Waziri Jenista Mhagama akabidhi vifaa kuimarisha kitengo cha mawasiliano na elimu ya afya kwa Umma

[Stephano Mgendanyi]

Jenista Mhagama akabidhi vifaa kuimarisha kitengo cha mawasiliano na elimu ya afya kwa umma

Waziri wa Afya Mhe. Jenista Mhagama Septemba 3, 2024 amekabidhi vifaa vya studio vitakavyosaidia Kitengo cha Mawasiliano na Elimu ya Afya kwa Umma kufanya kazi kwa ufanisi zaidi katika kuhabarisha umma kuhusu taarifa mbalimbali za maendeleo ya Sekta ya Afya nchini pamoja na Elimu ya Afya.

Waziri Mhagama wakati akikabidhi vifaa hivyo amewataka watumiaji wa vifaa hivyo kuvitunza na kuvitumia vizuri ili kufikia lengo lililokusudiwa la kuihabarisha jamii katika masuala ya Sekta ya Afya.

"Twendeni tukavitunze vifaa hivi, kwa kuwa huu ni uwekezaji mkubwa uliofanywa na Serikali ambapo wananchi wanatakiwa kufaidika kwa kupata Habari mbalimbali za Afya pamoja na Elimu ya Afya." Amesema Waziri Mhagama.

Waziri Mhagama amewataka wataalam hao kufanya kazi zenye ubunifu na viwango vya juu huku maudhui yatakayozalishwa yawe yamezingatia maadili, mila na desturi za Kitanzania.

Vifaa hivyo ni pamoja na Camera, Boom Mike, Mixer, Laptop, Macbook, Drone's, Tripod Stand pamoja na vifaa vingine vya Studio ambavyo vyote vimenunuliwa na Wizara.