Zakazakazi: Wanasimba njooni Chamazi Jumapili tulipe kisasi kwa APR

[Frank Wanjiru]

Hakuna kitu kilichowahi kuniumiza moyo kama nilipomuona mnyamwezi mwanzangu Ismal Aden Rage akilia kama mtoto baada ya KUTENDWA na APR.

Kwa kweli huu ni mkasa ambao wana simba wanabidi waujue na waje kwa wingi Chamazi kuungana na sisi kumlipia kisasi gwiji wao huyo.

Ilikuwa mwaka 2012 baada ya mashindano ya Kombe la Kagame. APR walikuja na mchezaji wao aliyeitwa Mbuyu Twitte, mnyarwanda mwenye asılı ya DRC.

Twitte alionesha uwezo mkubwa sana na baada ya mashindano Simba ikahitaji huduma yake.

Mwenyekiti wa Simba, Ismail Aden Rage, akasafiri hadi Kigali kuonana na maafisaa wa APR ili wafanye biashara ya mchezaji huyo.

Wakaelewana, na wakampa ruhusa ya kuongea na mchezaji. Naye akaelewana naye, na akampa dola 30,000 na anapiga naye picha (ya juu kushoto) kama kiashira cha kwamba kazi imekwisha.

Rage akaituma picha nyumbani Tanzania ili itembee kwenye mitandao ya kijamii…na kweli picha ikatembea sana.

Kumbe APR hawakuwa wakweli kwa Rage. Twitte hakuwa mchezaji wao bali alikuwa klabuni hapo kwa mkopo akitokea FC Lupopo ya DRC.

Yanga wakapewa hizo taarifa na wakamtuma mafia wao mmoja hadi Lubumbashi, akakutana na maafisaa wa Lupopo na kufanya biashara ya mchezaji huyo.

Siku anakuja hapa nchini, akavalishwa jezi ya Yanga yenye namba nne na jina la Rage. Haya yalikuwa matusi makubwa sana kwa kiongozi huyo mtaalamu wa sheria.

Akaangua kilio kama mtoto mdogo akimlilia mchezaji huyo kiraka. Kama APR wangekuwa wakweli, Rage asingedhalilika namna ile, asingelia namna.

Sasa APR wamejileta wenyewe Azam Complex, wanasimba njooni tushirikiane kulipa kisasi.

Kiingilio ni cha mwananchi wa hali ya chini kabisa kwa hisani kubwa ya Azam Pesa.

VIP A ni shilingi 20,000 kama utanunua tiketi kwa Azam pesa. Ukinunua kwa pesa taslimu ni shilingi 22,000.

VIP B ni shilingi 10,000 kama utanunua tiketi kwa Azam pesa. Ukinunua kwa pesa taslimu ni shilingi 12,000.

VIP C ni shilingi 5,000 kama utanunua tiketi kwa Azam pesa. Ukinunua kwa pesa taslimu ni shilingi 7,000.

Mzunguko ni shilingi 3000 kama utanunua tiketi kwa Azam pesa. Ukinunua kwa pesa taslimu ni shilingi 5000.

Tumeipata Code. Tukutane Jumapili!

©️ Zakazakazi.

 

[Danielmwasi]

😂😂😂 zaka legend sana

 

[appoh]

Azam sio wa kuwaamini

 

[Auto-Marvelt]

Rage huyu huyu aliyetuita mbumbumbu
Acha tu APR washinde

 

[Sangizi]

Kama shabiki kindaki ndaki wa Mabingwa wa makombe yote nchini, nawakaribisha Simba na bwana Rage kwenye pira J. Lo au Kim Kardashian la watoto wa Jangwani a.k.a Man City Junior.

 

[KAGAMEE]

Timu ya wakata mauno mtapigwa kama ngoma.

 

[Sanze M]

Rage ni msomali siyo mnyamwezi,Zakazakazi aache uchawa na siasa.

 

[M.Rutabo]

Maliokandwa na Yanga wanaitana kupeana faraja.

 

[SAYVILLE]

Hata watu unaodhani wanaujua mpira nao wamerukwa na akili. Hivi Simba inahitaji kulipa kisasi gani kwa APR tena cha kukumbushana? Hivi APR wameshauza wachezaji wangapi kwenda Simba toka kipindi hicho? Simba kacheza na APR Mapinduzi mwaka jana kama sikosei, sikumbuki huyu jamaa akiiambia Simba ilipe hicho anachoita kisasi. Na huyu CEO mpya si katokea huko huko? APR wamekuja hadi Simba Day ya hapo juzi.

Amekosa content anatengeneza mgogoro ambao haupo. Asituletee visirani wanavyokuwaga navyo vyura.

 

[Lupweko]

Hakuna kitu kilichowahi kuniumiza moyo kama nilipomuona mnyamwezi mwanzangu Ismal Aden Rage akilia kama mtoto baada ya KUTENDWA na APR

Simba haina tatizo lolote na APR, na ndio maana walialikwa katika Simba Day na wakashiriki. Tafuta mada nyingine, uzi huu ufungwe

 

[mmteule]

Hivi vitimu vidoooogo huko CAF bila kuitaja taja Simba havijiskiii. Mkubwa ni mkubwaaa tu ili ujulikane lazima mdogo akutaje

 

[Sangizi]

Timu ya wakata mauno mtapigwa kama ngoma.

Ubaya ubwege

 

[Mkono Mmoja]

Hatujiiiiiiiiii tenaaaaa....Hatujiiiiii