Wateja wa CRDB wakumbwa na ulaghai wa mtandaoni ili kupata taarifa binafsi za kibenki

[Kingsmann]

Wateja wa Benki ya CRDB ambayo ndiyo mkopeshaji mkubwa wa Tanzania kwa mali na amana, wamepokea barua pepe za udanganyifu kutoka kwa matapeli wanaojifanya ni benki hiyo.

Katika shambulio hilo la hadaa, wateja wa Benki ya CRDB walipokea barua pepe zilizowataka kubofya kiungo (link) kinachotiliwa shaka.

Katika moja ya barua pepe zilizoshuhudiwa na Tanzania Business Insight, akaunti ya Gmail iliyosajiliwa kama aisiarobi@gmail.com iliyotumika kama barua pepe rasmi kutoka CRDB..

Dalili kubwa na ya hatari kugundua kama barua pepe ni ya ulaghai ni matumizi ya barua pepe za kawaida kama vile Gmail au barua pepe ya Yahoo. Benki hutumia barua pepe zao za ushirika.

Barua pepe ya ulaghai kwa mteja mmoja wa Benki ya CRDB ya tarehe 10 Oktoba, 2024 ilikuwa na kichwa cha barua kama CRDB#HATUA MUHIMU INAHITAJIKA-2024.

Barua pepe hiyo inawataka wateja wa CRDB kuthibitisha akaunti zao kwa kubofya kiungo(link) kinachotiliwa shaka.

Bado haijafahamika jinsi matapeli hao walivyopata taarifa za kibinafsi za wateja wa Benki ya CRDB, ikiwa ni pamoja na barua pepe zao.

Benki Kuu ya Tanzania (BoT) ilisema katika 'memo' yake kwa mabenki Machi mwaka huu kuwa wahalifu wa mtandao waliiba zaidi ya TZS 1.65 bilioni kutoka benki za Tanzania katika kipindi cha miezi mitatu tu katika robo ya nne ya mwaka jana (Q4 2023), ambayo ni asilimia 84. kuongezeka kutoka robo iliyopita.
Pia soma:

Benki ya CRDB Yazindua Mfumo Mpya wa Kidijitali Kuboresha Huduma kwa Wateja 24/7

Dar es Salaam, Oktoba 7, 2024 – Katika kuadhimisha Wiki ya Huduma kwa Wateja 2024, Benki ya CRDB imezindua rasmi mfumo mpya wa kidijitali wa huduma kwa wateja unaotumia teknolojia ya akili mnemba (AI), iliyopewa jina la ‘Elle,’ ikiwa ni kifupisho cha ‘Ellephant’, inayowakilisha chapa ya Benki...

www.jamiiforums.com

Benki Kuu ilisema zaidi ya TZS 1.654 bilioni ziliibwa kutoka kwa benki katika kipindi cha Oktoba-Desemba 2023 pekee na matapeli wa mtandaoni.

Hili ni ongezeko kubwa kutoka TZS 901.8 milioni ambazo ziliibwa kutoka benki katika Q3 2023 (Julai-Septemba) kwa njia ya udanganyifu wa digitali.

CRDB ilikuwa bado haijatoa notisi yoyote kwa umma kwa wateja wake kuhusu ulaghai huo wakati chapisho hili lilipochapishwa mtandaoni saa 11:12 asubuhi leo.
​

©Tanzania Business Insights, X Page.

 

[Dr Matola PhD]

Jamaa yangu amepigwa million nane lakini siyo kwa link hiyo inaonekana wameswap namba yake ya simu, cha kushangaza ni kwa nini hawaibi account za matajili?

 

[Emmanuel Robinson]

Umakini zaidi unahitajika

 

[Kingsmann]

Jamaa amepigwa million nane lakini siyo kwa link hiyo inaonekana wameswap namba yake ya simu, cha kushangaza ni kwa nini hawaibi account za matajili?

Umakini unahitajika sana kwa sasa

 

[Shooter Again]

Kwanza inakuaje mpaka unabonyeza link tu hovyo Mimi kama akaunti yangu inapesa iliyoshiba ujinga wowote wa mtandaoni siugusi labda bank wenyewe washindwe kulinda account yangu

 

[Chujio]

Kwanza inakuaje mpaka unabonyeza link tu hovyo Mimi kama akaunti yangu inapesa iliyoshiba ujinga wowote wa mtandaoni siugusi labda bank wenyewe washindwe kulinda account yangu

Sio watu wote wana uweledi wa kujua ipi ni feki na ipi sio. Fikiria kundi la watu waliokutana na mtandao wakiwa kazini, hawa kutapeliwa kwa njia hii ni rahisi