KERO Wafanyabiashara Soko la Bukoba wametakiwa kupisha ujenzi lakini hakuna mazingira rafiki waliyowekewa

[Nyakijooga]

Licha ya Halmashauri ya Manispaa ya Bukoba kwa zaidi ya mwaka mmoja kubainisha wazi mpango wa ujenzi wa Soko la kisasa eneo la katikati ya Mji ambapo lipo soko ambalo limekuwa likitumika muda mrefu, lakini Wafanyabiashara ndani ya soko hilo walipewa taarifa ndani ya wiki mbili kwamba wawe wameondoka eneo hilo kupisha shughuli za ujenzi huo.

Taarifa hiyo ambayo ilitolewa kwenye kikao baina viongozi ikiwemo Mbunge wa Jimbo la Bukoba Mjini, Steven Byabato na Wafanyabiashara wa Soko hilo, Desemba 18, 2024, walipewa maelekezo kuwa wawe wameondoka kwenye soko hilo ifikapo Januari 1, 2025 jambo limeleta gumzo.

Hata hivyo suala hilo limekuwa changamoto kwa Wafanyabiashara wengi kwa kutoliunga mkono suala hilo kutokana na kupewa muda machache wa kuondoka, pia licha ya hivyo wanaambiwa wahamie kwenye eneo la Baniani lililopo Nshambya kando na Mji huo.

Kichosikitisha zaidi licha ya Waziri wa Nchi Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa kuelekeza wahusika kuandaa eneo maalumu kama soko mbadala kwa ajili ya kufanikisha shughuli za kibiashara kuendelea, pamoja na kuwezesha Serikali kuendelea kuingiza kipato.

Pamoja na kauli hiyo, kinachofanyika sasa mamlaka zinazoratibu suala hilo zinawaelekeza Wafanyabiashara kwenda eneo wanalodai ni mbadala Nshambya wajijegee wao miundombinu.

Suala hili linawaweka kwenye hofu ya kupoteza mitaji yao na kusababisha Serikali kukosa mapato ikizingatiwa eneo hilo sio rafiki kufika kwa kuwa lipo pembezoni ya Mji lakini pia utaratibu wa kutaka Wafanyabiashara wenyewe kujijengea miundombinu ni changamoto.

Wanapoanza kujijengea wenyewe inamaanisha mitaji yao ianze kutumika kuweka miundombinu mizuri wakati huo Serikali je, nayo itaweka vipi utaratibu wa kukusanya mapato au ndio itaacha kwanza ili Wafanyabiashara warejeshe kile wakichokitumia wakati wa maboresho ya Miundombinu?

Wito wangu kwa Serikali kupitia TAMISEMI ifuatilie kwa ukaribu suala hilo kwa kuhakikisha ujenzi wa soko hilo unafanyika bila kuathiri mitaji ya Wafanyabiashara.

Ni vyema mamlaka zinazoratibu suala hilo kuandaa miundombinu rafiki sehemu ambayo itafanya biashara kuwa endelevu bila kutegemea Wafanyabiashara wenyewe kujiandalia sehemu hizo jambo ambalo linaweza kuwa chanzo cha anguko kwenye biashara.

Itakumbukwa soko hilo linatarajiwa kujengwa kupitia Mradi wa uboreshaji wa Miundombinu Mbinu ya Miji ya Tanzania (TACTIC), sasa ni zaidi ya mwaka tangu mpango huo ulipobainishwa, lakini taarifa haikutolewa kwa Wafanyabiashara, sasa wanakuja kuwakurupusha wahame.

Pia soma ~ Mbunge Bukoba Mjini: Bilioni 47 kutumika ujenzi wa soko kuu la kisasa la Manispaa ya Bukoba

 

[Numbisa]

Kila kona hali ipo hivyo hivyo. Pisheni tu

 

[Ti Go]

Licha ya Halmashauri ya Manispaa ya Bukoba kwa zaidi ya mwaka mmoja kubainisha wazi mpango wa ujenzi wa Soko la kisasa eneo la katikati ya Mji ambapo lipo soko ambalo limekuwa likitumika muda mrefu, lakini Wafanyabiashara ndani ya soko hilo walipewa taarifa ndani ya wiki mbili kwamba wawe wameondoka eneo hilo kupisha shughuli za ujenzi huo.

View attachment 3193839​

Taarifa hiyo ambayo ilitolewa kwenye kikao baina viongozi ikiwemo Mbunge wa Jimbo la Bukoba Mjini, Steven Byabato na Wafanyabiashara wa Soko hilo, Desemba 18, 2024, walipewa maelekezo kuwa wawe wameondoka kwenye soko hilo ifikapo Januari 1, 2025 jambo limeleta gumzo.

Hata hivyo suala hilo limekuwa changamoto kwa Wafanyabiashara wengi kwa kutoliunga mkono suala hilo kutokana na kupewa muda machache wa kuondoka, pia licha ya hivyo wanaambiwa wahamie kwenye eneo la Baniani lililopo Nshambya kando na Mji huo.

