Mtambuzi
Platinum Member
- Oct 29, 2008
- 8,809
- 15,421
Utafiti wa hivi karibuni uliofanywa katika kujaribu kuona kama ujauzito wa mke unaweza kumuathiri mume, umeonyesha kwamba, kuna uwezekano huo na imekuwa ikitokea kwa wanaume katika idadi ya kutosha. Imebainika kwamba, kuna homoni zipatazo tatu ambazo kiwango chake huwa kinapanda wakati mwanamke akiwa mjamzito na hasa anapokaribia kujifungua. Homoni hizi kwa mwanaume hupanda na kushuka wakati kama huo yaani mke anapokaribia kujifungua.
Hii ina maana kwamba homoni hizo ambazo huwa zinahusiana na hofu na matarajio ambapo kwa mwanamke huwa ziko juu anapokaribia kujifungua, kwa mwanaume hupanda na kushuka na hivyo kumpa tabia ambazo huwa hanazo wakati mwingine. Utafiti huu unadhihirisha kwamba, kuna ukweli wa kutosha kwamba, mwanamke anapokuwa mjamzito, mume naye anaweza kuwa na mabadiliko ya hali kutokana na mabadiliko ya homoni mwilini mwake. Ni vigumu hata hivyo kusema kama mabadiliko hayo yanaweza kumfanya mume naye akawa anatapika, kukasirika, au kula vitu vya kutia balaghamu ulimi kama ndimu, pilipili na udongo.
Wanaume kadhaa wamesharipoti kujikuta wakibadilika katika tabia na hali nyingine za kimwili kila wakati wake zao wanapokuwa na ujauzito. Kwa utafiti huu naweza kusema kwamba, madai haya yanaweza kuwa na ukweli. Lakini pia ukweli kwamba wanaume wengine huwa wanapata kiwewe cha furaha na (au) wasiwasi kila wake zao wawapo wajawazito ni jambo la kuzingatia.