Tanzania yatangaza madini mkakati Ufaransa

Stephano Mgendanyi · 2023-10-01T17:49:47+00:00

Naibu Waziri wa Madini Dkt. Steven Kiruswa amesema Tanzania ni miongoni mwa nchi zenye rasilimali madini kwa wingi yakiwemo Madini Mkakati ambayo mahitaji yake yanazidi kuongezeka kutokana na kutumika kuzalisha aina tofauti za vyanzo vya nishati na teknolojia zinazohitaji aina mbalimbali za madini mkakati kama vile Lithiamu, Nikeli, Kobalti, Manganese na Grafiti. Ameyasema hayo jijini Paris nchini Ufaransa wakati akihutubia Mkutano wa Kilele wa Usalama wa Madini Mkakati ambao umejadili masuala muhimu kuhusu madini hayo, kubadilishana uzoefu pamoja na kujadili namna ya kushiriki katika kuchochea usimamizi na usambazaji endelevu wa madini hayo Alisema kuwa kutokana na mwelekeo wa sasa teknolojia, zinahitaji aina mbalimbali za madini mkakati na kwamba, nchini Tanzania madini hayo yanapatikana kwa wingi. “Ndugu Washiriki, mengi ya madini mkakati yanayohitajika kwa mabadiliko ya nishati safi yanapatikana kwa kiasi kikubwa nchini Tanzania. Hizi ni pamoja na rasilimali muhimu ya Grafiti, Nikeli, Kobalti, Lithiamu, Vipengee Adimu vya Dunia (Rare Earth Elements [REE]), Shaba, Manganese, Zinki na Alumini.” alisema Dkt. Kiruswa. Aidha, Dkt. Kiruswa alisema kuwa kutokana na uwepo wa rasilimali hizo Tanzania ni miongoni mwa wadau muhimu katika Mkakati wa Mpito wa Nishati Safi kutokana na kuwa na Rasilimali Madini muhimu na Mkakati ya aina mbalimbali kwa kiasi kikubwa. Sambamba na hilo, Dkt. Kiruswa aliueleza mkutano huo kuwa, miongoni mwa masuala yanayohitaji mkakati wa pamoja wa kimataifa, ni pamoja na namna bora ya ugavi wa madini hayo, uboreshaji wa uwazi wa masoko, kuongeza kasi ya teknolojia za uvumbuzi na uchakataji na kukuza mazoea ya maendeleo endelevu na yenye uwajibikaji. Aidha, alitumia jukwaa hilo kuwakaribisha wawekezaji kuwekeza nchini na kuongeza kuwa Tanzania ni miongoni mwa nchi barani Afrika ambazo zina amani na utulivu mkubwa kisiasa.

Thread starter Stephano Mgendanyi
Start date Oct 1, 2023
Tags

madini mkakati tanzania ufaransa

Stephano Mgendanyi

JF-Expert Member

Oct 1, 2023

Siri yangu

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Tanzania yatangaza madini mkakati Ufaransa

Stephano Mgendanyi

JF-Expert Member

Siri yangu

JF-Expert Member

Our Community

Regional Communities