau, wewe unatoka wapi?Wewe ni tofauti sana na wao.

Katika hilo begi uliloshikilia kuna kioo ndani, ambapo kioo hicho kitatumika kuwasiliana na mimi,hivyo mawasiliano yetu yatafanyika kupitia hicho kioo.

Tenjee: Sawa mama nimekuelewa,Inabidi niendelee na safari yangu sasa nitachelewa(akageuka ili aanze kuendelea na safari, Zingota akamshika mkono. Tenjee alisimama na kumtazama tena Zingota) Nini tena mama kuna kitu gani?

Zingota: (Akimtazama Tenjee kwa umakini) Usinisaliti kamwe, ukinisaliti, haijalishi wewe ni binti yangu, nitakuua, unajua ninachowezafanya?

Tenjee: (anakunja macho) Ndiyo, Mama, nakumbuka unachoweza kufanya. Sasa, kama hujali, nadhani niruhusu niende sasa..

Zingota: (akimuangalia Tenjee akianza kuondoka na kutembea barabarani peke yake,akiwa Tenjee yupo mbali hatua chache kidogo,Zingota alipaza sauti alisema ) Daima kumbuka kwamba wanadamu hawana ukweli, ni hatari sana na waongo.

Kamwe usisikilize yeyote kati yao katika ndoto zako au akili zako,tekeleza kile nilichonkuagiza mimi tu.

(Tenjee akaendelea kutembea, wala hakujibu chochote wala kutikisa kichwa kwa kile alichoambiwa na Zingota,huku nyuma Zingota anaendelea kumkodolea macho Tenjee hadi akapotelea vichakani)

Safiri salama mwanangu. (Alijisemea moyoni Zingota).



** HUKO NGOME YA DUNDA*


Neema : (Msaidizi wa binti mfalme,na macho yake akipanga vitu na kufanya usafi katika chumba cha binti mfalme, alimwona binti mfalme akiwaza, uso wake ukiwa na mawazo tele). Binti wa kifalme, binti mfalme mzuri wa ufalme wa Dunda. Kwa nini uso wako angavu unawaza sana asubuhi hii.

Binti mfalme: (Akavuta pumzi) utabiri wangu hauko wazi kama zamani,ninahisi maafa yanakuja katika ufalme huu, lakini tena, sioni kinachokuja

Neema: Mungu aipishie mbali Dunda yetu. Binti mfalme, hautapoteza nguvu zako. Lazima kuwe na sababu yake.


Kumbuka kwamba wewe ni mwanga unaoongoza Ufalme wa Dunda. Ikiwa binti mfalme wa ufalme huu mkuu atapoteza mamlaka yake, basi sisi sote katika Ufalme wa Dunda ni tutaangamia.

Princess Sabra: Hujui Neema hali hii haijawahi kunitokea, labda sasa nazidi kudhoofika kadiri siku zinavyozidi kwenda.

Usiwe na hofu Binti mfalme kila kitu kita kaa sawa,na uwezo wako wa maono utarejea.
Princess Sabra: Uko sawa rafiki yangu, asante Neema.

Mfalme,Malkia wake na wazee watatu wa Ufalme wa Dunda walionekana wakijadili masuala ya Ngome hiyo

Mfalme: Wazee wangu nawasalimu wote, asante kwa kuheshimu mwaliko wangu wa kuja haraka.

Wazee wote: Mtukufu uishi maisha marefu.


Mfalme: Sababu ya kuwaita ninyi nyote hapa ni kuwaambia kuwa binti yangu Sabra jana usiku alipata maono.

Mzee wa 1: Maono? Maono yanahusu nini?

Mfalme: Alisema uovu mkubwa unakuja kuelekea Ngome hii ambapo sote tunapaswa kuwa waangalifu sana.

Mzee wa Pili: Uovu? Acha uovu huu uje, tutaushinda kama tulivyowashinda wengine huko nyuma.

Malkia: Tatizo tunaogopa, maono hayaeleweki kwa wakati huu.

