SoC02 Thamani ya Elimu katika Ukombozi wa Jamii

Max Mwinuka · 2022-09-04T08:52:00+00:00

Elimu ni jumla ya maarifa aliyonayo mtu yanayomuwezesha kutatua changamoto za maisha yake ya kila siku. Elimu si ile tu inayopatikana shuleni na vyuoni bali ni maarifa yote yapatikanayo katika mazingira husika au mazingira yanayo tuzunguka. Elimu ni kitu muhimu sana katika mapinduzi ya kifikra, kiuchumi na kimaendeleo. Elimu hubadili kabisa mfumo wa maisha ya jamii husika. Elimu bora ni ile inayomfanya mtu ajitambue kwa kutambua thamani ya utu wake, kukabiliana na changamoto za maisha yake ya kila siku na kujiletea maendeleo. Iwapo elimu inayotolewa haikidhi kutatua mahitaji na changamoto za maisha basi elimu hiyo haikidhi mahitaji ya jamii husika. Hakuna elimu iliyo vuguvugu, bali elimu yaweza kutolewa kwa ajili ya ukombozi au kwa ajili ya uharibifu. Mwandishi na mtaalam mmoja(mwafrika) wa mambo ya elimu, aliyeitwa "Paul Fraire" wa huko Amerika kusini alisema hivi: Nanukuu kwa lugha ya kinereza "Education is never neutral, it must be for domestication or liberation". Akimaanisha kuwa "hakuna elimu iliyo vuguvugu, bali yaweza kuwa kwa ajili ya udunishaji au Ukombozi". Sasa tujiulize, elimu yetu inaangukia upande gani? Kumbuka kuwa ili tukue kimaendeleo na kiuchumi, ni lazima tuwe na uwezo wa kuzalisha bidhaa zetu wenyewe kwa ajili ya soko la ndani na nje. Ili tuzalishe bidhaa, ni lazima tuwe na wataalamu wa teknolojia yaani wagunduzi wa mashine na viwanda vidogo na hatimaye viwe viwanda vikubwa. Hivyo tunapaswa tuwe na wanasayansi ili watutengenezee madawa, kemikali na vitu vingine vingi vipya na vyenye manufaa makubwa kwa jamii, lazima tuwe na wakulima na wafugaji bora, na katika nyanja nyingine nyingi. Ukienda shuleni leo, katika bara la Afrika katika shule za msingi na sekondari na hata vyuoni ukawauliza wanafunzi wangependa kuwa watu gani hapo baadaye. Hakika utapata majibu haya: napenda kuwa nesi, mwalimu, mhasibu, derever, rubani, polisi, mwanajeshi, mwanasheria, waziri, rais, mbunge, na nafasi nyingine nyingi za ajira na sio kukuza vipaji na kuanzisha vitu vipya. Ni mara chache au utasikia wanafunzi wakisema wanataka kuwa mwanasayansi, mgunduzi, mtengeneza vifaa vya viwandani, fundi wa kuunda machine, mkulima, mfugaji au mgunduzi wa tiba bora kwa wanadamu! Ikumbukwe kuwa hili kundi la pili ndilo kundi lililoifanya Ulaya ikawa na mapinduzi ya viwanda! Sikatai kuwa ajira zilizotajwa kama uhasibu, urubani na upolisi na nyanja nyingine za ajira kwamba ni nzuri na zinafaa. Ninachosema juu ya ajira hizo ni kwa ajili ya watu walio tayari au waliojiandaa kisaikolojia kutumia vitu au teknolojia iliyokwisha andaliwa na watu wengine. Lakini tunahitaji kuunda au pia waandaaji lazima watoke kundi la pili la mtu kuleta kitu kipya na chenye manufaa kwenye jamii nzima. Sasa, je, elimu yetu inatupeleka wapi? Tujiulize, elimu inayotolewa barani Afrika inakidhi mahitaji ya mazingira yetu ya hapa Afrika au hapana? Kama tuna shule na vyuo vikuu, wagunduzi wetu wako wapi? Kwanini kila kifaa tunachotumia kinatoka ughaibuni? Tuamke sasa, tubadili mifumo hii mibovu ya elimu tulitonayo. Afrika amka sasa! Asanteni. Usisahau kukoment na kuvote

Thread starter Max Mwinuka
Start date Sep 4, 2022
Tags

all members jamii forums jamii forums members mshana jr numbisa rutashubanyuma sera ya elimu serikali na wananchi shimba ya buyenze shunie

Stories of Change - 2022 Competition

Max Mwinuka

New Member

Sep 4, 2022

Upvote 3

Max Mwinuka

New Member

Sep 4, 2022

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

General Forums
Stories of Change
Stories of Change 2022

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts