Upotoshaji wa Taarifa katika soka msimu wa usajili

[JamiiCheck]

Upotoshaji wa taarifa kwenye soka hufanyika zaidi wakati wa msimu wa usajili. Kipindi hiki ambacho mashabiki wa soka hufuatilia kujua Wachezaji wanakuja na kuondoka kwenye timu zao, wapotoshaji hutengeneza #taarifapotofu kwa makusudi ili kupata wafuasi kwenye kurasa zao au kuibua taharuki.

Kwa ufafanuzi zaidi, upotoshaji wa taarifa katika usajili wa wachezaji wa soka unaweza kujumuisha mambo kama vile:

Taarifa za potoshi
Vyombo vya habari au mitandao ya kijamii vinaweza kusambaza taarifa zisizo za kweli kuhusu uhamisho wa wachezaji au mipango ya klabu. Hii inaweza kusababisha mchanganyiko kwa mashabiki na klabu husika.

Uhariri wa picha
Watu wanaweza kutengeneza picha bandia au maelezo ya uhamisho wa wachezaji, au kuunganisha picha ya usajili wa zamani kuitengeneza ili kuwaaminisha watu kuwa ni mpya.

Utengenezaji wa akaunti za uongo
Watu wenye nia mbaya wanaweza kuanzisha akaunti bandia au kusambaza uvumi kwenye mitandao ya kijamii ili kuleta sintofahamu au kudhoofisha uaminifu wa habari za usajili.

Udukuzi wa Mahojiano
Baadhi ya watu wanaweza kufanya udukuzi na kusambaza taarifa za mahojiano bandia au mazungumzo yaliyofanyika kati ya wachezaji au viongozi wa klabu.

Hizi ni baadhi tu ya njia ambazo upotoshaji wa taarifa unaweza kutokea wakati wa usajili wa wachezaji wa soka. Ni muhimu ni vyema kujijengea tabia ya kufanya uhakiki wa taarifa kupata uhalisia wake kabla ya kuamini na kusambaza kwa wengine

Je, umeshawahi kukutana na taarifa za namna hii?

 

[Shadow7]

Je, umeshawahi kukutana na taarifa za namna hii?

Hizi hua zinaitwa tetesi za usajili

 

[Witch hunter]

Ndio

 

[Tate Mkuu]

Ni kama tu ulivyojengeka utamaduni mpya kwenye nchi yetu kwa sasa.

Yaani kuna wachezaji wa timu fulani hivi; wakimaliza tu mikataba na timu yao, basi wanazusha uongo kupitia wapambe wao eti wanataka kusajiliwa na timu ya wananchi Young Africans!

Baada ya hapo utashangaa viongozi wao wanaingia mkenge na kuwasainisha mikataba minono kweli kweli! Na mwisho wa siku hiyo timu unaikuta inambwela mbwela tu msimu mzima kutokana na kusajili wachezaji kwa mihemko.