Mzee wa tatu:Nini?Kivipi?Haiwezekani maono yamejificha?hii si kawaida.

Mfalme: Ndiyo maana nimewaalika ninyi nyote hapa, ili tuweze kushughulikia jambo hili pamoja.......


(Ghafla Watu wawili wanaingia kwenye chumba cha mfalme, ambapo mkutano ulifanyika. Mmoja alijeruhiwa sana).

Mzee wa 1: (Alipoona damu, alishangaa) Hii ni nini? Zingo na Laba nini kilitokea? Kwa nini Laba anavuja damu? Nani alimfanyia hivi?

Zingo: Mfalme wangu nakusalimu, malikia wangu nakusalimu, wazee wangu pia nawasalimia (Wote walitikisa vichwa) mimi na Kaka yangu tulienda kuchota maji mara upepo wa kimbunga usiojulikana ulikuja na kumsukuma kwenye mkondo wa maji.


Nilimtafuta kila mahali karibu na mto wa karibu unaozunguka Dunda na nikamkuta akivuja damu hivi kule karibu na mto Ndewe , ule ulio chini viunga vya Dunda.


. Tafadhali, Mfalme mpendwa, usimwache ndugu yangu afe.

Mfalme: Mungu apishe mbali (Akamgeukia mmoja wa walinzi wake) Paul, nenda uniite Princess na umwambie aje kuwa ni dharura.

Paul: Sawa, Mtukufu (anaondoka mbele yao)
Mzee wa Tatu: Ni sawa, Zingo wewe kaa chini kaka yako atakuwa sawa tena.

(Mlango unagongwa na kumzuia Neema asiendelee na alichokuwa anafanya) ingia (mlango ulifunguliwa na mlinzi mmoja wa ngome yao akaingia ndani na kuinama kwa heshima mbele yao.

Neema akionekana kukereka) Ndiyo Paul, ni nini unataka?

Askari Paul: Macho ya ufalme nakusalimia, Binti mfalme nakusalimia. Mfalme anataka kukuona binti mfalme . Alisema nikujulishe kuwa ni jambo la dharura ambalo lilihitaji usikivu wako mara moja binti mfalme.

Princess Sabra: Mwambie baba yangu kwamba ninakuja hivi punde. Unaweza kwenda sasa (Askari aliinamisha kichwa tena na kutoka chumbani)

Inabidi twende (Neema alimshika mkono mmoja binti mfalme na kutoka naye nje ya chumba hadi kuelekea katika Ngome).

(Binti Sabra anaingia kwenye chumba cha cha kifalme Neema akimuongoza)

Princess Sabra: Baba, uliagiza niitwe. Kwa nini kuna damu hapa? Nani ana damu ni nani aliyejeruhiwa?

Malkia: Binti yangu,Laba, alishambuliwa na dhuruba ya upepo, ambao ulimjeruhi.

Princess Sabra: Dhoruba ya Upepo? Hmm sawa. Hebu niinue nisogeze kwake.

Neema: Sawa,binti mfalme.

Princess Sabra: Ninakuponya Laba, mwana wa ardhi hii ( Jeraha lilitoweka mara moja na kila mtu ndani ya chumba akaanza kuimba nyimbo za kusifu miungu yao).

Laba: Sisikii maumivu tena,nimepona (Akageuka kumwangalia Princess) Princess wangu, asante sana. Asante kwa kuokoa maisha yangu katika mdomo wa kifo.

Nitashukuru milele (Anapiga magoti mbele ya Malkia).

Princess Sabra: Simama na usipige magoti mbele yangu kwa maana mimi ni kama wewe.Afadhali kutoa sifa kwa miungu ya Dunda sio mimi.

Laba: Sawa binti mfalme. Binti mfalme inabidi kuwe na njia ya mimi kukulipa wema ulionitendea kwa kuniokoa na kifo.

Princess Sabra: Siku zinakuja ambapo msaada wako utahitajika Laba, siku hiyo ikifika utanilipa kwa msaada wako.


