#COVID19 Tuheshimu moyo wa kujitolea wa madaktari

ldleo · 2021-08-18T06:52:54+00:00

Katika kipindi cha miaka miwili iliyopita madaktari wameonyesha umuhimu mkubwa katika jamii yetu, kwani wao walikuwa mstari wa mbele kwenye mapambano dhidi ya janga la COVID-19. Tunakumbuka mwanzoni wakati janga hili linaanza, baadhi ya madaktari walilazimika kufanya kazi kwa muda mrefu, na kuna wengine hata walipata maambukizi na kupoteza maisha yao wakihudumia wagonjwa wa COVID-19. Katika kipindi hiki cha maambukizi ya COVID-19, taaluma ya udaktari imeonekana kuwa ni muhimu zaidi, na madaktari wameendelea kuthaminiwa zaidi hasa kutokana na kuonyesha moyo ya kujitolea kuokoa maisha ya watu. Hapa China tunakumbuka kuwa madaktari, manesi na wahudumu wa afya kutoka mikoa mbalimbali ya China, walimiminika kwenda mjini Wuhan, ambako walifanya kazi kwa muda mrefu kupambana na ugonjwa huo hadi walipofanikiwa. Hali hii kama hii imeonekana nchini Kenya, ambako mwaka jana chama cha madaktari kililalamika kutokana na madaktari kufanya kazi katika mazingira magumu na wengine kupoteza maisha baada ya kuambukizwa virusi na wagonjwa waliokuwa wanawahudumia. Kwa sasa karibu kila mtu anatambua kuwa udaktari au unesi, ni kazi ya kujitolea, hakuna malipo yanayoweza kuendana na hatari wanayokabiliana na nayo au ugumu wa kazi yao. Moyo wa kujitolea wa wahudumu hao umeonekana sana katika kipindi cha janga la COVID-19, ambapo katika baadhi ya nchi wahudumu wa afya wanaendelea na kazi ya kupambana na ugonjwa huo hata bila kuwa na mavazi ya kutosha ya kujilinda PPE. China na nchi za Afrika zimekuwa na ushirikiano madhubuti kwenye sekta ya afya. Tangu nchi za Afrika zipate uhuru, nchi nyingi za Afrika zimekuwa zinapokea vikundi vya madaktari na wahudumu wa afya kutoka China, wakiwa wanafanya kazi katika mazingira magumu ya kujitolea wakiwa mbali na nyumbani kwao. Ushirikiano huu umeonekana tena katika janga la COVID-19, ambapo baadhi ya vifaa tiba viliyotolewa kama msaada na mfuko wa Jack Ma na serikali ya China, ulipongezwa na madaktari katika kusaidia kwenye mapambano dhidi ya COVID-19. Tunaweza kuangalia kwa mapana uhusiano kwenye sekta ya afya kati ya China na Afrika, ambao hauishii kutuma vikundi vya wahudumu wa afya. Kwa sasa kuna idadi kubwa ya wanafunzi wa Afrika wanaosomea udaktari kwenye vyuo hodari vya udaktari vya China, na pia kumekuwa na juhudi za China kuziongezea uwezo hospitali katika nchi za Afrika, mfano mzuri ni hospitali ya kisasa ya Magonjwa ya Moyo Jakaya Kikwete ya Tanzania, iliyojengwa kwa msaada wa China. Wakati siku ya madaktari duniani inaadhimishwa, tunatakiwa kukumbuka kuwa watu hawa wanaojitolea kwa ajili ya afya zetu, tunapaswa kutambua mchango wao na moyo wao wa kujitolea, lakini pia wanapokuwa na mahitaji ya mazingira mazuri kwa ajili ya kazi zao, tukumbuke changamoto zinazowakabili.

Thread starter ldleo
Start date Aug 18, 2021
Tags

covid-19 kujitolea madaktari moyo

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

#COVID19 Tuheshimu moyo wa kujitolea wa madaktari

ldleo

JF-Expert Member

Our Community

Regional Communities