ACT Wazalendo
JF-Expert Member
- May 5, 2014
- 631
- 1,577
Chama cha ACT Wazalendo kimepokea kwa masikitiko makubwa na kulaani vikali kutekwa kwa wananchi wawili Dar es Salaam na Kigoma katika mazingira yanayotia shaka, huku Jeshi la Polisi likionyesha uzembe wa hali ya juu katika kushughulikia matukio haya. Matukio haya yanatoa picha ya wazi kwamba ama Jeshi la Polisi linahusika moja kwa moja au linashindwa kabisa kutimiza wajibu wake wa kulinda raia na mali zao.
Tumepokea taarifa kuwa tarehe 28 Februari 2025, Method Damian Kumdyamka (45) alitekwa nyumbani kwake Sinza, Dar es Salaam na watu wanane waliokuwa na silaha na gari aina ya Prado. Licha ya familia yake kutoa taarifa na kutembelea vituo vyote vya Polisi jijini Dar es Salaam, hajapatikana kwa siku 3 sasa na hakuna hatua yoyote madhubuti iliyochukuliwa na Jeshi la Polisi kumtafuta au kuchunguza.
Dahlia Majid Hassan
Tukio jingine, Februari 10, 2025, Manase Daniel (40), maarufu kama 'White', alitekwa mchana kweupe akiwa kwenye duka lake la vipuri maeneo ya Senga, Kigoma Ujiji, alifungwa pingu na watu waliokuwa na silaha na kuondoka naye. Ndugu zake waliripoti kituo cha Polisi, kwa Mkuu wa Wilaya na baadaye RTO, lakini hakuna taarifa zozote zilizotolewa kuhusu alipo. Manase ni tumaini la pekee kwa familia yake, anasubiriwa na watoto wake sita, mke na baba yake ambaye alikuwa akisubiria kupelekwa Hospitali kufanyiwa upasuaji.
Soma Pia: Method Damian Kumdyanko adaiwa kutekwa na watu wasiojulikana wakiwa na silaha
Ukimya wa Jeshi la Polisi kuhusu matukio ya utekaji yanatia shaka sana na kujaza hofu kuhusu usalama. Ushahidi wa kimazingira unaonyesha kuwa watekaji walitumia silaha, pingu na mbinu za kiusalama, mambo yanayoashiria uwezekano wa kuwa watekaji ni maafisa wa usalama (Polisi). Vinginevyo, ni dhahiri kuwa Jeshi la Polisi limeshindwa kutekeleza majukumu yake ya msingi, likiruhusu matukio ya utekaji kuendelea kushamiri bila hofu ya kuwajibishwa.
ACT Wazalendo inaitaka serikali kuchukua hatua zifuatazo haraka sana, kunusuru maisha ya wananchi hawa wasio na hatia:
i. Kulitaka Jedhi la Polisi kutoka hadharani kueleza walipo wananchi hawa na hatua zozote za kiuchunguzi zilizochukuliwa.
ii. Tunaendelea kuitaka Serikali kufanya uchunguzi huru na wa haraka wa matukio haya na kuwafikisha wahusika mbele ya sheria.
iii. Ni wakati sasa, Serikali kuhakikisha raia wote wanakuwa salama na kusitisha mara moja mwenendo huu wa kutekwa kwa watu bila hatua za kisheria kuchukuliwa.
ACT Wazalendo itaendelea kushinikiza uwajibikaji na kuhakikisha kuwa haki inapatikana kwa wote. Jeshi la Polisi linapaswa kutambua kuwa Watanzania hawatakubali kuishi kwa hofu huku dola ikiendelea kushindwa kulinda maisha yao.
Imetolewa na:
Ndg. Dahlia Majid Hassan
Waziri Kivuli wa Mambo ya Ndani – ACT Wazalendo
Machi 2, 2025
Tumepokea taarifa kuwa tarehe 28 Februari 2025, Method Damian Kumdyamka (45) alitekwa nyumbani kwake Sinza, Dar es Salaam na watu wanane waliokuwa na silaha na gari aina ya Prado. Licha ya familia yake kutoa taarifa na kutembelea vituo vyote vya Polisi jijini Dar es Salaam, hajapatikana kwa siku 3 sasa na hakuna hatua yoyote madhubuti iliyochukuliwa na Jeshi la Polisi kumtafuta au kuchunguza.
Dahlia Majid Hassan
Soma Pia: Method Damian Kumdyanko adaiwa kutekwa na watu wasiojulikana wakiwa na silaha
Ukimya wa Jeshi la Polisi kuhusu matukio ya utekaji yanatia shaka sana na kujaza hofu kuhusu usalama. Ushahidi wa kimazingira unaonyesha kuwa watekaji walitumia silaha, pingu na mbinu za kiusalama, mambo yanayoashiria uwezekano wa kuwa watekaji ni maafisa wa usalama (Polisi). Vinginevyo, ni dhahiri kuwa Jeshi la Polisi limeshindwa kutekeleza majukumu yake ya msingi, likiruhusu matukio ya utekaji kuendelea kushamiri bila hofu ya kuwajibishwa.
ACT Wazalendo inaitaka serikali kuchukua hatua zifuatazo haraka sana, kunusuru maisha ya wananchi hawa wasio na hatia:
i. Kulitaka Jedhi la Polisi kutoka hadharani kueleza walipo wananchi hawa na hatua zozote za kiuchunguzi zilizochukuliwa.
ii. Tunaendelea kuitaka Serikali kufanya uchunguzi huru na wa haraka wa matukio haya na kuwafikisha wahusika mbele ya sheria.
iii. Ni wakati sasa, Serikali kuhakikisha raia wote wanakuwa salama na kusitisha mara moja mwenendo huu wa kutekwa kwa watu bila hatua za kisheria kuchukuliwa.
ACT Wazalendo itaendelea kushinikiza uwajibikaji na kuhakikisha kuwa haki inapatikana kwa wote. Jeshi la Polisi linapaswa kutambua kuwa Watanzania hawatakubali kuishi kwa hofu huku dola ikiendelea kushindwa kulinda maisha yao.
Imetolewa na:
Ndg. Dahlia Majid Hassan
Waziri Kivuli wa Mambo ya Ndani – ACT Wazalendo
Machi 2, 2025
