TLS, yatoa orodha ya watu waliopotea na kutekwa na tamko juu ya ongezeko la vitendo vya utekaji na upoteaji wa watu nchini

Crocodiletooth said:

Uongo mtupu huu!

Click to expand...

Jagarld said:

Hadi nimeogopa,

Wamemsahau Shadrack wa Songwe aliyelipiwa faini ya 5m baadae mchongero alipotembelea mkoani naye akapotea.

Click to expand...

Nehemia Kilave said:

kuna orodha nimekutana nayo ya watu waliotekwa ,kuteswa au kupotea tandu 2016 - 2024 , je hii imetolewa kweli na TLS ?

Click to expand...

Nehemia Kilave said:

sijaiona kwenye website yao

Click to expand...

Nehemia Kilave said:

je ni kweli katika kipindi cha 2016-2020 ni watu watatu tu ?

Click to expand...

Crocodiletooth said:

Uongo mtupu huu!

Click to expand...

1. MO
2. Dr Ulimboka
3. Kabendera kama sijakosea Kibamba

Faana said:

Haya mambo siyo ya kushabikia ipo siku yatatukuta tulioko humu
Ila kwenye orodha sijamuona

1. MO
2. Dr Ulimboka
3. Kabendera kama sijakosea Kibamba

Click to expand...

Abdul S Naumanga said:

Hato Roma sijamuona pia.

Click to expand...

Abdul S Naumanga said:

Hivi yumo humu?🤔

Click to expand...

Abdul S Naumanga said:

Hatua nikimaanisha hata hizo alizoshauriwa Rais ikiwemo kuunda Tume na Chombo maalumu kwaajili ya kusimamia vyombo vya usalama, sambamba na hilo wahusika wote waliotajwa kufikishwa Mahakamani​

Click to expand...

Abdul S Naumanga said:

Chama cha Wanasheria Tanganyika (Tanganyika Law Society - TLS) kikiongozwa na wakili Boniface A.K Mwabukusi kimetoa tamko zito lililoweka wazi hali ya kusikitisha inayolikumba taifa. Kwa mujibu wa tamko hilo, kumekuwa na ongezeko la matukio ya kutekwa, kupotea, na kuteswa kwa watu nchini Tanzania, huku vyombo vya dola vikishindwa kutoa ufafanuzi wa kuridhisha au kuchukua hatua stahiki dhidi ya vitendo hivi vya kikatili.

TLS imeeleza wasiwasi mkubwa kuhusu jinsi Jeshi la Polisi limekuwa likishughulikia matukio haya. Licha ya taarifa nyingi kutolewa kuhusu utekaji na utesaji, mara kwa mara vyombo hivi vimeonekana kukanusha madai haya, hata pale ambapo ushahidi wa kutosha umeibuka kuthibitisha ukweli wa matukio haya. Hali hii imeongeza hofu na wasiwasi miongoni mwa wananchi, ambao wanahisi kutokuwa salama katika nchi yao wenyewe.

Katika tamko hilo, TLS inakemea vikali vitendo vya utekaji na utesaji, ikieleza kuwa ni ukiukwaji mkubwa wa haki za binadamu kama ilivyowekwa bayana katika Katiba ya Jamhuri ya Muungano wa Tanzania na mikataba ya kimataifa. TLS imeishauri serikali, chini ya uongozi wa Rais Samia Suluhu Hassan, kuchukua hatua za haraka kuunda Tume Maalum itakayochunguza matukio haya na kubaini wahusika wa uhalifu huu.

Aidha, chama hicho kinapendekeza kuanzishwa kwa chombo maalum cha kudumu kitakachokuwa na jukumu la kusimamia na kuangalia utendaji wa vyombo vya dola, kuhakikisha vinafanya kazi kwa mujibu wa Katiba na Sheria za nchi. Kwa kufanya hivyo, TLS inaamini kuwa itaimarisha uadilifu wa vyombo vya dola na kurejesha imani ya wananchi kwa serikali yao.

Katika kiambatanisho cha tamko hilo, TLS imetoa orodha ya baadhi ya watu waliotekwa au kupotea kuanzia mwaka 2016 hadi 2024, ikiwa ni ushahidi wa dhahiri wa kuendelea kwa vitendo hivi vya kikatili. Baadhi ya watu hao walipatikana wakiwa wamejeruhiwa, huku wengine wakiwa hawajulikani walipo hadi sasa.

Kwa kuhitimisha, TLS inatoa wito kwa wananchi kuwa makini na kuchukua tahadhari za ziada katika maisha yao ya kila siku, na kutoa taarifa kwa mamlaka husika endapo watahisi hatari yoyote. Huu ni wakati muhimu kwa Watanzania wote kusimama pamoja katika kupinga vitendo hivi vya ukiukwaji wa haki za binadamu na kudai uwajibikaji kutoka kwa viongozi.

TAMKO 👇🏼
View attachment 3065683​

View attachment 3065684
View attachment 3065686
View attachment 3065687
View attachment 3065688
View attachment 3065689View attachment 3065690
View attachment 3065691
View attachment 3065693
View attachment 3065696
View attachment 3065697
View attachment 3065698
View attachment 3065699
View attachment 3065701
View attachment 3065703
View attachment 3065704
View attachment 3065705

09 Agosti, 2024 ​

TAARIFA KWA UMMA

ONGEZEKO LA VITENDO VYA UTEKAJI NA UPOTEAJI WA WATU NCHINI ​

Chama cha Wanasheria Tanganyika (TLS) kinasikitishwa na kinalaani vitendo vya kukamatwa, kutekwa na kuteswa kiholela kwa wananchi kunakoendelea nchini bila ya vyombo husika vya dola kuwajibika ipasavyo.

Kumekuwepo na taarifa mbalimbali za watu kupotea katika mazingira tatanishi, kutekwa na kuteswa na baadae kuonekana huku baadhi yao wakiwa wamefariki na wengine wakiwa na majeraha makubwa katika miili yao. Tunasikitishwa pia na namna ambavyo vyombo vyetu vya dola hususani Jeshi la Polisi limekuwa likifanyia kazi taarifa hizo. Mara kwa mara Jeshi la Polisi limekuwa likikanusha kutokea kwa matukio hayo lakini baadae inakuja kubainika kwamba matukio hayo ni ya kweli. Mara nyingine Jeshi la Polisi limekuwa likiwakamata raia wema wanaotoa taarifa hizo kwa kile kinachosemekana kusambaza taarifa za uongo badala ya kufanyia kazi taarifa hizo kwa mujibu wa Katiba na Sheria zinazowapasa kufanya wajibu wao wa kulinda watu na mali zao.

