Responded Ufafanuzi kuhusu: Upatikanaji wa Dawa ya Trastuzumab kwa Wagonjwa wa Saratani

Hospitali ya Taifa Muhimbili

Public Institution
Joined
Apr 9, 2026
Posts
13
Reaction score
38
Hospitali ya Taifa Muhimbili (MNH) imepokea taarifa zilizosambaa kwenye mitandao ya kijamii kuhusu madai ya kutokuwepo kwa dawa ya Trastuzumab, inayotumika katika matibabu ya baadhi ya wagonjwa wa saratani.

MNH inapenda kuufahamisha umma, wagonjwa na wadau wote kuwa dawa ya Trastuzumab inapatikana hospitalini kwa nguvu zinazohitajika kulingana na mahitaji ya kitabibu, ambazo ni 600mg, 440mg na 150mg.

Pia soma ~ Mwezi wa pili sasa Mama amekosa Dawa ya Saratani (IV TRASTUZUMAB 440mg) Muhimbili Upanga

Ni kweli kwamba katika kipindi cha nyuma kulikuwa na upungufu wa nguvu ya 440mg kwa muda mfupi. Hata hivyo, nguvu nyingine za dawa hiyo zilikuwepo na ziliwezesha wagonjwa kuendelea kupata matibabu yao kwa kuzingatia miongozo ya tiba.

MNH inawataka wagonjwa na ndugu zao kutopata hofu kutokana na taarifa zisizothibitishwa zinazoweza kusambaa kwenye mitandao ya kijamii. Kwa changamoto au swali lolote linalohusu upatikanaji wa dawa na huduma za matibabu, wagonjwa wanashauriwa kutumia njia rasmi za mawasiliano za hospitali ili kupata taarifa sahihi na kwa wakati.

Hospitali ya Taifa Muhimbili inaendelea kuimarisha mifumo ya upatikanaji wa dawa ikiwemo dawa zinazotumika katika matibabu ya saratani, kwa lengo la kuhakikisha wagonjwa wanapata huduma salama, bora na endelevu.

MNH inaendelea kuweka afya na ustawi wa wagonjwa wetu kuwa kipaumbele.

Hospitali ya Taifa Muhimbili (MNH)
Huduma Bora kwa Afya ya Jamii
 
Chai
 
Ahsante sana uongozi wa hospitali Kwa ufafanuzi wenu.
 
Pia Hospitali ya Taifa Muhimbili ingependa kuwasisitiza wapata huduma wetu wote kufata taratibu za Hospitali za namna ya kupata majibu sahihi kwa changamoto zote wanazopitia wakati wa kupata matibabu, ili kuepuka kuwa na taarifa zisizo sahihi
Ni zipi hizo?

Je wewe, mwendesha JF account ya hospitali(MNH) umeshawahi kujaribu kupata majibu sahihi kutoka kwa Daktari/tabibu/wafamasia wenu uone ilivyo shughuli pevu?
Watu wanateseka sana wanapotibia wagonjwa wao hapo MNH.

Huo msisitizo ulipaswa uende kwenye idara zenu & wafanyakazi wake, namna hii.

"Hospitali ya Taifa Muhimbili tungependa kuwasisitiza watoa huduma wetu wote kufata taratibu za Hospitali za namna ya kutoa majibu sahihi kwa changamoto zote wanazopitia wateja wakati wa kupata matibabu, ili kuepuka kutoa taarifa zisizo sahihi"
 
Cookies are required to use this site. You must accept them to continue using the site. Learn more…