Zikiwa zimebaki siku nne laini za simu zisizosajiliwa kwa alama za vidole kufungiwa, Mamlaka ya Mawasiliano Tanzania (TCRA) imewaagiza Watanzania waliokamilisha usajili wa laini zao kuhakiki upya kwa kupiga namba *106#.
“Kama mnavyofahamu, mwisho wa kutumika kwa laini za simu ambazo hazijasajiliwa kwa kutumia namba ya kitambulisho cha taifa (Nida) na kuthibitishwa kwa alama za vidole ni Januari,20, 2020, kama umeshasajili hakiki tena usajili wa laini zako kwa kupiga namba *106# na uchukue hatua stahiki sasa,” imeeleza taarifa hiyo.
Taarifa hiyo imetolewa rasmi leo January 16, 2020 na Mkurugenzi Mkuu wa TCRA, James Kilaba kwa watu wote ambao bado hawajasajili laini zao za simu na kuwataka kutumia siku hizi nne zilizobaki kukamilisha usajili huo ili kuepuka adha itakayojitokeza mara baada ya laini kufungwa.
Pia amesema zoezi la usajili wa simu litakuwa endelevu hata kwa wale ambao watakuwa wamefungiwa wataweza kufungua laini zao kwa kuzisajili, lakini pia kwa wale ambao watanunua laini mpya pia wataweza kusajili laini hizo.
“Kwa watakaositishiwa huduma za laini zao za simu Januari 20 wanaweza pia kuendelea na utaratibu wa usajili kwa lengo la ama kurudisha laini zao zitakazokuwa zimefungwa au kupata laini mpya. Kwa watumiaji/waombaji wapya wa laini za simu wataendelea kusajiliwa muda wote na usajili huo kwa kutumia kitambulisho cha taifa na kuhakikiwa kwa alama za vidole".
“Kama mnavyofahamu, mwisho wa kutumika kwa laini za simu ambazo hazijasajiliwa kwa kutumia namba ya kitambulisho cha taifa (Nida) na kuthibitishwa kwa alama za vidole ni Januari,20, 2020, kama umeshasajili hakiki tena usajili wa laini zako kwa kupiga namba *106# na uchukue hatua stahiki sasa,” imeeleza taarifa hiyo.
Taarifa hiyo imetolewa rasmi leo January 16, 2020 na Mkurugenzi Mkuu wa TCRA, James Kilaba kwa watu wote ambao bado hawajasajili laini zao za simu na kuwataka kutumia siku hizi nne zilizobaki kukamilisha usajili huo ili kuepuka adha itakayojitokeza mara baada ya laini kufungwa.
Pia amesema zoezi la usajili wa simu litakuwa endelevu hata kwa wale ambao watakuwa wamefungiwa wataweza kufungua laini zao kwa kuzisajili, lakini pia kwa wale ambao watanunua laini mpya pia wataweza kusajili laini hizo.
“Kwa watakaositishiwa huduma za laini zao za simu Januari 20 wanaweza pia kuendelea na utaratibu wa usajili kwa lengo la ama kurudisha laini zao zitakazokuwa zimefungwa au kupata laini mpya. Kwa watumiaji/waombaji wapya wa laini za simu wataendelea kusajiliwa muda wote na usajili huo kwa kutumia kitambulisho cha taifa na kuhakikiwa kwa alama za vidole".