TLS, kwa mamlaka iliyopewa kupitia kifungu cha 4 cha Sheria iliyounda TLS (Tanganyika Law Society Act, Cap. 307 R.E. 2002), inapenda kuvikumbusha vyombo vya dola hususan Jeshi la Polisi juu ya majukumu yake ya Kikatiba na Kisheria ya kulinda watu na mali zao. Matukio haya ya utekaji ni kinyume na Ibara ya 13 (6) (e) na 14 ya Katiba ya Jamhuri ya Muungano wa Tanzania; pamoja na Mikataba ya Kimataifa inayozungumzia Haki za Binadamu na inayozuia uteswaji wa watu kama vile Mkataba dhidi ya Mateso na Unyanyasaji au Adhabu Nyingine za Kikatili au Udhalilishaji (Convention against Torture and Other Cruel, Inhuman or Degrading Treatment or Punishment), Tamko la Kimataifa la Haki za Binadamu (Universal Declaration of Human Rights) na Mkataba wa Kimataifa wa Haki za Kiraia na Kisiasa (The International Covenant on Civil and Political Rights).

TLS inatambua na kuheshimu taarifa za Jeshi la Polisi zinatolewa zikitaarifu umma kwamba matukio hayo yamekuwa yanafanyiwa uchunguzi lakini tunasikitika kwamba hakuna taarifa kamili ya uchunguzi wa tukio hata moja ambayo imewahi kutolewa kwa umma juu ya hatua zilizochukuliwa na Jeshi la Polisi juu ya watuhumiwa wa matukio hayo. Hali hii inaendelea kutia hofu kwa wananachi juu ya usalama wao na mashaka juu ya uwezo wa Jeshi la Polisi kuchunguza na kuchukua hatua stahiki kwa wahusika wa matukio hayo.

Kupitia tamko hili, tunaambatanisha orodha ya baadhi ya watu ambao wananchi au/na vyombo mbalimbali vya habari hapa nchini vimewahi kutoa taarifa za kupotea au kutekwa kwao ambapo baadhi yao walipatikana na baadhi yao wakiwa na majeraha huku kukiwa na wengine ambao waliopotea katika mazingira tatanishi na hawajapatikana mpaka leo. Tunaamini kwamba Jeshi la Polisi na vyombo vingine vya dola vitafanyia kazi na kuhakikisha watu hao wamepatikana na wahusika wote wa matukio haya wanakamatwa na kufikishwa katika vyombo husika vya haki ili hatua stahiki za kisheria ziweze kuchukuliwa.​

Wito wetu;

1. Tunamshauri Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kuunda Tume maalumu ya kuchunguza matukio yote ya kupotea kwa watu, kutekwa na kuteswa;​
2. Tunamshauri Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kuunda Tume Maalum ya kuchunguza ushiriki wa Jeshi la Polisi kwenye masuala ya Utekaji kwa kuwa Jeshi la Polisi limekuwa likituhumiwa kushiriki katika vitendo hivyo;​
3. Tunapendekeza kuundwa kwa chombo maalumu cha kudumu cha kuangalia utendaji wa vyombo vya dola (oversight body) ili kuhakikisha vinafanya kazi kwa mujibu wa Katiba na Sheria; na​
4. Tunalitaka Jeshi la Polisi kufanya kazi yake kwa weledi kwa mujibu wa Katiba na Sheria ili kuhakikisha usalama na ulinzi wa wananchi na mali zao unaimarika​

TLS inaendelea kufuatilia matukio haya kwa ukaribu na iko tayari kushirikiana na vyombo vyote vya dola katika kuhakikisha wahusika wote wa matukio haya wanafikishwa katika vyombo mahususi vya haki ili haki ionekane inatendeka. Hata hivyo, tunatoa rai kwa watanzania wote kuwa makini wakati wote na kutokubali kuitwa au kukutana na watu wasiowajua au kwenda mahali wasipopajua na ikibidi sana wawasiliane na wakili yeyote kabla ya kukutana au kwenda mahali wasipopajua.​

Imetolewa na Baraza la Uongozi la Chama cha Wanasheria Tanganyika (TLS)

Boniface A.K Mwabukusi
Rais
​

KIAMBATISHO:

ORODHA YA WATU WALIOTEKWA/KUPOTEA 2016-2024. ​

S/N	JINA	MAELEZO MAFUPI	MAKAZI
1.	KOMBO MBWANA TWAHA​	Alitekwa nyumbani kwake Handeni Tanga na watu waliojitambulisha ni askari polisi tarehe 15 Juni 2024, baadaye polisi walikanusha kuhusika na kufungua jalada la uchunguzi. Siku 29 baadaye polisi walikiri kuhusika na kumshikilia kwa hizo siku zote.​	Handeni - Tanga
2	KENNEDY MWAMLIMA	Alitekwa Mbeya na watu waliojitambulisha ni askari polisi tarehe 11 Aprili 2024. Alipatikana Igunga Tabora Tarehe 16 Aprili 2024 akiwa ametapakaa majeraha. Kwa maelezo yake alikuwa akiteswa katika vituo vya polisi na alikuwa akiulizwa nani anamtuma kukosoa serikali katika mtandao wa TikTok.​	Mbeya Jiji -Mbeya
3	EDGER MWAKALEBELA	Alitekwa tarehe 23 Juni 2024 Ubungo Dar es Salaam. Akapelekwa kituo cha polisi OysterBay na baadaye​ Arusha kabla ya kupatikana tarehe 27 Juni 2024 mkoani Katavi porini akiwa ametapakaa majeraha.	Dar es Salaam.
4	JAMES SIJE	Alitekwa na askari polisi anayeitwa Sgt. Mageni Musobi A.K.A Majani wa kituo cha polisi Nyakato tarehe 17 Agosti 2021 mpaka sasa hajapatikana.​	Nyakato –Mwanza
5	JOSEPH MNYONGA	Alitekwa Julai 2021 nyumbani kwake Mwanza na watu waliojitambulisha kuwa​	Mwanza.

			ni askari polisi kutoka mkoa wa Mwanza mpaka sasa hajapatikana.​
6	DOTTO KABWA		Alitekwa tarehe 4 Julai 2022 na askari polisi anayejulikana kwa jina la Wambura Mwita kutoka kituo cha polisi Ifunda Iringa na hajapatikana mpaka leo.​	Ifunga-Iringa
7	YAHYA ALLY		Alitekwa tarehe 6Septemba 2022 Mbagala Kizuiani na askari polisi wakiongozwa na OC-CID Abdalah Suleiman.​ Mpaka sasa hajapatikana.	Mbagala – Dar es Salaam.
8	CHANDE KIZEGA		Alitekwa na watu waliojitambulisha ni askari polisi tarehe 18 Agosti 2022 akiwa dukani kwake Machinga Complex. Mpaka sasa hajapatikana.​	Dar es Salaam
9	Mzee SAMUEL MKONGO	MATIKO	Alitekwa mkoani Geita tarehe 27 Januari 2023 na askari polisi Sgt. Hamis mwenye namba 0789938835 na kupelekwa kituo cha Muriaza –Butiama mkoani Mara. Ndugu walifika hapo na wakamuona akiwa ametapakaa majeraha, lakini waliporudi kumletea chakula hawakumkuta tena kituoni hapo na hajaonekana mpaka leo.​	Geita mjini.
10	CHARLES MWAMPYATE	ADEN	Alitoweka tangu tarehe 7 Decemba 2023 akiwa Dar es Salaam na hajapatikana mpaka leo.​	Dar es Salaam.
11	WILLIAM HERMAN		Alitekwa Mwanza tarehe 1 Januari 2024 na askari polisi anayefahamika kwa jina la Sgt. Mageni Musobi A.K.A​	Kangaye-Mwanza

