Tetesi: Suala la utekaji kujadiliwa bungeni siku zijazo

Wakusoma 12

JF-Expert Member
Joined
Jul 3, 2017
Posts
5,503
Reaction score
15,858
Wadau,

Kuna kila dalili kwamba Bunge la Jamhuri ya Muungano wa Tanzania linaweza kuingia kwenye mjadala mzito na usiotarajiwa wiki zijazo kuhusu matukio ya utekaji, kupotea, na mauaji ya raia yanayodaiwa kufanywa na watu wasiojulikana (ama wanaojulikana lakini hawatajwi?).

Kwa mujibu wa vyanzo vya kuaminika ndani ya baadhi ya kamati nyeti za Bunge, kuna hoja binafsi iliyokwishaandaliwa na baadhi ya wabunge, inadaiwa kuwa lengo ni kuwasilisha ombi la kujadili hali ya usalama wa raia, hususani wale wanaopotea katika mazingira ya kutatanisha.
Kilichoibua hali hii:

(1) Taarifa zinazozidi kuvuja mitandaoni juu ya watu waliopotea bila maelezo ya kuridhisha.
(2) Mashinikizo ya familia, wanaharakati, na baadhi ya viongozi wa dini.
(3) Ripoti zisizo rasmi kutoka kwa asasi za kiraia kuhusu ukiukwaji wa haki za binadamu.

Spika yuko upande gani?

Hili ndilo swali lenye uzito. Wapo wanaosema Spika hawezi kuruhusu hoja kama hii kupasua anga la ukimya, lakini wengine wanadai kuwa mabadiliko ya kisiasa ya hivi karibuni yamefungua milango midogo ya mjadala wa wazi, japo kwa tahadhari.

Lakini wengi wanakubaliana jambo moja: hali ya utekaji na mauaji haiwezi kuendelea kupuuzwa.

My Take:
Bunge likikubali kulizungumzia hili, litakuwa jaribio la kwanza la hadhara kuligusa jambo ambalo limekuwa "zona ya giza" katika miaka ya karibuni. Lakini pia inaweza kuwa kivuli tu cha kuonyesha "uwazi", bila hatua madhubuti.

Je, huu ni upepo tu au ni dalili ya mvua kubwa ya kisiasa?
Je, Bunge linaweza kumulika maeneo ambayo yamekuwa hayaguswi?
 
Hiloooo sahau Kwa bungee lilee pale Dodoma kujadili vitu km hvyo ,ingali wanaowatumaa watekajee wamekaa uko uko bungeniiii....
 
Hakuna la maana hapo, itakuwa ni kumsafisha boss wao tuu
 
Hao wamepitisha Sheria viganja viwili za kuwakeng'eta Kenge ndio wajadili Hilo ?
 
Wabunge WA Kanda ya ziwa ,wanajitahidi,kuonyesha Saa100 hafai.
 
Zimebakia siku 27 bunge kuvunjwa, je muda utaruhusu?
Kama ulivyosema Spika huyo ataruhusu mjadala kweli kama Spika atakuwa kasafiri na Naibu spika aongoze vikao itawezekana
 
Cookies are required to use this site. You must accept them to continue using the site. Learn more…