Endeleeni kujipa moyo kwa Kigezo cha kushinda mechi zenu Nne ( 4 ) mfululizo za Ligi ila ukweli upo na utabaki pale pale kwamba ' Kiufundi ' kabisa na hapa naweka ' Mahaba ' yangu ya Usimba kando / pembeni kwamba bado Yanga SC haina Kikosi imara cha kuweza Kucheza na Simba SC.
Tena ni vyema mkawa tu wapole kwani kuna uwezekano mkapata Kipigo ambacho kitaumizeni sana na hamtoamini. Na mnachokosea na nimewashangaa mno mnashangilia John Boko kutokuwepo kwakuwa alipata Kadi Nyekundu jana wakati mnasahau kwamba kuna Watu wengine wapo ' bench ' ambao muda wowote wanaweza wakabadili matokeo na bado Simba SC ikashinda.
Kama kuna eneo ambalo Yanga SC ipo vizuri ni Ushambuliaji tu ila kama kuna eneo ambalo Yanga SC ipo vibaya na ambalo ndilo litawaumizeni hiyo tarehe 30, Septemba 2018 basi ni eneo lenu la Ulinzi na kidogo katika ' midfield ' yenu.
Endapo Simba SC siku hiyo pale mbele atasimama Medie Kagere na Emanuel Okwi huku katikati wakiwepo ' Injini ' zinazoelewana za Simba SC Jonas Mkude, Maulid Dilunga na James Kotei halafu pembeni wakawekwa ' Viberenge ' akina Shiza Kichuya na Mohamed Ibrahim naziona Goli za haraka za Simba SC na pia nina uhakika kunaweza pia kukawa na Kadi za Njano kadhaa na hata Nyekundu kwakuwa najua hawa Wachezaji tajwa hapa watawasumbua mno Mabeki na Viungo wa Yanga SC hadi itapelekea wapo ' Kupaniki ' na kupoteza mechi.
Naiheshimu sana Yanga SC na kama Mwanamichezo napenda pia Kuipongeza kwani kidogo sasa inaanza kurudi vizuri katika mstari na kuna kila dalili kwamba kama Yanga SC itaendelea hivi na kumuamini Kocha wao na hamasa ikazidishwa basi huko mbeleni itakuwa ni ' mshindani ' mzuri katika Ligi ila kwa sasa ' msijidanganye ' bado ' Kiufundi ' hampo vizuri na bahati mbaya ni kwamba mnaibuka washindi dhidi ya Timu ambazo zenyewe pia hazipo vizuri ' Kiuchumi ' na zina matatizo ya Kiutendaji.
Bado naiona Simba SC kuibuka mshindi tena wa Goli zaidi ya mbili ( 2 ) hiyo tarehe 30, Septemba 2018.
Nawasilisha.