		Majani wa kituo cha polisi Nyakato.​
12	DAVID GASPER LEMA	Alipotea akiwa njiani kutoka Mwanza kwenda Dar es Salaam tangu tarehe 6 Aprili 2024 na mpaka sasa hajapatikana.​	Mwanza
13	JEROME KISOKA a.k.a MAPII	Alitekwa na watu waliojitambulisha ni askari polisi tarehe 14 Novemba 2023 eneo la Njoro, Moshi mkoani Kilimanjaro na hajapatikana mpaka leo.​	Moshi-Kilimanjaro
14	RIDHIWANI HEMED MSANGI (PIA AMEKUWA AKIJULIKANA KWA JINA LA ABDALLAH SALUM MSANGI)	Alipotea mkaoni Iringa mwishoni mwa mwezi Julai 2021 na hajapatikana mpaka leo. Kazi yake alikuwa mhadhiri (Lecturer) Chuo Kikuu cha Mkwawa ambalo ni tawi la Chuo Kikuu cha Dar es Salaam.​	Iringa
15	BENSON E.A. ISHUNGISA	Alitekwa na watu waliojitambulisha ni askari polisi tarehe 26 Novemba 2023 akiwa nje ya Hospital ya Makangarawe Yombo mkoani Dar es Salaam. Benson alikuwa akimsubiri abiria nje ya Hospital hiyo na hata bodaboda wenzake walipoulizwa kituo cha polisi anachopelekwa hawakujibiwa. Mpaka leo hajapatikana.​	Dar es Salaam
16	HAMZA SAID	Katibu wa chama cha NCCR Mageuzi mkoa wa Geita. Alitekwa tarehe 17 Decemba 2023 nyumbani kwake mtaa wa Mwatulole mkoani Geita na watu waliojitambulisha ni askari polisi. Mpaka leo Katibu huyo hajapatikana​	Mwatulole-Geita

17	YONZO SHIMBI DUTU	Alikamatwa tarehe 2 Machi 2024 na askari polisi wa kituo cha polisi Kwimba Mwanza akiwa na wenzake maeneo ya Bushini-Kishapu mkoani​ Shinyanga. Wenzake waliachiwa ila yeye hajapatikana na hayupo vituo vyote vya polisi.	Kishapu-Shinyanga
18	LILENGA ISAYA LILENGA	Alitekwa tarehe 11 Mei 2024 maeneo ya Kibirizi mkoani Kigoma na watu wanaodaiwa ni polisi kisha kutokomea naye kusikojulikana. Mpaka sasa hajapatikana.​	Mwandiga-Kigoma
19	TAWAFIQ MOHAMED	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.​	Dar es Salaam
20	SELF SWALA	Alitekwa tarehe 26 Decemba 2021 eneo la Kamata, Kariakoo mkoani Dar es​ Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
21	EDWIN KUNAMBI	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
22	HEMED ABASS	Alitekwa tarehe 26 Decemba 2021 eneo la Kamata, Kariakoo mkoani Dar es	Dar es Salaam

		Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.
23	RAJABU MDOE	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
24	MZEE HAJI SOFT	Alichukuliwa nyumbani kwake Temeke na watu waliojitambulisha ni askari polisi tarehe 13 Julai 2021 na mpaka sasa hajapatikana.	Temeke – Dar es Salaam
25	ALPHONCE BILASENGE	Alitoweka ghafla. Simu yake mara ya mwisho ilizimwa eneo la Kibeta, wilaya ya Bukoba mjini mkoani Kagera tarehe 6 Januari 2022.	Kagera
26	ALBERT KISEYA SELEMBO	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu Loliondo. Baada ya wiki tatu alipatikana kituo cha polisi akiwa na kesi ya Mauwaji.	Loliondo - Arusha
27	MOLOIMETI YOHANA SAING’EU	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha Polisi akiwa na kesi ya Mauwaji.	Loliondo - Arusha
28	NDIRANGO SENGE LAIZER	Alitekwa na watu wenye silaha tarehe 9 Juni 2022	Loliondo - Arusha

		wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
29	JOEL CREMES LESSONU	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
30	SIMONI NAIRIAM OROSIKIRIA	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
31	DAMIAN LAGO LAIZER	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
32	MATHEW ELIAKIMU SILOMA	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha

33	LUKAS K. NJAUSI	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
34	TALENG’O TWAMBEI LESHOKO	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
35	KIJOOLU KAKEI OLOJILOJI	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo – Arusha
36	SHENGENA JOSEPH KILLEL	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo Arusha
37	MASEKE MWITA MASEKE	Alitoweka tangu tarehe 10 Juni 2022 mpaka sasa hajapatikana.	Nkerege -Tarime- Mara
38	MALONGO DANIEL PASCHAL	Alitekwa na watu wenye silaha tarehe 10 Juni 2022 wakati wa oparesheni ya	Loliondo - arusha

		serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
39	SIMELI PARMWATI KARONGOI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
40	INGOI OLKEDENYI KANJWEI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
41	SANGAU MORONGETI NGIMINIS	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
42	MARIJOI NGOISA PARMATI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha

43	MORONGETI MASAKO	MSEEKI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
44	KAMBATAI LULU		Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
45	ORIAS OLENG’IYO		Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo -Arusha
46	WILSON KOLONG		Alitekwa na watu wenye silaha tarehe 12 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
47	JAMES TAKI		Alitekwa na watu wenye silaha tarehe 13 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye	Loliondo - Arusha

		aliachiwa baada ya mashtaka dhidi yake kukosa ushahidi.
48	JOSEPH JARTAN	Alitekwa na watu wenye silaha tarehe 13 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
49	KELVIN SHASO NAIROTI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
50	LEKERENGA KOYEE ORODO	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo -Arusha
51	FRED VICTOR LEDIDI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
52	SIMON MORINTANTI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa	Loliondo - Arusha

		nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
53	MOHAMED KAYEGO KALEBE	Alikamatwa na watu wengine sita (6) na maafisa waliojitambulisha kuwa ni askari polisi tarehe 5 Apriil 2023 huko Katoro mkoani Geita. Ndugu walifika vituo vyote vya polisi hawakumkuta na hajapatikana mpaka leo yeye na hao wenzake ambao majina hayajatambulika mpaka sasa.	Katoro - Geita
54	AMON MRIGI MAGIGE	Alikamatwa na askari wa jeshi la Polisi wakiwa na gari za Polisi Land Cruiser Pick Up mbili hapo tarehe 1 Octoba 2023. Mpaka sasa hajapatikana na hayupo kituo chochote cha polisi wala gerezani.	Mwanza
55	AZIZ KINYONGA	Alipotea siku kadhaa, kwa maelezo ya mke wake anasema baada ya mume wake kupotea siku kadhaa baadaye ilifika gari aina ya Toyota Noah na ndani ya ile gari alionekana mtu akinyosha kidole kuonyesha nyumba yao. Mke anasema hakujua ni mume wake. Anadai walishuka watu waliojitambulisha ni askari walikagua nyumba wakakuta kuna laki mbili wakachukua na kuondoka. Baadaye gari ya mume wake Aziz lilikutwa limetelekezwa mkoani Mtwara. Hajapatikana tangu tarehe 1 Februari 2023.	Chamazi – Dar es Salaam.

