SoC01 Siri inayoweza kukusaidia kama unashindwa kuanza jambo lako

Kibenje KK · 2021-08-07T09:51:32+00:00

Miaka mitano iliyopita nilipata wazo la kugeuza taaluma yangu ya ualimu na passion ya usomaji, kujifunza na kufundisha kuwa ajira. Nikawa na mpango wa kufundisha Kwenye radio, TV, semina, makongamano, vyuo na taasisi mbalimbali na kuzalisha podcast zangu. Nikamshirikisha rafiki yangu mmoja niliyemuamini juu ya wazo langu. Akanishauri na kusema ni wazo zuri lakini sio vyepesi kama ninavyofikiria. Akasema hii kazi inahitaji sana uzoefu, uwe na pesa za mtaji kama ofisi uvae vizuri, uwe na laptop na projector za kufundishia. Akasema, unapaswa pia kuwa na watu wa kukusaidia na bao ni wataalamu wa mambo ya mitandao na connection. Kiukweli nilitoka hapo nimeishiwa nguvu. Baada ya wiki niliamua kuwa nashare baadhi ya jumbe mitandaoni. Watu taratibu wakaanza kupenda mafunzo yangu na idadi kuongezeka huku wakiniita kufundisha sehemu zao bure kwa miaka kadhaa mpaka Kuanza kulipwa. Inawezekana ningesubiri kuwa na ofisi, laptop, suti za kutosha leo ningekua sijafanya chochote. Nilivyoanza sasa nimejuana na watu muhimu, watu wengi wananifatilia, mitandaoni na nimetembea redio na TV mbalimbali na kufundisha sehemu nyingi Tanzania. “UKISUBIRI UWE NA KILA KITU NDIO UANZE, HUTAANZA KITU". Watu wengi hunifuata, wana vipaji au mitaji midogo ya kuanza biashara na hawajui wafanyeje. Hata kazi za kuajiriwa huziwezi kukuta uko nyumbani tu. Huwa nawaambia watu "Namna ya kufanya utajua ukiwa unafanya" ANZA. Uzoefu,connection, ujuzi utajua ukishaanza kufanya. Huwezi kufika unapopatamani kwa kufikiria tu. Anza kwenda. Anza na mtaji ulio nao,anza na watu ulionao, anza na vitu ulivyonavyo, anza na followers ulionao. Anza na ngazi ya kwanza, kisha endelea kupanda mpaka juu.Unachokitaka utakipata ukianza. Tuanze taratibu. Nadhani ata wewe una ushahidi kuna mambo hukujua kama unayaweza mpaka ulivyoanza. ANZA.

Thread starter Kibenje KK
Start date Aug 7, 2021
Tags

jambo kuanza siri

Stories of Change - 2021 Competition

Kibenje KK

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

SoC01 Siri inayoweza kukusaidia kama unashindwa kuanza jambo lako

Kibenje KK

JF-Expert Member

Our Community

Regional Communities