Baba naondoka sasa (Ameinamisha kichwa) Neema twende (Neema alimshika mkono na kumtoa nje ya chumba cha kiti cha kifalme hadi chumba cha Princess).

Mfalme: Zingo na Laba mnaweza kwenda, miungu ya Dunda iwe pamoja nanyi (Wote wawili wanasujudu mbele ya mfalme na wazee wake wa baraza la mawaziri).

Laba: Mfalme wangu na ufalme wako udumu milele.

Wazee: Mileleeeeeeee
Laba: Asante kwa ukuu wako (Wote wawili walitoka kwenye chumba cha kifalme wakiondoka kwenye majengo ya ngome).

Mzee wa 1: Hakika binti yako ana nguvu za miungu.

Mfalme: Ndio, hebu tutumaini kwamba uovu wowote unaokuja hapa, binti yangu ataweza kukabiliana nao

Wazee wote: Ndioooooooo
Mzee wa 3: Na itakuwa hivyo
Wazee wote: Ndiyoooooooo

 

[Numbisa]

Nice

 

[Poor boy]

Nzuri tunasubiri muendelezo

 

[kibangubangu]

Nzuri tunasubiri muendelezo

TENJEE NA ZINGOTA SEHEMU YA 3

****SAFARI YA TENJEE

Tenjee katikati ya msitu mkubwa anaendelea kuelekea Ufalme wa Dunda. Baada ya kutembea kwa muda alimuona kijana mmoja,aitwaye Chiku akija upande wake, akasimama na kumuuliza njia ya kuelekea Jumba la kifalme la Dunda.


Tenjee: Samahani kaka. Inaonekana nimepotea njia, unaweza kunisaidia?

Chiku: wewe ni nani? (Anaonekana kumuangalia kuanzia kichwani hadi vidole vya miguuni) unaonekana kana kwamba wewe sio wa ufalme huu, mavazi yako yanafanana na yale ya vijiji vya zamani.

Nauliza tena, wewe ni nani?

Tenjee: Naitwa Tenjee, Natafuta Jumba la Dunda. Nimetoka mbali sana, tafadhali niambie njia ya kutoka hapa hadi ufalme wa Dunda.

Chiku: Unamaanisha unaenda Ufalme wa Dunda? Ikulu ya Uchawi?

Tenjee: (Akitabasamu mbele ya kijana huyo) Ndiyo ikulu hiyo hiyo.

Chiku: Sawa. Pita barabara iliyo upande wako wa kushoto chini pale (alisema akionyesha barabara iliyo umbali wa mita moja kutoka kwao), hadi ufikie mwisho wa barabara kisha uchukue barabara iliyo upande wako wa kushoto tena. Nenda tu moja kwa moja na utaona Ikulu unayoitafuta.

Miungu ya nchi yetu ikuongoze huko (alisema huyo kijana alimaliza na kuendelea na matembezi yake).

Tenjee: Asante (kisha akageuka na kuanza kuelekea uelekeo huo) Kwa nini nihitaji miungu ya kuniongoza wakati mimi uchawi wa Zingota unaniongoza?Alijisemea kisha akacheka!

(Baada ya kuliona jumba la Kifalme la ngome ya Dunda).

Tenjee: Kwa hiyo hii ndiyo Ikulu nimeisikia sana ikisemwa. Mmmh (Hatimaye anagonga geti, mlinzi alifungua huku akimtazama kwa mshangao).

Mlinzi: Wewe ni nani na unamtafuta nani?
Tenjee: Naitwa Tenjee namtafuta mfalme wa Ngome ya Dunda.

Mlinzi: (Akimtazama Tenjee kwa mashaka) Kwa ajili ya nini? Kwa nini unataka kumuona mfalme wangu?

Tenjee: (Akihisi kukerwa na mlinzi kwa swali lile alilomuuliza lakini alijituliza) Nilihitaji tu mahali pa kukaa kwa siku kadhaa,nina matatizo na nina njaa,nahitaji sehemu ya kupumzika,tafadhari mpe taarifa mfalme.

