SoC01 Ukosefu wa ajira au ubunifu?

The Digital Prowess · 2021-08-02T15:37:28+00:00

Mfumo wetu wa elimu nchini Tanzania na nchi nyingi za Kiafrika zilianzia nyakati za baada ya ukoloni. Waliotuletea elimu nia yao ilikuwa kutufanya "watumwa katika fikra zetu" kwa sababu tulikataa kuendelea kuwa watumwa katika mashamba yao. Embu fikiria, unapoamua kuwa Daktari, Mhasibu, Mwanasheria; unafikiria kuajiriwa au kujiajiri? Ukiwa kama mimi, baada ya kusikia maneno “ soma kwa bidii, iliuje kupata kazi nzuri” kwa mda mrefu sana, fikira zako zitakuwa kama zangu mwanzoni. Kudanganyika kwamba maisha mazuri na ya kifahari yanapatikana ukifanya kazi kwenye kampuni za wenzetu na sio ubunifu. Ukaongeza na kunasa kwenye ulimwengu wa mtandao wa kijamii, kisaikolojia unakuwa umevutiwa na maisha, mavazi n.k. ya wenzentu huko. Usinielewe vibaya, Elimu ni muhimu sana, muhimu sana! lakini, chaguo la kushikamana na mifumo ambazo zilifanya kazi katika nyakati za zamani wakitarajia kutoa wataalamu waliohitimu na wanaolenga kuwa suluhisho ni ndoto! Kulikuwa na wakati ambapo serekali ilikuwa na uwezo wa kutoa kazi kwa wahitimu wote waliofaulu baada ya kumaliza Chuo Kikuu, kuwapa nyumba na gari pia lakini sivyo ilivyo leo. Mwelekeo wa miaka 20 iliyopita ni kwamba, wahitimu wa milenia hujiunga tu na wataalamu wenzao wengi wa kutafuta kazi. Mfumo wetu wa sasa wa Elimu unakuza utalaamu na kuonyesha umuhimu zaidi kwa kazi za kola nyeupe kuliko ujuzi ambao unahitajika kumwezesha Mtanzania kuwa faida kwa jamii na baadae kuchangia kwenye ukuzaji wa uchumi kwa kumuelimisha jinsi ya kutumia na kuwa mbunifu na maliasili. Je! Ikiwa tungejikita katika kutoa elimu na mafunzo juu ya jinsi ya kutumia rasilimali ambazo zinapatikana kawaida kwa wingi katika mazingira yetu, tungekuwa wapi kama Nchi? Tanzania ina utajiri wa madini kama dhahabu, almasi, chuma, makaa ya mawe, nikeli, tanzanite, urani na gesi asilia. Yote hii, kitu cha kwanza tunachofikiria kufanya nayo wakati tunapata ni kuiuza ili kupata pesa. Jiulize swali hili, yule anayeinunua, kwa nini yuko tayari kuinunua kwa kiasi hicho, ni kweli ina thamani hiyo tu? Fikiria kama tungekuwa na masomo ya Maliasili kwanzia shule ya msingi hadi sekondari ambapo Mtanzania kutoka umri mdogo anaelimishwa juu ya maliasili hizi. Jinsi zinavyochimbwa, thamani yao kwa aina tofauti, jinsi wanavyoweza kutumia n.k. tukifika Chuo Kikuu, tusingeweza kufanya uamuzi mzuri wa kujifunza masomo au kozi za kufaidisha nchi zetu. Useme kwamba kuaanza shule ya msingi ni mapema sana, kama mtoto wa kiume wa kimasaai miaka tisa anaweza kuchunga ng'ombe hamsini, atashindwa kuelewa hivi vitu kweli? Kuna Bwana Laizer huko Arusha ambaye mwaka jana aliuza mawe mawili makubwa ya Tanzanite kwa dola milioni 3.4. Pesa ni nyingi, huo sio uwongo, lakini je kweli hayo mawe yana thamani ya kiasi hicho kwa yule anayenunua? Sidhani hivyo! Thamani yake ni kile mnunuzi anakijua ambacho Mr lazier hakukijui! Watanzania kwenye maliasili zetu, sekta ya kilimo, wanyamapori pia tuchue riba. Mzungu anaacha ardhi yao kuja kukaa Tanzania kuwa mkulima, mchimba madini au mwangalizi wa wanyamapori kwanini? Je! Anajua nini amabacho sisi hatujui ?! Fikiria Tanzania ingekuaje ikiwa sote tungependa kujielimisha zaidi na mazingira yetu. Hii ndio inafanya China iwe ilivyo leo! Mtazamo huu, kuanzia mfumo wao wa elimu. Kama nchi wamejihusisha sana na ubunifu wa teknolojia. Hiyo imewapasa kuhakikisha wanafunzi wa shule ya msingi, darasa la tano kujua jinsi ya kuprogramu kwenye lugha asili za kompyuta. Anagalia simu karibia zote za kifahari ;"Made in China" au " Manufactured in China" haikoseki! Ingawa watu wengi hucheka vitu vya mchina, hatuwezi kukataa kuwa ni kitu kama asili yake kwa bei rahisi! Picha: Uudelleenohjausilmoitus

Thread starter The Digital Prowess
Start date Aug 2, 2021
Tags

ajira ubunifu ukosefu ukosefu wa ajira

Stories of Change - 2021 Competition

The Digital Prowess

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

SoC01 Ukosefu wa ajira au ubunifu?

The Digital Prowess

Member

Our Community

Regional Communities