Wahalifu 231 wakamatwa na Polisi Shinyanga

beth · 2021-04-29T15:10:08+00:00

Jeshi la Polisi Mkoa wa Shinyanga limefanya Operesheni maalumu ya kukabiliana na kuzuia makosa ya uhalifu na kufanikiwa kukamata wahalifu 231 wanaojihusisha na unyang’anyi wa kutumia silaha, wakata mapanga na waganga wa jadi wanaojihusisha na upigaji ramli chonganishi ambazo ni chanzo na kichocheo cha mauaji ya imani za kishirikina. Akitoa taarifa kwa vyombo vya habari leo Alhamisi Aprili 29,2021, Kamanda wa Polisi Mkoa wa Shinyanga ACP Debora Magiligimba amesema Operesheni hiyo imefanyika kuanzia Mwezi Januari 2021 hadi Aprili 25,2021 ambapo jumla ya watuhumiwa 231 walikamatwa,kati yao wanawake ni 71 na wanaume 160. “Watuhumiwa 169 kati ya 231 wamefikishwa mahakamani kwa hatua zaidi za kisheria na watuhumiwa 62 waliobaki watafikishwa mahakamani baada ya upelelezo kukamilika”,ameeleza Kamanda Magiligimba. “Katika Operesheni hiyo tulifanikiwa kukamata Bunduki 14 kati ya hizo gobore 13 na Shortgun moja ilitengenezwa kienyeji. Bangi kilogramu 65 na mashamba ya bangi ekari 6,madawa ya kulevya aina ya Heroine gramu 300,mirungi kilogramu 3 na gramu 250”,ameeleza. Amesema pia walikamata magari mawili yenye namba za usajili T.673 AYK Toyota Sprinter na T.377 DNA Toyota IST, pikipiki 19 aina ya SANLG, mazao ya misitu mbao 711 na pombe ya Moshi lita 407 pamoja na mitambo mine ya kutengenezea pombe ya kienyeji (moshi). Mali zingine zilizokamatwa ni boksi 30 za Kondomu zilizopigwa marufuku, TV 14, Radio Sabufa 6, Computer 3, magodoro 12, mabati 15, betri za magari 12, baiskeli,jiko la gesi, betri za pikipiki 6, betri za solar 7, simu 7,mafuta ya diesel lita 240,Engine Oil lita 120,vitenge pc 42 pamoja na magauni 15 ya vitenge, maturubai mawili ya magari makubwa, nondo 36 na mabomba matano ya maji. Kamanda Magiligimba ameongeza kuwa Operesheni hiyo pia ilinasa bidhaa mbalimbali zilizokwisha muda wake na madawa mbalimbali,vifaa tiba, vifaa mbalimbali vya kufanyia uhalifu,noti bandia 7 kati ya hizo 6 ni za elfu 5, moja elfu 10, mifuko ya nailoni iliyopigwa marufuku 1200 na mawe yadhaniwayo kuwa na dhahabu kilogramu 2. Amesema misako hiyo ni endelevu ikiwa ni pamoja na kubaini mitandao yote ya kihalifu ili kukabiliana nayo huku akiwasisitiza wananchi kuendelea kutoa taarifa za uhalifu na wahalifu kwa jeshi la polisi na kwamba kamwe jeshi la polisi halitasita kuchukua hatua kali kwa mtu yeyote anayejihusisha na matukio ya uhalifu. Chanzo: Malunde

Thread starter beth
Start date Apr 29, 2021
Tags

polisi shinyanga wakamatwa

beth

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Wahalifu 231 wakamatwa na Polisi Shinyanga

beth

JF-Expert Member

Our Community

Regional Communities