Uchaguzi 2020 TLP yasema inaendelea kumuunga mkono Magufuli. Kauli ya msajili kwamba wamesitisha uamuzi huo hawaitambui

[Miss Zomboko]

CHAMA cha Tanzania Labor Party (TLP), kimeibuka na kusema kuwa bado kina nia ya kumuunga mkono mgombea urais wa Chama Cha Mapinduzi (CCM), John Magufuli katika uchaguzi mkuu ujao.

Kimesema Ofisi ya Msajili wa Vyama vya Siasa nchini Tanzania ilikosea kutangaza kwamba wamesitisha uamuzi huo.

Akizungumza na Nipashe, Makamu Mwenyekiti wa TLP, Domina Rwechngura, alisema msimamo wao upo pale pale wa kuendelea kumuunga mkono mgombea huyo.

“Sisi tuliishasema tangu mwezi wa tano kwamba tutamuunga mkono Rais Magufuli katika uchaguzi huu, hivyo msajili kauli yake kwamba tumesitisha uamuzi wetu hatuitambui,” alisema.

Hivi karibuni vyama vya TLP na UDP viliripotiwa kujiondoa mpango wa kumuunga mkono mgombea urais wa CCM, kutokana na kutofuata kanuni na sheria za uchaguzi.

Naibu Msajili wa Vyama vya Siasa, Sisty Nyahoza, hivi karibuni alisema waliwaambia TLP na UDP suala hilo lina utaratibu ambao walitakiwa kuufuata, na walipoona hawajafuata, vyama hivyo vimekaa kimya na havisikiki tena.

Aliongeza kuwa UDP waliendelea na kazi zao za kampeni, wakiwa na mgombea wao na kutangaza sera za chama chao. Vile vile, alisema TLP ambao waliweka mabango wameyatoa na wanaendelea na kampeni zao.

IPPMEDIA

 

[Tigershark]

Hapo tume na msajili wanazidi kupata wakati mgumu!

 

[Kiranga]

Msajili anavunja katiba.

Chama chochote kina haki ya kikatiba ya kumuunga mkono mgombea yeyote wakati wowote.

Sheria yoyote itakayokataza hilo inapingana na katiba na hivyo ni batili.

Mimi si mfuasi wa chama chochote. Si mshabiki wa Magufuli.

Napenda haki na kufuata katiba tu.

 

[Ulimbaga wilfred]

CHAMA cha Tanzania Labor Party (TLP), kimeibuka na kusema kuwa bado kina nia ya kumuunga mkono mgombea urais wa Chama Cha Mapinduzi (CCM), John Magufuli katika uchaguzi mkuu ujao...

Sina hakika

 

[Hebie]

Msajili anavunja katiba.

Chama chochote kina haki ya kikatiba ya kumuunga mkono mgombea yeyote wakati wowote....

Kuna kanuni pia ziliandaliwa kutoka kwenye Katiba, na si kufuata Katiba in general

 

[M-mbabe]

CHAMA cha Tanzania Labor Party (TLP), kimeibuka na kusema kuwa bado kina nia ya kumuunga mkono mgombea urais wa Chama Cha Mapinduzi (CCM), John Magufuli katika uchaguzi mkuu ujao...

Uhuni wa vyombo vya serekali chini ya awamu hii ni wa viwango vya Jupiter huko!

 

[imhotep]

Tume inazidi kuumbuliwa na kuaibishwa kwasababu sio tume huru ni tume ya kuhadaa Dunia ili ionekane kuna tume Tanzani

 

[Bila bila]

Kuna kanuni pia ziliandaliwa kutoka kwenye Katiba, na si kufuata Katiba in general

Kiranga amekuelezea ukuu wa Katiba, wewe unaongelea kanuni tena?

 

[evangelical]

Kuna kanuni pia ziliandaliwa kutoka kwenye Katiba, na si kufuata Katiba in general

Usiwe unajibujibu vitu usivyovifahamu.

Kanuni hazitungwi kutoka kwenye katiba isipokuwa kwenye sheria.

Na kamwe sheria haiwezi kuwa juu ya katiba na pale sheria yeyote inapokinzana na katiba sheria hiyo Ni batili

 

[binti kiziwi]

Hahah sa itakuwaje juu ya majibu ya NEC!? Kilicho halali kwa TLP kuwe halali kwa ACT na CDM vyote ni vyama vya siasa.

 

[Zegreaty]

CHAMA cha Tanzania Labor Party (TLP), kimeibuka na kusema kuwa bado kina nia ya kumuunga mkono mgombea urais wa Chama Cha Mapinduzi (CCM), John Magufuli katika uchaguzi mkuu ujao....

Kiufupi yani huu mwaka alilolipanga Mungu haliwezi zuiliwa kwa namna yoyote ile ✌✌✌

 

[The Boss]

Sasa Tlp hawataitisha
Sheria hii inawahusu ACT only?

 

[Kiranga]

Kuna kanuni pia ziliandaliwa kutoka kwenye Katiba, na si kufuata Katiba in general

Kwa hiyo kanuni hazikufuata katiba?

 

[LIMBOMAMBOMA]

Safi sana Tlp, lila mtu au chama kina haki ya kumuunga mkono wamtakaye..

 

[Jitukali 333]

Hapo tume na msajili wanazidi kupata wakati mgumu!

Hahaaa.........jamaa bado wameshikilia msimamo wao!!!