Herbalist Dr MziziMkavu
Platinum Member
- Feb 3, 2009
- 43,112
- 34,951
TANZANIA KURUSHA SATELAITI YAO MWAKA 2027
Tanzania huenda ikaingia katika hatua mpya ya maendeleo ya teknolojia ya anga kwa kushirikiana na Urusi kupitia shirika lake la anga la Roscosmos, katika mpango unaohusisha uwezekano wa kurusha satelaiti ya kwanza ya Tanzania kwa kutumia roketi za Urusi.
Hatua hiyo inalenga kuongeza uwezo wa Tanzania katika matumizi ya teknolojia ya satelaiti, mawasiliano, ufuatiliaji wa mazingira na ukusanyaji wa taarifa za kisayansi.
Kwa mujibu wa taarifa zilizotolewa na Roscosmos, uzinduzi huo umepangwa kufanyika mwezi Machi 2027, na utakuwa wa satelaiti ya uchunguzi wa Dunia (Earth Observation Satellite).
Satelaiti hiyo inatarajiwa kusaidia katika ufuatiliaji wa mabadiliko ya tabianchi, kilimo, misitu, rasilimali za maji na ramani za maeneo mbalimbali.
Aidha, makubaliano hayo yanahusisha Urusi kuisaidia Tanzania katika kuanzisha shirika lake la kitaifa la anga (National Space Agency), kujenga uwezo wa wataalamu na kuendeleza miundombinu ya kupokea taarifa kutoka angani.
Hii ni hatua muhimu katika safari ya Tanzania kuelekea kujenga uwezo wake katika teknolojia ya anga za juu.