Pre GE2025 Tanga wafanya matembezi maalum barabarani ya kumpokea Rais Samia

Waufukweni · 2025-02-22T12:19:55+00:00

Wananchi wa Jiji la Tanga wamejitokeza kwa wingi kushiriki matembezi ya pamoja yaliyoongozwa na Mkuu wa Wilaya ya Tanga, Japhari Kubecha, Katibu Tawala wa Tanga, Dalmia Mikaya na Mbunge wa Tanga Mjini Ummy Mwalimu ikiwa ni sehemu ya maandalizi ya kumpokea Rais wa Tanzania, Dkt. Samia Suluhu Hassan, anayetarajiwa kuwasili Mkoani humo kesho February 23,2025 kwa ziara ya kikazi itakayokamilika March 01,2025. Matembezi hayo yameandaliwa na Ofisi ya Mkuu wa Wilaya ya Tanga ambapo DC Kubecha amesema Wananchi walioshiriki matembezi hayo wameonesha shauku kubwa ya kumpokea Rais Samia, wakisema kuwa uongozi wake umeleta maendeleo makubwa katika sekta mbalimbali, ikiwemo miundombinu, elimu, na afya. Kupata matukio na taarifa zote kwa kila mkoa kuelekea Uchaguzi Mkuu 2025 ingia hapa: Special Thread: Mijadala na Matukio ya Uchaguzi Mikoa yote Tanzania Bara na Zanzibar kuelekea Uchaguzi Mkuu 2025 Rais Samia anatarajiwa kufanya ziara katika maeneo mbalimbali ya Mkoa wa Tanga ambapo atazindua na kukagua miradi ya maendeleo pamoja na kuongea na Wananchi. Mkuu wa Mkoa wa Tanga Balozi, Dkt. Batlida Burian ni miongoni mwa Viongozi waliowaunga mkono Ofisi ya Mkuu wa Wilaya ya Tanga kwa kushiriki matembezi hayo ambapo amesema ni heshima kubwa kwa Mkoa wa Tanga kumpokea Rais Samia na kusema ni wajibu wa Wananchi kujitokeza kwa wingi ili kumpa Rais mapokezi mazuri “Huu ni uthibitisho wa mshikamano wetu na uungwaji mkono kwa juhudi anazofanya katika kuleta maendeleo nchini” Pia, Soma Tanga: Sekiboko awataka Wananchi kujitokeza kwa wingi kumpokea Rais Samia ambaye ni suluhu ya matatizo Mkuu wa Wilaya ya Tanga akabidhi madaftari 1,000 yenye picha ya Rais Samia. Uchawa umefika kwa watoto wetu!

Thread starter Waufukweni
Start date Feb 22, 2025
Tags

kuelekea 2025 uchaguzi mkuu

Mijadala ya Uchaguzi Mkuu wa Tanzania 2025 (Kabla, wakati na baada)

Waufukweni

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Pre GE2025 Tanga wafanya matembezi maalum barabarani ya kumpokea Rais Samia

Waufukweni

JF-Expert Member

Our Community

Regional Communities