Mlinzi: (Bado anamtazama lakini safari hii kwa makini zaidi) Subiri kidogo, narudi (Alifunga geti)

*Ndani ya jumba la kifalme
Mfalme, malkia na binti yake, Sabra, walionekana wakijadiliana, Neema alikuwa kwenye kona ya jengo.

Mfalme: Una maono yoyote zaidi?
Princess Sabra: Hapana baba.Ila nina hisia hizi za ajabu kwamba lile jambo lipo karibu zaidi sasa,karibu kuliko sisi sote tunavyofikiria.


Malkia: Unamaanisha nini kusema hivyo?
Princess Sabra: Sijui mama lakini naamini yote yataisha vizuri.

Malkia: Natumai hivyo binti yangu, natumai hivyo (Mlinzi aliingia ndani kuelekea kwao na kupiga magoti mbele yao).

Mfalme: Halo, ni nini Ulah?
Ulah: Mfalme wangu, kuna binti mdogo sana yuko nje ya geti akiomba kukuona mtukufu wangu.

Mfalme: Mimi? Kwa ajili ya nini? Je, alikupa sababu yoyote ya kutaka kuniona?

Ulah: Ndiyo. Alisema alihitaji mahali pa kukaa kwa siku kadhaa yeye ana matatizo na njaa sana, hiyo ilikuwa ndiyo sababu yake Mfalme wangu.

Mfalme: Hmmmm, mlete binti huyo mdogo ndani.

Ulah: Kama uluvyoagiza mtukufu wangu (Anainama na kuondoka mbele yao).


Malkia: (Akiwa anamsubiri tenjee aletwe akasema)Mtoto wa kimasikini ni mungu tu ndiye anayejua alikotoka kuwa na njaa inaumiza kwa mtoto (Akimgeukia mlinzi wao mmoja pembeni yao) Nenda kamwambie mpishi wa Ikulu amtayarishie mgeni wetu kitu (Mlinzi aliinama na kuondoka kutekeleza. utaratibu).

Ulah akafungua geti na kumuona Tenjee bado yupo.

Ulah: Unaweza kuingia sasa.
Tenjee: (Akionekana kushangaa) Je, niingie? Ina maana nitakaa hapa?.

Ulah: Ndiyo, mfalme wetu ni mkarimu na mkarimu kwa kila nafsi katika ufalme huu.

Tenjee: Nivizuri sana (Aliingia ndani huku Ulah akifunga geti na kumpeleka ndani ya jumba la kifahari lililokuwa mbele yake)

Hatima yake ilikuwa imetimia tena. Lakini Tenjee hakujua kuwa Mfalme, malkia, Neema na Princess Sabra walisubiri uwepo wa mgeni wao mpya.

Tenjee: (Akiingia Ikulu, Tenjee anapiga magoti mara moja alipo waona; kichwa chake akainamisha na kikagusa chini) Nashukuru kwa kukubali kwako kuniruhusu kuingia Ikulu(Tenjee alishangaa alipomwona Mfame na Malkia mzuri kama malaika, akiwa na mabinti wawili warembo)

Mfalme: Tafadhali inuka, usinisujudie.

Tenjee: (Alisimama pale alipo inama) Asante mkuu.Nashukuru.

Mfalme: Karibu, tafadhali kaa.
Tenjee: (akikaa kwenye kiti kitupu) Asante malkia wangu, asante mfalme wangu.

Malkia: Asante miungu,niliambiwa ulikuwa na njaa, wameanza kukuandalia chakula.

Tenjee: Asante malkia wangu (Mjakazi alibeba sahani iliyofunikwa vizuri na kumpa Tenjee ambaye alikula chakula kutibu njaa yake.

Princess Sabra: Lazima uwe na njaa kweli kutokana na jinsi mdomo wako unavyoonekana kukauka. Mimi naitwa Sabra.

Tenjee: (Akitikisa kichwa) Ndiyo binti mfalme, nina njaa sana. Mimi naitwa Tenjee.

Princess Sabra: Baada ya kumaliza kula, mlinzi mmoja atakupeleka kwenye moja ya vyumba vyetu vya wageni ambako utakaa hadi moyo wako utakaporidhika.

