Tume ya Uchaguzi Zanzibar (ZEC) imeanza utekelezaji wa zoezi la kuteketeza nyaraka za Uchaguzi Mkuu uliofanyia Oktoba 29, 2025 ambapo zoezi hilo limeanzia Kisiwa cha Pemba na baadae Kisiwa cha Unguja.
Akizungumza kuhusu zoezi hilo Mwenyekiti wa Tume ya Uchaguzi Zanzibar, Jaji George Joseph Kazi amesema uteketezaji wa nyaraka hizo ni utekelezaji wa matakwa ya kisheria kwa mujibu wa Kifungu cha 98(3) cha Sheria ya Uchaguzi ya Zanzibar ya mwaka 2018 ambayo inaipa Tume mamlaka ya kuteketeza nyaraka za Uchaguzi baada ya siku 90 tangu kufanyika kwa Uchaguzi Mkuu endapo hakuna katazo kutoka Mahakamani.
Aidha Jaji George Kazi ameeleza kuwa anatambua ya kuwa kuna kesi ambazo zinaendelea Mahakamani kuhusu Uchaguzi Mkuu uliyofanyika Oktoba 2025 lakini mpaka kufikia siku ya jana hawajapokea katazo lolote kutoka Mahakamani hivyo Tume imeteketeza nyaraka hizo kwa mujibu wa Mamlaka iliyopewa kisheria.