56	YUSUPH DUDU	Alitekwa nyumbani kwake na watu wenye silaha waliojitambulisha ni polisi. Watu hao walipofika nyumbani kwa Yusuph walimkuta mtoto wake mwenye miaka 8 wakamwambie kamwite baba yako na kisha Yusuph alivyofika walijitambulisha ni askari polisi na kuondoka naye tangu tarehe 9 Aprili 2024 mpaka sasa hajapatikana. Jarada la uchunguzi la kupotea kwake limefunguliwa kituo cha polisi Mbagala Maturubai MBL/RB/2891/2024.	Mbagala – Dar es Salaam
57	KASTORY KAPINGA	Mwanafunzi wa chuo cha SAUT, kituo cha Arusha mwaka wa tatu alipotea akiwa wilayani Mbinga mkoani Ruvuma tangu mwanzoni mwa mwezi Aprili 2024. Hajapatikana mpaka sasa.	Ruvuma - Mbinga
58	DIONIZ KIPANYA	Alitoweka tangu tarehe 27 Julai 2024 huko Sumbawanga mkoani. Hajapatikana mpaka leo.	Sumbawanga- Rukwa
59	SHADRACK CHAULA	Alitekwa tarehe 2 Agosti 2024 kijijini kwao Ntokela, wilayani Rungwe mkoani Mbeya. Siku 20 kabla ya kutekwa Shadraka Chaula alitolewa jela kwa michango ya watanzania walioamua kumlipia faini baada ya kufungwa jela au kulipa faini kwa kosa la kuchoma picha ya Rais Samia Suluhu Hassan.	Ntokela – Rungwe – Mbeya

60	PROSIPER THEONAS MNJARI	Alitekwa na watu waliojitambulisha kuwa ni askari wa Polisi na walikuwa wameongozana na watumishi wa TANESCO. Watekaji wao walisema nyumba yao ina deni kubwa sana la umeme yeye akajibu kuwa ni mpangaji tu awaunganishe na mwenye nyumba lakini walikataa na kuondoka naye mpaka sasa hajapatikana.	Chamazi – Dar es Salaam
61	THOMAS MUNGO IHUYA	Alikuwa anafanya kazi Mahakama kuu Mwanza alipotea tangu March 2018 mpaka leo hajapatikana.	Mwanza
62	DENNIS KANTANGA	Alikuwa mkazi wa mkoa wa Shinyanga Mjini na alikuwa akifanya shughuli za TEHAMAkwa maana ya kutengeneza na kuuza computers, desktop pamoja na laptops na vifaa vingine vya Teknolojia ya Habari na Mawasiliano (TEHAMA) ikiwemo CCTV. Siku anachukuliwa alifuatwa dukani kwake na watu wawili au zaidi lakini waliofika dukani walikuwa wawili na kujitambulisha kuwa ni askari. Waliondoka kwa gari yake mwenyewe(Dennis) na ikawa mwisho wa kusikikika kwake. Katika utaratibu wa kuripoti polisi na kutrack simu ilionekana simu yake iliwashwa wilayani Musoma mkoani Mara na baada ya hapo haikupatikana tena. Gari yake ilikuja kupatikana maeneo ya wilaya ya Nzega mkoani Tabora ikiwa imeegeshwa katikati ya mji	Shinyanga

		baada ya wiki moja. Ni miaka 4 sasa imepita toka kutoweka kwake.
63	Damas Vedastus Bulimbe	Alipotea tarehe 15 Novemba 2023 huko Geita. Hajapatikana mpaka leo.	Geita
64	Lucas Magambo Bulimbe	Alipotea tarehe 15 Novemba 2023 huko Geita. Hajapatikana mpaka leo.	Geita
65	Matuki Makuru	Alitoweka tarehe 15 Februari 2024 wilayani Serengeti mkoani mara. Hajapatikana mpaka leo.	Serengeti, Mara
66	Dastan Gervas Nestory	Alitoweka tarehe 9 Julai 2024 huko Mkoani Geita. Hajapatikana hadi sasa.	Geita
67	Adinan Hussein Mbezi	Alitoweka tarehe 16 Septemba 2023 huko mkoani Geita. Hajapatikana hadi leo.	Geita
68	Lengaripo Lebahati Lukumay	Alitoweka tarehe 7 Mei 2021 huko mkoani Mwanza. Hajapatikana hadi sasa.	Mwanza
69	Akidu Twaha Salim	Alitoweka tarehe 6 Oktoba 2023 mkoani Dar es Salaam. Hajapatikana hadi sasa.	Dar es Salaam
70	Enock John Chambala	Alitoweka tarehe 6 Julai 2024 huko mkoani Tanga. Hajapatikana hadi sasa.	Tanga
71	Dioniz Kipanya	Alitoweka tarehe 26 Julai 2024 huko mkoani Katavi. Hajapatikana hadi sasa.	Katavi
72	Nusra Omari	Alitoweka tarehe 7 Julai 2024 mkoani Dar es Salaam. Alipatikana akiwa amefariki.	Dar es Salaam
73	Theresphora Mwakalinga	Alitoweka tarehe 17 Julai 2024 huko mkoani Dodoma. Alipatikana akiwa amefariki.	Dodoma
74	Donald Kalist Mboya	Alitoweka tarehe 29 Juni 2024 huko mkoani Kagera. Hajapatikana hadi leo.	Kagera
75	Ilham Makoye	Alitoweka tarehe 2 Julai 2024 mkoani Dar es Salaam. Alipatikana baadae.	Dar es Salaam
76	Barack Majigeh	Alitoweka tarehe 5 Julai 2024 mkoani Dar es Salaam. Hajapatikana hadi leo.	Dar es Salaam
77	Joshua	Alitoweka tarehe 5 Julai 2024 huko mkoani Iringa. Hajapatikana hadi leo.	Iringa
78	Yusra Musa	Alitoweka tarehe 9 Julai 2024 mkoani Dar es Salaam. Alipatikana akiwa amefariki.	Dar es Salaam
79	Angel Albert Kamugisha	Alitoweka tarehe 15 Julai 2024 mkoani Dar es Salaam na baadae kupatikana.	Dar es Salaam
80	Brighton Amos Emmanuel	Alitoweka tarehe 16 Julai 2024 mkoani Dar es Salaam na kuja kupatikana baadae.	Dar es Salaam
81	Azory Gwanda	Alitoweka tarehe 17 Novemba 2017 Kibiti mkoani Pwani na hajapatikana hadi leo	Pwani
82	Ben Saanane	Alitoweka tarehe 15 Novemba 2016 Dar es Salaam na hajapatikana hadi leo	Dar es Salaam
83	Simon Kanguye	Alitoweka tarehe 20 Julai 2017 Kigoma na hajapatikana mpaka leo.	Kigoma

PIA SOMA:
Threads “Lini utekaji wa watu kupitia watu wasiojulikana utakoma.

