Watoto wa Wanasiasa na wakubwa wanavyobebwa na Bodi ya Mikopo

chakubimbi said:

Watoto wengi wa wanasiasa na baadhi ya wakubwa wa nchi wamekua wakipewa mikopo na bodi ya mikopo ya elimu ya juu wakati hawana sifa za kupata mikopo hiyo. Wengi wa watoto hao huwa wanapewa scholarship nje ya nchi kupitia wizara ya elimu na wengine huwafata wazazi wao ambao ni mabalozi nje.

Mfano wa nchi ambazo hao watoto wa wanasiasa na wakubwa wengine wa nchi wamejazana ni Algeria, China, Cuba, Poland Urusi n.k wakiwa hawana sifa kwani wengi wao ni kidato cha nne au kidato cha sita waliofeli vibaya mno. Wakifika katika hizo nchi hupewa mikopo 100% ambazo ni mamilioni ya pesa za kitanzania.

Wengi wao wanapewa mikopo kwa wazazi wao kuwashinikiza watendaji wa bodi wawape mikopo watoto wao, Hii sio haki hata kidogo kwani watoto wa wakulima wanateseka bila kupata mikopo lakini watoto wa hawa wanasiasa wanapeta tu.

TANZANIA NI NCHI YETU SOTE .

Click to expand...

soine said:

Mungu na atuponye watanzania, aitakase, ailinde na kuilinda nchi yetu, aikomboe na kuokoa na rushwa, uporaji wa rasilimali, kubaguana kwa misingi ya dini, chama, na ukanda, uvunjaji wa haki za binadamu na wanyama. Kila kona ni majanga tu, majirani wanatukimbia na kutubagua, wanzibari nao wameanza kumwagilia mbawa za kuruka, na sio ajabu baada ya kuruka wakajiunga na jirani zetu na kutuwekea vikwazo vya kiuchumi.

Kama tunanyanyasika ndani ya nchi kwa kunyimwa haki zetu, elimu jambo la msingi na la muhimu limejawa na siasa hata kuifanya elimu kudidimia. Haya huko nje nako wanatutenga, viwanja vya ndege twaitwa wabeba unga na wezi, je tuende wapi? tufanye nini?

Shime watanzania tujitathimini na kuangalia ni wapi tumekosea na kujirudi, then yafaa kuutafuta umoja wa kitaifa kwa kuisimamia amani bila kujali itakadi yeyote, kulinda rasimali za nchi hii bila kuwahurumia wahujumu uchumi, kuboresha elimu kwa kuithamini sekta ya elimu, kulinda heshima ya vyombo vya usalama na sio kuvifanya mtaji wa watu binafsi.

Click to expand...