Kichosikitisha zaidi licha ya Waziri wa Nchi Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa kuelekeza wahusika kuandaa eneo maalumu kama soko mbadala kwa ajili ya kufanikisha shughuli za kibiashara kuendelea, pamoja na kuwezesha Serikali kuendelea kuingiza kipato.

Pamoja na kauli hiyo, kinachofanyika sasa mamlaka zinazoratibu suala hilo zinawaelekeza Wafanyabiashara kwenda eneo wanalodai ni mbadala Nshambya wajijegee wao miundombinu.

View attachment 3193840​

Suala hili linawaweka kwenye hofu ya kupoteza mitaji yao na kusababisha Serikali kukosa mapato ikizingatiwa eneo hilo sio rafiki kufika kwa kuwa lipo pembezoni ya Mji lakini pia utaratibu wa kutaka Wafanyabiashara wenyewe kujijengea miundombinu ni changamoto.

Wanapoanza kujijengea wenyewe inamaanisha mitaji yao ianze kutumika kuweka miundombinu mizuri wakati huo Serikali je, nayo itaweka vipi utaratibu wa kukusanya mapato au ndio itaacha kwanza ili Wafanyabiashara warejeshe kile wakichokitumia wakati wa maboresho ya Miundombinu?

Wito wangu kwa Serikali kupitia TAMISEMI ifuatilie kwa ukaribu suala hilo kwa kuhakikisha ujenzi wa soko hilo unafanyika bila kuathiri mitaji ya Wafanyabiashara.

Ni vyema mamlaka zinazoratibu suala hilo kuandaa miundombinu rafiki sehemu ambayo itafanya biashara kuwa endelevu bila kutegemea Wafanyabiashara wenyewe kujiandalia sehemu hizo jambo ambalo linaweza kuwa chanzo cha anguko kwenye biashara.

View attachment 3193841
View attachment 3193842​

Itakumbukwa soko hilo linatarajiwa kujengwa kupitia Mradi wa uboreshaji wa Miundombinu Mbinu ya Miji ya Tanzania (TACTIC), sasa ni zaidi ya mwaka tangu mpango huo ulipobainishwa, lakini taarifa haikutolewa kwa Wafanyabiashara, sasa wanakuja kuwakurupusha wahame.

Nini kifanyike? Ungependekeza wahamie wapi kwa muda? Nadhani swala la serikali kupoteza mapato SI lako!

 

[manyonga]