Threads “IGP wambura polisi hatuhusiki na matukio ya utekaji watu.”

Special Thread: Taarifa za Watu waliopotea au kuchukuliwa na “Watu Wasiojulikana”

​

Click to expand...

Abdul S Naumanga said:

Chama cha Wanasheria Tanganyika (Tanganyika Law Society - TLS) kikiongozwa na wakili Boniface A.K Mwabukusi kimetoa tamko zito lililoweka wazi hali ya kusikitisha inayolikumba taifa. Kwa mujibu wa tamko hilo, kumekuwa na ongezeko la matukio ya kutekwa, kupotea, na kuteswa kwa watu nchini Tanzania, huku vyombo vya dola vikishindwa kutoa ufafanuzi wa kuridhisha au kuchukua hatua stahiki dhidi ya vitendo hivi vya kikatili.

TLS imeeleza wasiwasi mkubwa kuhusu jinsi Jeshi la Polisi limekuwa likishughulikia matukio haya. Licha ya taarifa nyingi kutolewa kuhusu utekaji na utesaji, mara kwa mara vyombo hivi vimeonekana kukanusha madai haya, hata pale ambapo ushahidi wa kutosha umeibuka kuthibitisha ukweli wa matukio haya. Hali hii imeongeza hofu na wasiwasi miongoni mwa wananchi, ambao wanahisi kutokuwa salama katika nchi yao wenyewe.

Katika tamko hilo, TLS inakemea vikali vitendo vya utekaji na utesaji, ikieleza kuwa ni ukiukwaji mkubwa wa haki za binadamu kama ilivyowekwa bayana katika Katiba ya Jamhuri ya Muungano wa Tanzania na mikataba ya kimataifa. TLS imeishauri serikali, chini ya uongozi wa Rais Samia Suluhu Hassan, kuchukua hatua za haraka kuunda Tume Maalum itakayochunguza matukio haya na kubaini wahusika wa uhalifu huu.

Aidha, chama hicho kinapendekeza kuanzishwa kwa chombo maalum cha kudumu kitakachokuwa na jukumu la kusimamia na kuangalia utendaji wa vyombo vya dola, kuhakikisha vinafanya kazi kwa mujibu wa Katiba na Sheria za nchi. Kwa kufanya hivyo, TLS inaamini kuwa itaimarisha uadilifu wa vyombo vya dola na kurejesha imani ya wananchi kwa serikali yao.

Katika kiambatanisho cha tamko hilo, TLS imetoa orodha ya baadhi ya watu waliotekwa au kupotea kuanzia mwaka 2016 hadi 2024, ikiwa ni ushahidi wa dhahiri wa kuendelea kwa vitendo hivi vya kikatili. Baadhi ya watu hao walipatikana wakiwa wamejeruhiwa, huku wengine wakiwa hawajulikani walipo hadi sasa.

Kwa kuhitimisha, TLS inatoa wito kwa wananchi kuwa makini na kuchukua tahadhari za ziada katika maisha yao ya kila siku, na kutoa taarifa kwa mamlaka husika endapo watahisi hatari yoyote. Huu ni wakati muhimu kwa Watanzania wote kusimama pamoja katika kupinga vitendo hivi vya ukiukwaji wa haki za binadamu na kudai uwajibikaji kutoka kwa viongozi.

TAMKO 👇🏼
View attachment 3065683​

View attachment 3065684
View attachment 3065686
View attachment 3065687
View attachment 3065688
View attachment 3065689View attachment 3065690
View attachment 3065691
View attachment 3065693
View attachment 3065696
View attachment 3065697
View attachment 3065698
View attachment 3065699
View attachment 3065701
View attachment 3065703
View attachment 3065704
View attachment 3065705

09 Agosti, 2024 ​

TAARIFA KWA UMMA

ONGEZEKO LA VITENDO VYA UTEKAJI NA UPOTEAJI WA WATU NCHINI ​

Chama cha Wanasheria Tanganyika (TLS) kinasikitishwa na kinalaani vitendo vya kukamatwa, kutekwa na kuteswa kiholela kwa wananchi kunakoendelea nchini bila ya vyombo husika vya dola kuwajibika ipasavyo.

Kumekuwepo na taarifa mbalimbali za watu kupotea katika mazingira tatanishi, kutekwa na kuteswa na baadae kuonekana huku baadhi yao wakiwa wamefariki na wengine wakiwa na majeraha makubwa katika miili yao. Tunasikitishwa pia na namna ambavyo vyombo vyetu vya dola hususani Jeshi la Polisi limekuwa likifanyia kazi taarifa hizo. Mara kwa mara Jeshi la Polisi limekuwa likikanusha kutokea kwa matukio hayo lakini baadae inakuja kubainika kwamba matukio hayo ni ya kweli. Mara nyingine Jeshi la Polisi limekuwa likiwakamata raia wema wanaotoa taarifa hizo kwa kile kinachosemekana kusambaza taarifa za uongo badala ya kufanyia kazi taarifa hizo kwa mujibu wa Katiba na Sheria zinazowapasa kufanya wajibu wao wa kulinda watu na mali zao.

TLS, kwa mamlaka iliyopewa kupitia kifungu cha 4 cha Sheria iliyounda TLS (Tanganyika Law Society Act, Cap. 307 R.E. 2002), inapenda kuvikumbusha vyombo vya dola hususan Jeshi la Polisi juu ya majukumu yake ya Kikatiba na Kisheria ya kulinda watu na mali zao. Matukio haya ya utekaji ni kinyume na Ibara ya 13 (6) (e) na 14 ya Katiba ya Jamhuri ya Muungano wa Tanzania; pamoja na Mikataba ya Kimataifa inayozungumzia Haki za Binadamu na inayozuia uteswaji wa watu kama vile Mkataba dhidi ya Mateso na Unyanyasaji au Adhabu Nyingine za Kikatili au Udhalilishaji (Convention against Torture and Other Cruel, Inhuman or Degrading Treatment or Punishment), Tamko la Kimataifa la Haki za Binadamu (Universal Declaration of Human Rights) na Mkataba wa Kimataifa wa Haki za Kiraia na Kisiasa (The International Covenant on Civil and Political Rights).

TLS inatambua na kuheshimu taarifa za Jeshi la Polisi zinatolewa zikitaarifu umma kwamba matukio hayo yamekuwa yanafanyiwa uchunguzi lakini tunasikitika kwamba hakuna taarifa kamili ya uchunguzi wa tukio hata moja ambayo imewahi kutolewa kwa umma juu ya hatua zilizochukuliwa na Jeshi la Polisi juu ya watuhumiwa wa matukio hayo. Hali hii inaendelea kutia hofu kwa wananachi juu ya usalama wao na mashaka juu ya uwezo wa Jeshi la Polisi kuchunguza na kuchukua hatua stahiki kwa wahusika wa matukio hayo.

