Picha hii ilipigwa mwaka 1943, wakiwa vitani, India (Vita ya pili ya dunia), hawa ni Moja ya watu muhimu sana katika uanzishwaji wa chama cha TANU. Kushoto ni Ally Sykes (17) ambaye ndiye alikuwa na Kadi No. 2 ya TANU na kulia ni kaka yake Abdulwahid Sykes (19), aliyekuwa na Kadi No. 3. Ikumbukwekwe kadi No. 1 ya TANU ni ya Julius Nyerere.
Kwa sababu ya uwezo wa kifedha ni Ally Sykes ndiye aliyenunua kadi 16 za mwanzo kabisa, kisha akazigawa, alimpatia Mwl. Julius Nyerere kadi No. 1, yeye akajipa No. 2 na kaka yake akampa kadi No. 3.
Alifanya hivo baada ya kujua kwamba Nyerere ana kipawa sana na ni mtu muhimu ambaye anaonekana kuwa mzalendo na aliyajua hayo baada ya Nyerere kumshirikisha kwamba ni bora kuwa na chama kilichoimara zaid kuliko kutegemea chama cha wafanyakazi
Britannica
View attachment 836469
Britannica,
Post nzima haikukaa vyema kuanzia kichwa cha habari.
Historia ya TANU huwezi kuiandika kwa mistari miwili.
Historia ya TANU inaanza na African Association mengi
yalipita hadi kufikia kuasisiwa TANU mwaka wa 1954.
Hiyo picha hapo juu inatka katika Nyaraka za Sykes na
mimi ndiye niliyeitia mtandaoni ili watu waione na wasome
historia ya TANU.
Naweka hapo chini niliyoandika katika kitabu cha Abdul
Sykes kuhusu kadi za TANU:
''Ally Sykes ndiye aliyechora kadi ya TANU na kuchagua rangi na nembo yake. Rangi alizochagua zilikuwa, nyeusi kuwakilisha taifa la Kiafrika na kijani ardhi ya Tanganyika. Mfano wa kadi ya TANU ulitokana na kadi yake ya Tanganyika Legion. Baada ya kumaliza kuichora ile kadi, aliwaendea Tanganyika Standard Newspapers ili wamchapishie. Kutoka mfukoni mwake mwenyewe alichapisha kadi 1000 za kwanza na akitumia fedha za TAGSA alichapisha kadi nyingine 2000. Kadi nambari 1 ilitolewa na Ally Sykes kwa rais wa TANU, Julius Kambarage Nyerere na Ally aliweka sahihi yake kama afisa aliyeitoa. Ilipendekezwa kwamba kadi chache za mwanzo lazima zipigwe mnada na fedha zitakazokusanywa zitiwe kwenye hazina ya chama. Abdulwahid, Ally, Dossa Aziz, Rupia na wengine walipanda dau kununua kadi hizo. Ally alimshinda kaka yake Abdulwahid kwa bei akapata kadi ya TANU nambari 2; Abdulwahid alipewa kadi nambari 3; Dossa Aziz kadi nambari 4; Phombeah kadi nambari 5; Dome Okochi, mmoja wa wale wazalendo kutoka Kenya katika TANU alipata kadi nambari 6 na Rupia kadi nambari 7. Bibi Titi kadi nambari 16; Iddi Tosiri kadi nambari 25.''
''Mtemvu alimuelezea Ally kwa ufupi juu ya mkutano wao na Nyerere Morogoro mjini na aliomba apewe mara moja kadi 200 za TANU. Ally aliwaandikia na kuwapa kadi za uanachama wa TANU, Mtemvu na Tambwe na akamwambia mdogo wake Abbas, awaalike wote wawili kwenye mkutano wa uzinduzi wa tawi la TANU la Dar es Salaam ambao ulikuwa ufanyike Jumamosi iliyofuata. Uongozi wa TANU ulipokuwa ukijitayarisha kwa mkutano wa uzinduzi, Ally Sykes alikuwa tayari amekabidhiwa barua ya uhamisho kutoka Dar es Salaam kwenda Korogwe. Kwa hakika hasa, Ally alipewa barua hiyo wiki mbili tu baada ya kuundwa kwa TANU. Hii ilikuwa mara ya pili Ally kupewa uhamisho kama adhabu yake ya kupambana na utawala wa kikoloni.''
''Familia yangu ilifahamiana na Dome Budohi, mmoja wa wanaharakati kutoka Kenya. Wakati ule wakati wa kudai uhuru wa Tanganyika alikuwa akiishi Dar es Salaam. Budohi alikuwa mmoja wa wazalendo walioasisi TANU na kadi yake ya uanachama ni nambari 6 aliyopewa Julai 1954.''
''Mwezi June, makao makuu ya TAA yalitangaza kamati yake ya utendaji: J. K. Nyerere, Rais, Abdulwahid Sykes, Makamu wa Rais; J. P. Kasella Bantu, Katibu Mkuu; Alexander M. Tobias na Waziri Dossa Aziz, Katibu wa pamoja wa muhtasari; Wajumbe wa kamati: Dr Michael Lugazia, Hamisi Diwani, Tewa Said Tewa, Denis Phombeah, Z. James, Dome Okochi, C. Ongalo na Patrick Aoko.''
Hii ndiyo historia ya TAA 1953 kuelekea TANU 1954.
Nadhani suala la kadi sasa limeeleweka pamoja na
historia ya TANU.
