Wasifu (CV) wa Dkt. Emmanuel Nchimbi

[Mwizukulu wa Buganda]

Emmanuel John Nchimbi alizaliwa tarehe 24 Desemba 1971 mkoani Ruvuma, Tanzania. Alikulia katika familia yenye maadili ya kijamii na kisiasa, jambo ambalo lilimwandaa mapema kwa ajili ya kuingia kwenye uongozi akiwa bado kijana mdogo

Elimu yake:

• Elimu ya Msingi: Alisoma katika Shule ya Msingi Oysterbay, Dar es Salaam, kati ya mwaka 1980 hadi 1986.
• Elimu ya Sekondari: Alianza masomo ya sekondari katika Shule ya Sekondari Uru (1987–1989), kisha akahamia Shule ya Sekondari Sangu na kumaliza kidato cha nne mwaka 1990.
• Kidato cha Tano na Sita: Alisoma katika Shule ya Sekondari Forest Hill, Mbeya, kati ya mwaka 1991 hadi 1993.
• Stashahada ya Juu ya Utawala: Alipata kutoka Chuo cha Usimamizi wa Maendeleo (IDM) Mzumbe kati ya mwaka 1994 hadi 1997.
• Shahada ya Uzamili ya Usimamizi wa Biashara (MBA): Alipata kutoka Chuo Kikuu cha Mzumbe kati ya mwaka 2001 hadi 2003, akijikita katika masuala ya benki na fedha.
• Shahada ya Uzamivu (PhD): Alihitimu kutoka Chuo Kikuu cha Mzumbe kati ya mwaka 2008 hadi 2011.

Dkt. Nchimbi amehudumu katika nafasi mbalimbali za uongozi, ikiwa ni pamoja na Ubunge na Uwaziri. Mojawapo ya nyadhifa zake maarufu ni kuwa Waziri wa Mambo ya Ndani ya Nchi.

Nyadhifa alizoshika ndani ya Chama Cha Mapinduzi (CCM):

• Mjumbe wa Halmashauri Kuu ya CCM (NEC): Aliteuliwa mwaka 1997 akiwa mwanafunzi chuoni.
• Mwenyekiti wa Umoja wa Vijana wa CCM (UVCCM): Alihudumu katika nafasi hii kuanzia mwaka 1998.
• Katibu Mkuu wa CCM: Mnamo tarehe 15 Januari 2024, aliteuliwa kuwa Katibu Mkuu wa CCM.

Emmanuel John Nchimbi ameshika nyadhifa mbalimbali serikalini kama ifuatavyo:

• Naibu Waziri wa Habari, Utamaduni na Michezo (2006): Aliteuliwa kushika wadhifa huu Januari 6, 2006.
• Naibu Waziri wa Kazi, Ajira na Maendeleo ya Vijana (2006–2008): Alihudumu katika nafasi hii kuanzia Oktoba 17, 2006, hadi Februari 13, 2008.
• Naibu Waziri wa Ulinzi na Jeshi la Kujenga Taifa (2008–2010): Alihudumu katika nafasi hii kuanzia Februari 13, 2008, hadi Novemba 28, 2010.
• Waziri wa Habari, Utamaduni, Vijana na Michezo (2010–2012): Alihudumu katika nafasi hii kuanzia Novemba 28, 2010, hadi Mei 7, 2012.
• Waziri wa Mambo ya Ndani ya Nchi (2012–2013): Alihudumu katika nafasi hii kuanzia Mei 7, 2012, hadi Desemba 20, 2013.
• Balozi wa Tanzania nchini Brazil (2016–2021): Alihudumu kama Balozi wa Tanzania nchini Brazil kuanzia mwaka 2016 hadi 2021.
• Balozi wa Tanzania nchini Misri (2022–2023): Alihudumu kama Balozi wa Tanzania nchini Misri kuanzia mwaka 2022 hadi Agosti 2023.

Kwa sasa, Dk. Nchimbi ni Katibu Mkuu wa Chama Cha Mapinduzi (CCM) na ameteuliwa kuwa mgombea mwenza wa Rais Samia Suluhu Hassan katika uchaguzi mkuu wa mwaka 2025.

Pia soma
- CCM yamchagua Balozi Dkt Emmanuel Nchimbi kuwa Mgombea Mwenza katika Uchaguzi wa Oktoba 2025