( Sabra akageza uso kwa wazazi wake) Baba, Mama, ninarudi kwenye vyumba vyangu.Neema macho yangu ni wakati wa kwenda.

Neema: Ndio binti mfalme (alimtoa Sabra mbele yao)

Tenjee: Asante kwa ukarimu wako (Akiwainamia baada ya kumaliza chakula).

Mfalme: Ubala, mpeleke kwenye chumba cha wageni (Ubala akampeleka Tenjee chumbani).

*USIKU
Ilipofika usiku, Tenjee aliketi kitandani mwake na kuleta kioo cha kichawi alichopewa na mama yake Zingota kama kifaa cha mawasiliano kati yao, na kukishika mikononi mwake.

Tenjee: (Macho yake yaling'aa, kama dhahabu akitizama kioo) Akasema,mama, niko ndani ya Jumba (Ghafla uso wa Zingota ulionekana kwenye kioo wote wakatabasamu).......

ITAENDELEA....

 

[Poor boy]

Thanks mkuu lin tena inakujaa

 

[kibangubangu]

SEHEMU YA NNE

Zingota: Vizuri, sasa kwakua uko ndani ya ngome kupata jiwe itakuwa rahisi.

Tenjee: Kwa hiyo nini natakiwa kufanya?
Zingota: Tafuta hilo jiwe la kichawi uniletee.
Tenjee: Lakini nitalipataje jiwe kwenye jumba hili? Nitawezaje hata kulitambua.

Zingota: Utajua mara tu utakapoliona.
Inakupasa kuwa na umakini katika kutafuta jiwe.

Tenjee: Sawa mama. Ila Mfalme na nyumba yake yote walinitendea wema sana.

Zingota: Usiruhusu hilo likudanganye mjinga wewe. Wakishakujua wewe ni nani kweli, watakuua. Usiwaamini nisikilize mimi wewe mtoto,usizubae na wema wao,wanakutega hao,fata kilichokupeleka hapo..Umenisikia?


Tenjee: Sawa mama, lakini nina swali la kuuliza.
Zingota: Ni nini?.

Tenjee: (Anavuta pumzi) Nataka kujua sababu kwa nini jumba hili linaitwa ikulu ya Uchawi. Mfalme na malkia wanaonekana wadogo sana,sio watu wazima.


Zingota: Siwezi kukujibu hilo kwa kweli,nasema siwezi na sijui,hayo maswali hayana maana kwangu...nimekutuma unitafutie jiwe na sio kuniuliza. maswali ya kipelelezi mimi.


Tenjee: Kwanini hutaki kuniambia?

Zingota: Wewe ni mdogo sana kukueleza. Muda ukifika nitakujulisha sababu.

Tenjee: Sawa Zingota, ngoja nilale sasa.Nitazungumza nawe wakati mwingine.

Zingota: Sawa binti yangu. Nitasubiri kusikia kutoka kwako habari njema(Zingota akapotea katika kioo na kioo kikarejea kawaida).

Tenjee akaificha kioo na kupanda katika kitanda chake.

Tenjee: (Anavuta pumzi) Kesho ni siku nyingine. Nitaanza utafutaji wa jiwe kesho. (Anafikiria kwa muda) lakini mfalme anaonekana kuwa mtu mzuri na pia mke wake. Ninachanganyikiwa,nawezaje kuwafanyia uharifu watu wema??!

********Siku iliyo fuata

Mfalme na Malkia walikuwa wamekaa kwenye kiti chao na binti yao Princess Sabra, Neema na Tenjee

Tenjee: Asante kwa nguo Malkia wangu (malkia alikuwa amempa nguo kuukuu za Sabra ili avae.Tenjee amevaa nguo hizo na sasa anaonekana kama binti wa kifalme).

Tenjee: Kwa jinsi ulivyo mzuri princess,nitakusimulia hadithi. Wanasema nimejaliwa kusimulia hadithi.

