[h=1]
Azam FC safarini Arusha, Mechi na JKT Oljoro yasogezwa mbele[/h]
Kikosi cha wachezaji 20 wa Azam FC kiko njiani kikielekea mkoani Arusha kwa ajili ya kucheza mchezo wake wa tatu wa ligi kuu ya Vodacom VPL dhidi ya timu y JKT Oljoro.
Azam FC ilikuwa wacheze mchezo huo siku ya Jumatano ya wiki hii katika uwanja wa kumbukumbu ya Sheikh Amri Abeid uliopo Arusha. Lakini taarifa za uhakika toka TFF zinasema kuwa mchezo huo umeseogezwa mbele hadi Alhamisi.
Kocha mkuu wa Azam FC, Stewart Hall amesema matayarisho kwa ajili ya mchezo huo yamekamilika kinachosubiliwa ni mechi yenyewe.
Amesema kutokana na mechi hio kuchezwa katika uwanja wa nyasi za kawaida, timu ilifanya mazoezi ya siku tatu katika kiwanja cha nyasi za kawaida kilichopo Kawe, ili kujiweka sawa na mchezo huo.
"niliwabadilishia uwanja ili wapate mazoezi yatakayowasaidia kucheza katika viwanja vya kawaida, wameonyesha kumiliki mazoezi hivyo napata uhakika wa kufanya vizuri katika mchezo huo." Alisema Stewart.
Ameongeza kuwa timu itasafiri na wachezaji 20, kwa kuwa Abdulhalim Humud alipata majeraha, Salum Aboubakar ‘Sure Boy' anatumikia adhabu ya kadi nyekundu na Himid Mao anajiandaa na mitihani ya kumaliza kidato cha nne.
Wachezaji watakao kuwepo katika msafara huo ni Obren Curcovic, Mwadin Ally, Malika Ndeule, Wazir Salum, Ibrahim Shikanda, Ibrahim Mwaipopo, Aggrey Moris, Jabir Aziz, Zahor Pazi, John Bocco, Nafiu Awudu, Wahab Yahya, Mrisho Ngassa, , Luckson Kakolaki, Ramadhan Chombo, Said Morad, Kipre Tchetche, Khamis Mcha na Erasto Nyoni.
Katika msafara huo kocha ataongozana na wasaidizi wake, Kali Ongala na Idd Aboubakar. Pia katika safari hiyo yumo Meneja msaidizi Khamis Jaffar, Dr Twalib Mbaraka, na Jaffar Iddi Maganga
Azam FC wamecheza michezo miwili, wamepoteza mchezo mmoja kwa Africa Lyon na kushinda mchezo dhidi ya Moro United, imefikisha pointi tatu.
source: azamfc.co.tz/news