Kupitia tamko hili, tunaambatanisha orodha ya baadhi ya watu ambao wananchi au/na vyombo mbalimbali vya habari hapa nchini vimewahi kutoa taarifa za kupotea au kutekwa kwao ambapo baadhi yao walipatikana na baadhi yao wakiwa na majeraha huku kukiwa na wengine ambao waliopotea katika mazingira tatanishi na hawajapatikana mpaka leo. Tunaamini kwamba Jeshi la Polisi na vyombo vingine vya dola vitafanyia kazi na kuhakikisha watu hao wamepatikana na wahusika wote wa matukio haya wanakamatwa na kufikishwa katika vyombo husika vya haki ili hatua stahiki za kisheria ziweze kuchukuliwa.​

Wito wetu;

1. Tunamshauri Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kuunda Tume maalumu ya kuchunguza matukio yote ya kupotea kwa watu, kutekwa na kuteswa;​
2. Tunamshauri Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan kuunda Tume Maalum ya kuchunguza ushiriki wa Jeshi la Polisi kwenye masuala ya Utekaji kwa kuwa Jeshi la Polisi limekuwa likituhumiwa kushiriki katika vitendo hivyo;​
3. Tunapendekeza kuundwa kwa chombo maalumu cha kudumu cha kuangalia utendaji wa vyombo vya dola (oversight body) ili kuhakikisha vinafanya kazi kwa mujibu wa Katiba na Sheria; na​
4. Tunalitaka Jeshi la Polisi kufanya kazi yake kwa weledi kwa mujibu wa Katiba na Sheria ili kuhakikisha usalama na ulinzi wa wananchi na mali zao unaimarika​

TLS inaendelea kufuatilia matukio haya kwa ukaribu na iko tayari kushirikiana na vyombo vyote vya dola katika kuhakikisha wahusika wote wa matukio haya wanafikishwa katika vyombo mahususi vya haki ili haki ionekane inatendeka. Hata hivyo, tunatoa rai kwa watanzania wote kuwa makini wakati wote na kutokubali kuitwa au kukutana na watu wasiowajua au kwenda mahali wasipopajua na ikibidi sana wawasiliane na wakili yeyote kabla ya kukutana au kwenda mahali wasipopajua.​

Imetolewa na Baraza la Uongozi la Chama cha Wanasheria Tanganyika (TLS)

Boniface A.K Mwabukusi
Rais
​

KIAMBATISHO:

ORODHA YA WATU WALIOTEKWA/KUPOTEA 2016-2024. ​

S/N	JINA	MAELEZO MAFUPI	MAKAZI
1.	KOMBO MBWANA TWAHA​	Alitekwa nyumbani kwake Handeni Tanga na watu waliojitambulisha ni askari polisi tarehe 15 Juni 2024, baadaye polisi walikanusha kuhusika na kufungua jalada la uchunguzi. Siku 29 baadaye polisi walikiri kuhusika na kumshikilia kwa hizo siku zote.​	Handeni - Tanga
2	KENNEDY MWAMLIMA	Alitekwa Mbeya na watu waliojitambulisha ni askari polisi tarehe 11 Aprili 2024. Alipatikana Igunga Tabora Tarehe 16 Aprili 2024 akiwa ametapakaa majeraha. Kwa maelezo yake alikuwa akiteswa katika vituo vya polisi na alikuwa akiulizwa nani anamtuma kukosoa serikali katika mtandao wa TikTok.​	Mbeya Jiji -Mbeya
3	EDGER MWAKALEBELA	Alitekwa tarehe 23 Juni 2024 Ubungo Dar es Salaam. Akapelekwa kituo cha polisi OysterBay na baadaye​ Arusha kabla ya kupatikana tarehe 27 Juni 2024 mkoani Katavi porini akiwa ametapakaa majeraha.	Dar es Salaam.
4	JAMES SIJE	Alitekwa na askari polisi anayeitwa Sgt. Mageni Musobi A.K.A Majani wa kituo cha polisi Nyakato tarehe 17 Agosti 2021 mpaka sasa hajapatikana.​	Nyakato –Mwanza
5	JOSEPH MNYONGA	Alitekwa Julai 2021 nyumbani kwake Mwanza na watu waliojitambulisha kuwa​	Mwanza.

			ni askari polisi kutoka mkoa wa Mwanza mpaka sasa hajapatikana.​
6	DOTTO KABWA		Alitekwa tarehe 4 Julai 2022 na askari polisi anayejulikana kwa jina la Wambura Mwita kutoka kituo cha polisi Ifunda Iringa na hajapatikana mpaka leo.​	Ifunga-Iringa
7	YAHYA ALLY		Alitekwa tarehe 6Septemba 2022 Mbagala Kizuiani na askari polisi wakiongozwa na OC-CID Abdalah Suleiman.​ Mpaka sasa hajapatikana.	Mbagala – Dar es Salaam.
8	CHANDE KIZEGA		Alitekwa na watu waliojitambulisha ni askari polisi tarehe 18 Agosti 2022 akiwa dukani kwake Machinga Complex. Mpaka sasa hajapatikana.​	Dar es Salaam
9	Mzee SAMUEL MKONGO	MATIKO	Alitekwa mkoani Geita tarehe 27 Januari 2023 na askari polisi Sgt. Hamis mwenye namba 0789938835 na kupelekwa kituo cha Muriaza –Butiama mkoani Mara. Ndugu walifika hapo na wakamuona akiwa ametapakaa majeraha, lakini waliporudi kumletea chakula hawakumkuta tena kituoni hapo na hajaonekana mpaka leo.​	Geita mjini.
10	CHARLES MWAMPYATE	ADEN	Alitoweka tangu tarehe 7 Decemba 2023 akiwa Dar es Salaam na hajapatikana mpaka leo.​	Dar es Salaam.
11	WILLIAM HERMAN		Alitekwa Mwanza tarehe 1 Januari 2024 na askari polisi anayefahamika kwa jina la Sgt. Mageni Musobi A.K.A​	Kangaye-Mwanza

		Majani wa kituo cha polisi Nyakato.​
12	DAVID GASPER LEMA	Alipotea akiwa njiani kutoka Mwanza kwenda Dar es Salaam tangu tarehe 6 Aprili 2024 na mpaka sasa hajapatikana.​	Mwanza
13	JEROME KISOKA a.k.a MAPII	Alitekwa na watu waliojitambulisha ni askari polisi tarehe 14 Novemba 2023 eneo la Njoro, Moshi mkoani Kilimanjaro na hajapatikana mpaka leo.​	Moshi-Kilimanjaro
14	RIDHIWANI HEMED MSANGI (PIA AMEKUWA AKIJULIKANA KWA JINA LA ABDALLAH SALUM MSANGI)	Alipotea mkaoni Iringa mwishoni mwa mwezi Julai 2021 na hajapatikana mpaka leo. Kazi yake alikuwa mhadhiri (Lecturer) Chuo Kikuu cha Mkwawa ambalo ni tawi la Chuo Kikuu cha Dar es Salaam.​	Iringa
15	BENSON E.A. ISHUNGISA	Alitekwa na watu waliojitambulisha ni askari polisi tarehe 26 Novemba 2023 akiwa nje ya Hospital ya Makangarawe Yombo mkoani Dar es Salaam. Benson alikuwa akimsubiri abiria nje ya Hospital hiyo na hata bodaboda wenzake walipoulizwa kituo cha polisi anachopelekwa hawakujibiwa. Mpaka leo hajapatikana.​	Dar es Salaam
16	HAMZA SAID	Katibu wa chama cha NCCR Mageuzi mkoa wa Geita. Alitekwa tarehe 17 Decemba 2023 nyumbani kwake mtaa wa Mwatulole mkoani Geita na watu waliojitambulisha ni askari polisi. Mpaka leo Katibu huyo hajapatikana​	Mwatulole-Geita