Princess Sabra: Hadithi? Lo, ni muda mrefu nimesikiliza hadithi.Nisimulie tafadhari.


Mfalme: Tusimulie, sote tunasikiliza.
Tenjee: Sawa, hapo zamani, kuna msichana kutoka kijiji cha zamani ambaye aliishi na mama yake ambaye ni mzee.

Mama yake alikuwa amemwambia kwamba kuwa mzee haikuwa sura yake ya kweli, kwamba kuna kitu kilikuja na kuchukua sura yake ya ujana inayomfanya aonekane mwanamke mzee.

Siku moja alisikia kwamba kulikuwa na kitu ambacho kinaweza kumfanya aonekane kijana tena, hivyo akamtuma binti yake kwenda kuchukua jiwe kutoka kwa ufalme wa mbali.

Binti yake alipoenda katika ufalme, mfalme na watu wake walimtendea wema.Alichanganyikiwa kama kuiba jiwe kutoka kwa ufalme au kuwaambia lengo lake.

Mwisho wa hadithi..

Malkia: Ni hadithi ya kuvutia kama ningekuwa msichana huyo, ningewaambia ukweli.

Tenjee: Ikiwa ni hivyo vipi kama kuongea ukweli itasababisha kifo chake.

Princess Sabra: Hawezi kufa, kwa sababu ikiwa mfalme anaweza kutunza jiwe la kichawi, basi hakika Ikulu hiyo inalindwa.

Tenjee: (Akitikisa kichwa) Uko sahihi lakini naomba kuuliza

Malkia: nini?

Tenjee: Kwa nini Ikulu hii inaitwa Jumba la Uchawi?

Princess Sabra: Nani alikuwa amekuambia hivyo?
Tenjee: (alidanganya ) Yule aliyenielekeza hapa.

Princess Sabra: Ala kumbe.

Mfalme: Naona unataka kujua historia au tuseme habari ya jina hilo la jumba la kichawi, sivyo mpenzi wangu?

Tenjee: (Alitingisha kichwa) Ndiyo mtukufu wangu. Nilitaka tu kujua kwa nini inaitwa jina hilo.

Mfalme: Vizuri sana basi, inaitwa Ikulu ya Uchawi kwa sababu hapa ndipo Uchawi unapoanzia.

Tenjee: (Akionekana kuchanganyikiwa) sikuelewi, unamaanisha nini?

Mfalme: Waliishi mapacha wawili wasioweza kufa, ambao walikuwa wameishi katika Jumba hili muda mrefu sana, muda mrefu sana uliopita;hao mapacha walikua na vipawa tofauti.

Mmoja wao alipenda asili, ana kipawa cha kuwasiliana na wanyama. Wakati pacha mwingine alipenda muziki, ana kipawa cha uponyaji na maono.

Mapacha wote wawili wana uchawi wenye nguvu kila mmoja. Walikuwa wameishi kwa amani hadi siku moja yenye huzuni. (Mfalme akanyamaza)

Tenjee: (Akiwa na shauku) Nini kiliendelea?
Mfalme: (Anaendelea) Yule mwenye karama za uponyaji na maono alimpenda mwanaume.

Walipendana sana lakini mapenzi yao yalikuwa ya muda mfupi. (Mfalme ananyamaza tena)

Tenjee: (shauku inamjaa zaidi kujua) Kwa vipi?

Mfalme: Aligundua dada yake pacha na mwanamume aliyempenda walikuwa na uhusiano wa kimapenzi chini kwa chini na kumsaliti.

Alipomkabili pacha wake, pacha wake alimwambia kwamba yeye na mwanamume huyo walikutana muda mrefu uliopita.

Kwa kweli ulikuwa ni mpango wao ajifanye anampenda ili wamuue bila yeye kujua. Hata chakula alichokuwa anawekewa muda wote huo kilikuwa kimetiwa sumu ili kumdhoofisha.

Yule aliyekuwa na karama ya uponyaji na maono alikasirika na kwa hasira akamuua mwanamume aliyekuwa akimpenda na kumfukuza dadake pacha kutoka Dunda.