Jambo likiachwa bila kujibiwa laweza kuonekana kuwa ni kweli. Kutokana na kero iliyotajwa na mdau hapo juu, naomba kwa ufupi niweke sawa mambo kadhaa;
Bukoba Manispaa ni miongoni mwa halmashauri zinazoenda kunufaika na miradi ya Tactic inayoendelea katika maeneo mbalimbali nchini kama majuzi tumeona Naibu Waziri wa Tamisemi akiwa Kigoma katika kushuhudia utiaji saini wa mikataba mbalimbali ya ujenzi wa miradi katika mkoa huo inayotokana na Tactic. Ahsante sana Mhe Rais wetu Samia Suluhu Hassan kwa kuhakikisha jambo hili linatekelezeka na ujio wa miradi hii ni fursa mbalimbali kupatikana katika maeneo husika ikiwemo ajira na kupendezesha miji yetu.
Desemba, 2023 Mhe Mchengerwa ambaye ni waziri wa nchi ofisi ya Rais (TAMISEMI) alifika Bukoba Manispaa, Kagera na kushuhudia mkandarasi mshauri akisaini mikataba ya miradi ya Tactic itakayojengwa Bukoba Manispaa ikiwemo miradi ya Soko Kuu la Bukoba, Stendi Kuu ya Mabasi Bukoba Manispaa, Kingo za mto Kanoni pamoja na miradi ya barabara za lami, katika hadhara ile alisikika akikemea watu wa Bukoba kukwamisha miradi na asingependa miradi hiyo kusikia inakwama. Ndani ya mwaka mzima kazi kubwa imefanyika ikiwa ni maandalizi ya kuikaribisha miradi hiyo. Yaliyofanyika ni pamoja na Mkurugenzi wa Manispaa ya Bukoba kuunda Task Force ya wataalam mbalimbali watakaokuwa wanahusika moja kwa moja na maandalizi ya miradi hiyo, kushirikisha wananchi wote katika maeneo itakapojengwa miradi hiyo kupitia mikutano ya mitaa, vikao na viongozi wa wafanyabiashara na baadae kukaa na wafanyabiashara wote. Kwa pamoja wananchi katika maeneo yao walionesha kupokea miradi hii kwa furaha kubwa na maeneo yote wametoa ushirikiano kwa timu zote.
Kuhusu soko kuu;
Licha ya vikao mbalimbali vya Mkurugenzi na wafanyabiashara, diwani wa kata Bilele, Mstahiki Meya na Mhe Mbunge kwa nyakati tofauti wamezungumza na wafanyabiashara hao kuhusu maendeleo ya maandalizi ya ujenzi wa soko hilo. Ikumbukwe pia mikataba ya wafanyabiashara hao mwisho ilikuwa ni tarehe 31/12/2024, sasa Mkurugenzi alianisha maeneo kadhaa ambayo wafanyabiashara wangependa kwenda kama maeneo mbadala wakati wa kupisha ujenzi wa soko hilo, baada ya viongozi wa wafanyabiashara kukagua maeneo hayo na kuwashirikisha wenzao walichagua kuwa watahamia katika maeneo yafuatayo;
1. Stendi ya machinjioni
2. Migera Sokoni
3. Eneo la Baniani
4. Eneo CCM Zamzam
Baada ya machaguo hayo jukumu la Manispaa ni kuweka sawa miundombinu ya umeme, maji na vyoo. Kisha kuainisha wafanyabiashara kwa orodha waelekee wapi kutokana na bidhaa husika. Makubaliano yote yamefanyika na sasa kinachosubiriwa ni wafanyabiashara hao kuhamia katika maeneo yao kama walivyoainishwa, na hili limefanyika kwa kukubaliana kupitia vikao vya pamoja.
Hivyo basi kutokana na maelezo hapo juu mpaka leo tarehe 06/01/2025 hakuna notes yoyote ambayo imetoka kwa Mkurugenzi kwenda kwa wafanyabiashara. Hakuna shinikizo la aina yoyote linalotolewa kwa wafanyabiashara hao. Kikubwa ninashauri waanze kutekeleza azimio la mwezi desemba 2024 wao wenyewe kwa hiari yao kwenda kwenye maeneo waliopangiwa. Kwa kuwa mkandarasi mshauri ashakamilisha kazi yake, michoro na kila hitajio liko tayari, wakati wa tamasha la Ijuka Omuka lilifanyika mkoani Kagera chini ya usimamizi wa RC hajat Fatma Mwassa akitoa taarifa kwa mgeni rasmi Mhe Dotto Biteko ambae ni Naibu Waziri Mkuu na Waziri wa Nishati alieleza kuwa muda wowote kuanzia January hii TAMISEMI watatangaza tenda mbalimbali za miradi hiyo, pia mratibu mkuu wa miradi hii kutoka TARURA makao makuu alionesha maandalizi mbalimbali yaliyofanyika ikiwemo kuonesha michoro ya miradi yote itakayotekelezwa Bukoba Manispaa.
Utekekelezaji wa miradi hii ni muendelezo wa nia njema ya Mhe Rais wetu Dkt. Samia Suluhu Hassan katika kuupendezesha mkoa wetu wa Kagera. Tuunge mkono jitihada za Mhe Rais na viongozi wetu wa Mkoa na Wilaya ili miradi hii ikamilike kwa wakati.

 

[kahembe]

BUKOBA inaweza kuwa miongoni mwa Manispaa Bora na nzr hapa Tanzania kama hiyo miradi itatekelezwa Kwa weledi mkubwa

 

[DR HAYA LAND]

Kwanini hampendi maendeleo wajinga wakubwa nyie .

Kipindi nipo Bukoba mlipewa hela bil 03 ili mjenge soko mkaleta story Kama hizi hizi .

Hamtazami mbele mkijenga soko huo mradi utatumia miaka 2-3 kukamilika Ila faida mtakayopata ni kubwa.


Hilo soko hamtaki libomolewe Kwa kisingizio kuwa mtaenda wapi.

Mwaka 2013 mliibua migogoro Kama hii na ndo chanzo cha kaghasheki kukosa ubunge.

Ebu acheni ujinga nyie Nshomile

 

[manyonga]

BUKOBA inaweza kuwa miongoni mwa Manispaa Bora na nzr hapa Tanzania kama hiyo miradi itatekelezwa Kwa weledi mkubwa

Hakika. Na haya ndio matarajio yetu sisi wananchi

 

[manyonga]

Kwanini hampendi maendeleo wajinga wakubwa nyie .

Kipindi nipo Bukoba mlipewa hela bil 03 ili mjenge soko mkaleta story Kama hizi hizi .

Hamtazami mbele mkijenga soko huo mradi utatumia miaka 2-3 kukamilika Ila faida mtakayopata ni kubwa.


Hilo soko hamtaki libomolewe Kwa kisingizio kuwa mtaenda wapi.

Mwaka 2013 mliibua migogoro Kama hii na ndo chanzo cha kaghasheki kukosa ubunge.

Ebu acheni ujinga nyie Nshomile

Awamu hii hatukubali jambo kama hilo lijirudie. Soko litajengwa tu