Tunaishi au Tunapona? Maisha na Changamoto za kila siku

[Davidmmarista]

Poop! Funika, funua... Ngoja niwafunulie!

Wadau wa JF, poleni na pilika za maisha, njooni tusimuliane! Leo nimekuja na bango lenye swali moja: "Tunaishi au tunapona?"

Maisha yetu ni kama bati la nyumba—linapopigwa na mvua, linatoa sauti, lakini halilia. Tunatembea barabarani tukitabasamu, lakini mioyoni tunabeba mizigo mizito isiyoonekana. Kila asubuhi, jua linapotua, wengi wanajiuliza: "Kesho nitapata nini?" lakini jibu linabaki kwenye makucha ya muda.

Wapo wanaoishi kwa mishahara isiyofika mwisho wa mwezi, wapo waliopoteza kazi lakini hawajapoteza matumaini. Wapo waliowekeza kwenye ndoto, lakini matunda yamegoma kuiva. Na bado, kila siku tunavaa ujasiri kama koti, tunashuka mitaani kutafuta riziki, hata kama dunia imebana kama viatu vilivyojaa maji.

Tunapita kwenye magumu, lakini hatubanduki. Tunapambana si kwa sababu tuna nguvu, bali kwa sababu hatuna namna.

Njooni tujadili, tuweke wazi hizi kurasa za maisha yetu. Leo si siku ya kujifanya mambo safi, leo ni siku ya kufungua roho.

Tunaishi au tunapona? Karibuni kwa mjadala!

 

[mwaibile]

Naukichunguza speed zote hizo za kutafuta hela ila kila kitu utakiacha ulichokitafuta ukifa

 

[Wa angani]

Kuishi ni kristo, kufa ni faida. Maisha yamekuwa ya hovyo sana nowdays, inafikia hatua mtu unasahau mpaka jina lako.

 

[Numbisa]

Tunaishi