Lakini kabla ya kumfukuza pacha wake aliweka laana juu yake. Hakuna anayejua laana ni ya nini, lakini alilaaniwa na pacha mwenye nguvu za uponyaji na laana iliwekwa kwenye umbo la jiwe na hilo jiwe halikuwahi kuonekana tena.


Tenjee: Kwa hiyo nini kiliendelea.

Mfalme: Baada ya kumfukuza dada yake pacha aligundua kuwa tayari ana ujauzito wa mwanaume ambaye alikuwa akimpenda na kumuua. Alitunza mimba ya mtoto huyo na akajifungua mtoto wa kiume ambaye alimfanya mfalme kutawala Ufalme wa Dunda.

Baada ya hapo akaenda kumtafuta pacha mwenzie ili wasuluhishe. Tangu siku hiyo, hakuna mtu aliyewahi kusikia habari zake na hakurudi tena

Tenjee: (Anawaza kuhusu jambo fulani) lakini umeijuaje hadithi hii vizuri. Inaonekana kama ulikuwepo wakati mambo hayo yanafanyika

Mfalme: (akacheka kwa sauti) Ndiyo kwa sababu mtoto wa kiume aliye zaliwa kipindi hicho na kupewa Ufalme wa Dunda ni mimi.

Tenjee: (Kwa mshtuko) Lakini vipi? Inawezaje kuwa wewe? sikuamini.

Mfalme: (Alitabasamu bila kujisumbua kwa kile alichosema Tenjee) Najua unashangaa.

Ni hivi sisi hatuwezi kamwe kuzeeka kama watu wa kawaida ndio maana inaitwa Jumba la Uchawi.

Tenjee: Sawa. Asante kwa kuniambia hadithi hii mkuu.

Mfalme: Karibu mpenzi wangu.
(Tenjee akabaki katika mawazo mazito)

ITAENDELEA......

 

[kibangubangu]

SEHEMU YA 5

**USIKU
Tenjee alikuwa chumbani kwake, na kioo mikononi mwake kinang'aa.

Tenjee: Zingota, nina jambo la kukuuliza.
Zingota: Umelipata jiwe au unaleta mastori tu hapa?

Tenjee: Bado sijaliona. Lakini hiyo sio sababu ya kukuita kwenye kioo,nina jambo la kukuuliza Zingota.

Zingota: Ongea, ninasikiliza.

Tenjee: Mfalme ameniambia kwa nini Ikulu iliitwa Jumba la Uchawi. Nimechanganyikiwa na bado sielewi.

Swali langu ni je hao mapacha ni akina nani? Unawajua?"

Zingota: Nilikuonya usiamini au kusikiliza kile watu hao walichokuambia. Wao ni wazuri katika kusema uwongo na matapeli.

Tenjee: Wao si binadamu kama sisi, mfalme hawezi kufa kama sisi. Kwa kweli ni mtoto wa mmoja wa mapacha hao. Kwa hiyo nauliza tena unawafahamu?

Tenjee: (Gghafla Kuna kitu kilimulika machoni mwake ambacho Tenjee hakujua nini,ila alipuuzia na akaendelea kumsikiliza Zingota) Hapana!!! siwajui.

Tenjee: Sawa. Swali lingine, jiwe lako la kichawi nitakulokuletea linafanana na jiwe la moyo?

Zingota: Ndiyo, hiyo ni kweli.

Tenjee: Sawa, utasikia kutoka kwangu hivi karibuni. Kwaheri.

Tenjee akatoka nje ya chumba chake,alikuwa akizunguka Ikulu huku akisimama na kuchungulia kila mahali kuona kama angeweza kupata kitu chenje umbo la moyo,ndipo ghafla bila kutarajia msaidizi wa binti mfalme aitwae Neema akatokea

Neema: Habari yako binti.

Tenjee: (Kwa mshangao) Oh, ni wewe Neema. (Anamgeukia Neema) binti mfalme yuko wapi, si alikua nawe unamsaidia?