17	YONZO SHIMBI DUTU	Alikamatwa tarehe 2 Machi 2024 na askari polisi wa kituo cha polisi Kwimba Mwanza akiwa na wenzake maeneo ya Bushini-Kishapu mkoani​ Shinyanga. Wenzake waliachiwa ila yeye hajapatikana na hayupo vituo vyote vya polisi.	Kishapu-Shinyanga
18	LILENGA ISAYA LILENGA	Alitekwa tarehe 11 Mei 2024 maeneo ya Kibirizi mkoani Kigoma na watu wanaodaiwa ni polisi kisha kutokomea naye kusikojulikana. Mpaka sasa hajapatikana.​	Mwandiga-Kigoma
19	TAWAFIQ MOHAMED	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.​	Dar es Salaam
20	SELF SWALA	Alitekwa tarehe 26 Decemba 2021 eneo la Kamata, Kariakoo mkoani Dar es​ Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
21	EDWIN KUNAMBI	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
22	HEMED ABASS	Alitekwa tarehe 26 Decemba 2021 eneo la Kamata, Kariakoo mkoani Dar es	Dar es Salaam

		Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.
23	RAJABU MDOE	Alitekwa tarehe 26 Decemba 2021 eneo la Kamata, Kariakoo mkoani Dar es Salaam akiwa na wezake wanne. Watekaji walijitambulisha kuwa ni askari polisi na mpaka sasa hajapatikana.	Dar es Salaam
24	MZEE HAJI SOFT	Alichukuliwa nyumbani kwake Temeke na watu waliojitambulisha ni askari polisi tarehe 13 Julai 2021 na mpaka sasa hajapatikana.	Temeke – Dar es Salaam
25	ALPHONCE BILASENGE	Alitoweka ghafla. Simu yake mara ya mwisho ilizimwa eneo la Kibeta, wilaya ya Bukoba mjini mkoani Kagera tarehe 6 Januari 2022.	Kagera
26	ALBERT KISEYA SELEMBO	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu Loliondo. Baada ya wiki tatu alipatikana kituo cha polisi akiwa na kesi ya Mauwaji.	Loliondo - Arusha
27	MOLOIMETI YOHANA SAING’EU	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha Polisi akiwa na kesi ya Mauwaji.	Loliondo - Arusha
28	NDIRANGO SENGE LAIZER	Alitekwa na watu wenye silaha tarehe 9 Juni 2022	Loliondo - Arusha

		wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
29	JOEL CREMES LESSONU	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
30	SIMONI NAIRIAM OROSIKIRIA	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
31	DAMIAN LAGO LAIZER	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
32	MATHEW ELIAKIMU SILOMA	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha

33	LUKAS K. NJAUSI	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
34	TALENG’O TWAMBEI LESHOKO	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
35	KIJOOLU KAKEI OLOJILOJI	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo – Arusha
36	SHENGENA JOSEPH KILLEL	Alitekwa na watu wenye silaha tarehe 9 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo Arusha
37	MASEKE MWITA MASEKE	Alitoweka tangu tarehe 10 Juni 2022 mpaka sasa hajapatikana.	Nkerege -Tarime- Mara
38	MALONGO DANIEL PASCHAL	Alitekwa na watu wenye silaha tarehe 10 Juni 2022 wakati wa oparesheni ya	Loliondo - arusha

		serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
39	SIMELI PARMWATI KARONGOI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
40	INGOI OLKEDENYI KANJWEI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
41	SANGAU MORONGETI NGIMINIS	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
42	MARIJOI NGOISA PARMATI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha

43	MORONGETI MASAKO	MSEEKI	Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
44	KAMBATAI LULU		Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
45	ORIAS OLENG’IYO		Alitekwa na watu wenye silaha tarehe 10 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo -Arusha
46	WILSON KOLONG		Alitekwa na watu wenye silaha tarehe 12 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
47	JAMES TAKI		Alitekwa na watu wenye silaha tarehe 13 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye	Loliondo - Arusha

		aliachiwa baada ya mashtaka dhidi yake kukosa ushahidi.
48	JOSEPH JARTAN	Alitekwa na watu wenye silaha tarehe 13 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
49	KELVIN SHASO NAIROTI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
50	LEKERENGA KOYEE ORODO	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo -Arusha
51	FRED VICTOR LEDIDI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.	Loliondo - Arusha
52	SIMON MORINTANTI	Alitekwa na watu wenye silaha tarehe 15 Juni 2022 wakati wa oparesheni ya serikali kuhamisha watu kwa	Loliondo - Arusha

		nguvu huko Loliondo. Baada ya wiki tatu alipatikana kituo cha polisi na baadaye aliachiwa baada ya mashtaka dhidi yake kukosa ushahidi.
53	MOHAMED KAYEGO KALEBE	Alikamatwa na watu wengine sita (6) na maafisa waliojitambulisha kuwa ni askari polisi tarehe 5 Apriil 2023 huko Katoro mkoani Geita. Ndugu walifika vituo vyote vya polisi hawakumkuta na hajapatikana mpaka leo yeye na hao wenzake ambao majina hayajatambulika mpaka sasa.	Katoro - Geita
54	AMON MRIGI MAGIGE	Alikamatwa na askari wa jeshi la Polisi wakiwa na gari za Polisi Land Cruiser Pick Up mbili hapo tarehe 1 Octoba 2023. Mpaka sasa hajapatikana na hayupo kituo chochote cha polisi wala gerezani.	Mwanza
55	AZIZ KINYONGA	Alipotea siku kadhaa, kwa maelezo ya mke wake anasema baada ya mume wake kupotea siku kadhaa baadaye ilifika gari aina ya Toyota Noah na ndani ya ile gari alionekana mtu akinyosha kidole kuonyesha nyumba yao. Mke anasema hakujua ni mume wake. Anadai walishuka watu waliojitambulisha ni askari walikagua nyumba wakakuta kuna laki mbili wakachukua na kuondoka. Baadaye gari ya mume wake Aziz lilikutwa limetelekezwa mkoani Mtwara. Hajapatikana tangu tarehe 1 Februari 2023.	Chamazi – Dar es Salaam.

