Wabunge Wataka Deni la TPDC Lilipwe

Stephano Mgendanyi · 2023-05-31T19:59:51+00:00

WABUNGE WATAKA DENI LA TPDC LILIPWE Mwenyekiti wa Kamati ya Bunge ya Nishati na Madini, Dunstan Kitandula akiwasilisha bungeni maoni ya kamati hiyo kuhusu makadirio ya mapato na matumizi ya Wizara ya Nishati kwa mwaka wa fedha 2023/2024, jijini Dodoma leo Jumatatu Mei 31, 2023. Wabunge wataka deni la TPDC lilipwe - Kukukuwa kwa deni la mauzo ya gesi limeiibua Kamati ya Bunge ya Nishati na Madini na kushauri Serikali lilipwe ili kutozorotesha shughuli za Shirika la Maendeleo ya Petroli Tanzania (TPDC). Kamati ya Bunge ya Nishati na Madini imeitaka Serikali kulipa deni la Sh720 bilioni mauzo ya gesi kutoka Shirika la Maendeleo ya Petroli Tanzania (TPDC) kwenda Shirika la Umeme Tanzania (Tanesco) ambalo linaendelea kukuwa. Hayo yamesemwa Mei 31, 2023 na Mwenyekiti wa Kamati ya Bunge ya Nishati na Madini, Dunstan Kitandula wakati akiwasilisha maoni ya Kamati hiyo kuhusu bajeti ya Wizara ya Nishati kwa mwaka 2023/24. Amesema deni hilo limeongezeka kutoka Sh526 bilioni mwaka 2022/23 na kufikia Sh720 bilioni. “Kwa kuwa licha ya ushauri wa mara kwa mara wa Kamati wa deni hili kulipwa hali inayozoretesha utendaji kazi wa TPDC, Kamati inashauri mwaka huu wa fedha 2023/2024 deni hili lote lilipwe,”amesema. Aidha, amesema kumekuwa na utaratibu usiofaa wa baadhi ya taasisi za Serikali kutolipa ankara za umeme hali ambayo imepelekea deni kufikia Sh334.8 bilioni. “Kwa mara nyingine Kamati inashauri hatua za makusudi zichukuliwe ili deni hili lilipwe kabla ya mwaka ujao wa Fedha 2023/2024 kuisha,” amesema. Kuhusu nishati mbadala, Kitandula amesema pamoja na jitihada zinazofanywa na wizara na Serikali katika kuhamasisha nishati safi ya kupikia, Serikali katika mipango yake iwezeshe matumizi ya majiko ya umeme yenye presha (pressure cookers) zinazotumia umeme kidogo. Pia iwezeshe mkaa mbadala unaotokana na makaa ya mawe (Rafiki Coal Briquette) ambao umethibitishwa kutokuwa na hewa/kemikali zinazosababisha uchafuzi wa mazingira na kuhatarisha afya za watumiaji. “Serikali ione namna ya kupunguza kodi za uingizwaji wa majiko ya umeme yenye presha,” amesema.

Thread starter Stephano Mgendanyi
Start date May 31, 2023
Tags

deni tpdc wabunge wataka

Stephano Mgendanyi

JF-Expert Member

May 31, 2023

Mayor Quimby

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wabunge Wataka Deni la TPDC Lilipwe

Stephano Mgendanyi

JF-Expert Member

Attachments

Mayor Quimby

JF-Expert Member

Our Community

Regional Communities