Neema: Hapana, amelala, isitoshe nimekuja hapa kwa hiari yangu kujadili jambo muhimu kwako ambalo litakusaidia.

Tenjee: (Akikunja uso) Kweli? Na hilo jambo ni nini?

Neema: Hebu nikwambie wewe kitoto najua kwanini upo hapa.
Tenjee: Sikuelewi, unamaanisha nini?
Neema: Ninachomaanisha ni kwamba, najua sababu ya wewe kuwa hapa!Aliongea kwa kufoka akiwa amemtolea macho tenjee.

Tenjee: (Anacheka) Kweli unaajua? Niambie tu.
Neema: Unatafuta jiwe la moyo la zamani.
Tenjee: (Kwa mshtuko, alishtuka hadi kwenye mifupa yake alihisi ubaridi wa kuganda) Ulijuaje? Nani kakuambia ninachotafuta,we si kijakazi wa binti mfalme tu,umejuaje haya?


Neema: (Akacheka kwa sauti ya kichawi)

Naam, najua kwa uwezo wangu,mimi si vile unavyonidhania na acha hili pia liwe onyo kwako kujiepusha na jiwe hilo.


Tenjee: Na kama sivyo nisipo acha? Wewe ni kijakazi tu vitisho vyako ni kama mbwa wanaobweka lakini hawaumi.

Neema:Sikia wewe kitoto,hao mbwa unaosema wanabwena na hawakuumi sababu tu wamefungwa minyororo.Ungenijua mimi ni nani usinge ropoka huo ujinga...

Sasa sikia wewe kitoto,nisikie vizuri,kuna msemo unaosema, "hakuna mtu kiziwi kama mtu asiyesikiliza ya wakubwa zake" Natumaini unajua maana yake.

Tenjee: Kwa kweli sikuogopi, maana hata wewe hujui unazungumza na nani.

Neema: (Akacheka huku akiwa na sura ya hasira),Wewe kitoto nikijinga sana,sasa kwa taarifa yako,nakujua kila kitu,naajua uliko toka,na najua umekuja kufanya nini,wewe ni binti wa Zingota.

Tenjee🙁Akatoa macho kwa mstuko) Zingotaaaaaa.??

Neema:Ndiyo Namjua mama yako. Kwa hivyo kama ningekuwa wewe, nisinge jaribu kuchezea sharubu za simba.

Tenjee: (Kwa mshangao tena huku akitetemeka) Ulijuaje jina la mama yangu? Wewe ni nani?

Neema: Sikiliza na sikiliza kwa makini we binti mdogo. Kaa mbali na jiwe hilo. Mimi sio kama unavyo niona,nipo hapa,nilikuja kama wewe,na nikajifanya mwenye shida,nikapata kazi hapa,hii sura nimevaa tu,nikikuonesha sura yangu harisi utakufa kwa kihoro.

Nipo hapa kwa ajili ya hilo hilo jiwe, nataka nalitaka hilo jiwe,acha kuingilia mipango yangu,hunijui nina uwezo wa kukufanya chochote. Kwa hivyo bora uondoke ukiwa bado wa moto maana naweza kukufanya ukapoa ndani ya sekunde tu!

Tenjee: Sikuogopi. Hunitishi hata kidogo,(alijikaza ila aliogopa).

Tenjee: (Akiwaza) Nahitaji kuongea na mama yangu ili anieleze huyu mtu ni nani.

Neema: Wewe ni binti mjinga, lakini kwa namna fulani nimesha toa ujumbe wangu kwako.

Neema: Binti mfalme anaweza kuamka muda wowote kuanzia sasa,lazima nirudi ndani (Anajisemea)

Neema:Oh....we kitoto ukiongea na mama yako Zingota mwambie kwamba Neemania,usiseme Neema mwambie NEEMANIA anakutumia salamu, kwaheri.

Ghafla mwanga mkali ukapiga,neema akapotea....

ITAENDELEA.......

 

[kibangubangu]

Thanks mkuu lin tena inakujaa

sehemu ya sita jmos mkuu!Karibu