56	YUSUPH DUDU	Alitekwa nyumbani kwake na watu wenye silaha waliojitambulisha ni polisi. Watu hao walipofika nyumbani kwa Yusuph walimkuta mtoto wake mwenye miaka 8 wakamwambie kamwite baba yako na kisha Yusuph alivyofika walijitambulisha ni askari polisi na kuondoka naye tangu tarehe 9 Aprili 2024 mpaka sasa hajapatikana. Jarada la uchunguzi la kupotea kwake limefunguliwa kituo cha polisi Mbagala Maturubai MBL/RB/2891/2024.	Mbagala – Dar es Salaam
57	KASTORY KAPINGA	Mwanafunzi wa chuo cha SAUT, kituo cha Arusha mwaka wa tatu alipotea akiwa wilayani Mbinga mkoani Ruvuma tangu mwanzoni mwa mwezi Aprili 2024. Hajapatikana mpaka sasa.	Ruvuma - Mbinga
58	DIONIZ KIPANYA	Alitoweka tangu tarehe 27 Julai 2024 huko Sumbawanga mkoani. Hajapatikana mpaka leo.	Sumbawanga- Rukwa
59	SHADRACK CHAULA	Alitekwa tarehe 2 Agosti 2024 kijijini kwao Ntokela, wilayani Rungwe mkoani Mbeya. Siku 20 kabla ya kutekwa Shadraka Chaula alitolewa jela kwa michango ya watanzania walioamua kumlipia faini baada ya kufungwa jela au kulipa faini kwa kosa la kuchoma picha ya Rais Samia Suluhu Hassan.	Ntokela – Rungwe – Mbeya

60	PROSIPER THEONAS MNJARI	Alitekwa na watu waliojitambulisha kuwa ni askari wa Polisi na walikuwa wameongozana na watumishi wa TANESCO. Watekaji wao walisema nyumba yao ina deni kubwa sana la umeme yeye akajibu kuwa ni mpangaji tu awaunganishe na mwenye nyumba lakini walikataa na kuondoka naye mpaka sasa hajapatikana.	Chamazi – Dar es Salaam
61	THOMAS MUNGO IHUYA	Alikuwa anafanya kazi Mahakama kuu Mwanza alipotea tangu March 2018 mpaka leo hajapatikana.	Mwanza
62	DENNIS KANTANGA	Alikuwa mkazi wa mkoa wa Shinyanga Mjini na alikuwa akifanya shughuli za TEHAMAkwa maana ya kutengeneza na kuuza computers, desktop pamoja na laptops na vifaa vingine vya Teknolojia ya Habari na Mawasiliano (TEHAMA) ikiwemo CCTV. Siku anachukuliwa alifuatwa dukani kwake na watu wawili au zaidi lakini waliofika dukani walikuwa wawili na kujitambulisha kuwa ni askari. Waliondoka kwa gari yake mwenyewe(Dennis) na ikawa mwisho wa kusikikika kwake. Katika utaratibu wa kuripoti polisi na kutrack simu ilionekana simu yake iliwashwa wilayani Musoma mkoani Mara na baada ya hapo haikupatikana tena. Gari yake ilikuja kupatikana maeneo ya wilaya ya Nzega mkoani Tabora ikiwa imeegeshwa katikati ya mji	Shinyanga

		baada ya wiki moja. Ni miaka 4 sasa imepita toka kutoweka kwake.
63	Damas Vedastus Bulimbe	Alipotea tarehe 15 Novemba 2023 huko Geita. Hajapatikana mpaka leo.	Geita
64	Lucas Magambo Bulimbe	Alipotea tarehe 15 Novemba 2023 huko Geita. Hajapatikana mpaka leo.	Geita
65	Matuki Makuru	Alitoweka tarehe 15 Februari 2024 wilayani Serengeti mkoani mara. Hajapatikana mpaka leo.	Serengeti, Mara
66	Dastan Gervas Nestory	Alitoweka tarehe 9 Julai 2024 huko Mkoani Geita. Hajapatikana hadi sasa.	Geita
67	Adinan Hussein Mbezi	Alitoweka tarehe 16 Septemba 2023 huko mkoani Geita. Hajapatikana hadi leo.	Geita
68	Lengaripo Lebahati Lukumay	Alitoweka tarehe 7 Mei 2021 huko mkoani Mwanza. Hajapatikana hadi sasa.	Mwanza
69	Akidu Twaha Salim	Alitoweka tarehe 6 Oktoba 2023 mkoani Dar es Salaam. Hajapatikana hadi sasa.	Dar es Salaam
70	Enock John Chambala	Alitoweka tarehe 6 Julai 2024 huko mkoani Tanga. Hajapatikana hadi sasa.	Tanga
71	Dioniz Kipanya	Alitoweka tarehe 26 Julai 2024 huko mkoani Katavi. Hajapatikana hadi sasa.	Katavi
72	Nusra Omari	Alitoweka tarehe 7 Julai 2024 mkoani Dar es Salaam. Alipatikana akiwa amefariki.	Dar es Salaam
73	Theresphora Mwakalinga	Alitoweka tarehe 17 Julai 2024 huko mkoani Dodoma. Alipatikana akiwa amefariki.	Dodoma
74	Donald Kalist Mboya	Alitoweka tarehe 29 Juni 2024 huko mkoani Kagera. Hajapatikana hadi leo.	Kagera
75	Ilham Makoye	Alitoweka tarehe 2 Julai 2024 mkoani Dar es Salaam. Alipatikana baadae.	Dar es Salaam
76	Barack Majigeh	Alitoweka tarehe 5 Julai 2024 mkoani Dar es Salaam. Hajapatikana hadi leo.	Dar es Salaam
77	Joshua	Alitoweka tarehe 5 Julai 2024 huko mkoani Iringa. Hajapatikana hadi leo.	Iringa
78	Yusra Musa	Alitoweka tarehe 9 Julai 2024 mkoani Dar es Salaam. Alipatikana akiwa amefariki.	Dar es Salaam
79	Angel Albert Kamugisha	Alitoweka tarehe 15 Julai 2024 mkoani Dar es Salaam na baadae kupatikana.	Dar es Salaam
80	Brighton Amos Emmanuel	Alitoweka tarehe 16 Julai 2024 mkoani Dar es Salaam na kuja kupatikana baadae.	Dar es Salaam
81	Azory Gwanda	Alitoweka tarehe 17 Novemba 2017 Kibiti mkoani Pwani na hajapatikana hadi leo	Pwani
82	Ben Saanane	Alitoweka tarehe 15 Novemba 2016 Dar es Salaam na hajapatikana hadi leo	Dar es Salaam
83	Simon Kanguye	Alitoweka tarehe 20 Julai 2017 Kigoma na hajapatikana mpaka leo.	Kigoma

PIA SOMA:
Threads “Lini utekaji wa watu kupitia watu wasiojulikana utakoma.

Threads “IGP wambura polisi hatuhusiki na matukio ya utekaji watu.”

Special Thread: Taarifa za Watu waliopotea au kuchukuliwa na “Watu Wasiojulikana”

​

Click to expand...

State Propaganda said:

Mwanzo mzuri Mabukusi.
Kudos

Click to expand...