Trump asijichetue kudhani kwamba Biden ndio anachagua mgombea Urais Bali amefanya pendekezo lake tu.
My Take: Wagombea watapigiwa kura na kama zisipotosha Kwa Kamala basi Kuna huyu mwamba hapa ndio favorite zaidi.
View: https://twitter.com/bbcswahili/status/1815605313631862953?t=rGCmybLsAaCpIUHkzP23Dw&s=19
Mgombea urais wa Republican Donald Trump amesema kuwa anadhani Makamu wa Rais Kamala Harris atakuwa rahisi kumshinda katika uchaguzi wa Novemba kuliko Joe Biden, ambaye mapema siku hiyo alijiuzulu kama mgombea wa chama chake.
"Harris atakuwa rahisi kushinda kuliko Joe Biden," Trump aliambia CNN. Trump na kampeni yake baadaye pia walimshambulia Biden na Harris kwenye mitandao ya kijamii wakisema Biden hafai kuendelea kuhudumu kama rais.
Biden alimaliza kampeni yake ya kuchaguliwa tena Jumapili baada ya wanachama wenzake kupoteza imani na uwezo wake wa kiakili na uwezo wa kumshinda Trump. Biden alimuunga mkono Harris kuchukua nafasi yake kama mgombea wa chama.
Biden alikuwa akikabiliwa na mashaka yanayoongezeka kuhusu nafasi zake za kuchaguliwa tena baada ya utendaji dhaifu na wa kusuasua katika mdahalo wa televisheni dhidi ya Trump mwishoni mwa mwezi uliopita.
Kwenye jukwaa lake la Truth Social Jumapili, Trump alisema Biden "hafai kuwania urais, na hakika hafai kuhudumu."
Republicans wengine wakiwemo Spika wa Baraza la Wawakilishi Mike Johnson, pia walisema Biden hafai kuhudumu kama rais na kumaliza muda wake ikiwa anajiuzulu kama mgombea wa urais wa Kidemokrasia. Johnson alimtaka wazi Biden kujiuzulu.
Trump, katika chapisho lake kwenye jukwaa la Truth Social, alisema: "Tutateseka sana kwa sababu ya urais wake (Biden), lakini tutarekebisha uharibifu alioufanya haraka sana."
Trump na Biden walikuwa wakilingana sana kwenye kura za maoni, lakini baada ya mdahalo baadhi ya kura za maoni zilionyesha Trump akiwa mbele kidogo ya rais katika pambano la uchaguzi wa Novemba.
Kampeni ya Trump tayari ilikuwa imeanza majadiliano kuhusu jinsi itakavyotumia upya rasilimali za kampeni kwa uwezekano wa Biden kuondoka, chanzo chenye ujuzi wa moja kwa moja wa suala hilo kilisema Jumapili.
Kwa kuzingatia kwamba mgombea mwingine yeyote wa Kidemokrasia angekuwa na nguvu na udhaifu tofauti na Biden, mtu huyo alisema, kuondoka kwa rais kungehitaji kufikiria upya wapi pa kutumia fedha za matangazo na wapi pa kupeleka rasilimali kwa ujumla.
Hadharani, washauri wa kampeni ya Trump na washirika wamekuwa wakisema kwa waandishi wa habari kwamba hawajali kuhusu kukabiliana na Harris kwa sababu wanaweza tu kumfunga na rekodi ya Biden ofisini, hasa kwenye uhamiaji na mfumuko wa bei. Wanasema watajaribu kumwonyesha Harris, na mgombea mwingine yeyote anayependekezwa kama mbadala wa Democrats, kuwa upande wa kushoto zaidi ya Biden kwenye sera mbalimbali.
Katika taarifa baada ya Biden kujiondoa, kampeni ya Trump ilisema Harris alikuwa "mwezeshaji mkuu" wa Biden. Kampeni hiyo ilisema Biden na Harris wanamiliki rekodi za kila mmoja na "hakuna umbali kati yao."
Kituo rasmi cha YouTube cha Kamati ya Kitaifa ya Republican kilichapisha video ya dakika mbili Jumapili alasiri ikimshambulia Harris juu ya sera za uhamiaji, ikidai alipuuzia suala hilo.
Katika wiki za hivi karibuni, kampeni ya Trump na baadhi ya washirika wake wameanzisha mashambulizi ya kisiasa mapema dhidi ya Harris kujaribu kumvunjia heshima wakati wa mazungumzo kwamba anaweza kuchukua nafasi ya Biden katika tiketi ya urais ya chama kwa mwaka 2024.
Machi 2021 Biden alisema Harris ataongoza juhudi na Mexico na mataifa ya Amerika ya Kati kushughulikia uhamiaji haramu.
Republicans wameitumia hiyo kumshutumu kwa kushindwa kudhibiti wimbi la mamilioni ya wahamiaji wanaovuka kinyume cha sheria kuingia Marekani, ingawa hakuwa na jukumu la moja kwa moja la kuhakikisha usalama wa mpaka wa kusini.
Reuters