TUMPE USHAURI MTU ANAYETAKA KUJENGA NYUMBA YA KWANZA YA KUISHI
(1) Anza na bajeti halisi
Andika pesa uliyonayo mkononi.
Jua gharama za ramani, vibali, vifaa, fundi, finishing, umeme, maji na fence.
Ongeza akiba ya dharura angalau asilimia 10 hadi 15.
Watu wengi hukwama si kwa kukosa pesa, bali kwa kupanga chini ya uhalisia.
(2) Chagua ramani inayolingana na kipato chako
Usijenge kwa presha ya kuonyesha uwezo.
Nyumba ndogo lakini imara na iliyopangiliwa vizuri ni bora kuliko kubwa isiyoisha.
Kama ni familia changa, vyumba 2 hadi 3 vinatosha.
Pendelea mpangilio unaoruhusu kupanua baadaye.
(3) Eneo ni muhimu kuliko ukubwa
Hakikisha kiwanja hakina mgogoro wa umiliki.
Kuna upatikanaji wa maji na umeme.
Barabara ipo au ina mpango wa kupatikana.
Nyumba nzuri kwenye eneo baya ni hasara ya muda mrefu.
(4) Tafuta mafundi na mkandarasi kwa umakini
Usichague kwa bei ndogo tu.
Angalia kazi walizowahi kufanya.
Angalia uaminifu wao.
Fanya mkataba wa maandishi, hii ni muhimu sana.
(5) Usikimbilie finishing za kifahari
Marble, gypsum, milango ya gharama kubwa vinaweza kusubiri.
Kipaumbele kiwe msingi imara, kuta na paa bora, umeme na mabomba yaliyofanywa kwa viwango.
Finishing unaweza kuboresha kidogo kidogo baadaye.
(6) Simamia mwenyewe au uwe na msimamizi unayemuamini
Usipotee site kwa muda mrefu bila kufuatilia.
Vifaa huibiwa na kazi huharibika bila uangalizi.
(7) Epuka mikopo mikubwa bila mpango wa uhakika
Usijenge nyumba itakayokunyima amani ya kifedha miaka mingi ijayo.
Jenga kwa hatua kama ni lazima: msingi, kuta, paa, kisha malizia taratibu.
(8) Fikiria maisha ya baadaye
Je, familia itaongezeka?
Je, unahitaji chumba cha wageni au biashara ndogo mbele?
Je, kuna nafasi ya maegesho?
Jenga kwa mtazamo wa miaka 10 hadi 20 mbele.
Ukweli muhimu
Nyumba ya kwanza si lazima iwe ya ndoto zako zote.
Ni msingi wa safari. Bora iwe imara, halali na inayokupa amani.
Muhimu Bado tunatoa ramani za ujenzi Bure na tunakushauri kuhusu ujenzi Bure kabisa....
Unachotakitakiwa kufanya ni kubofya hii link kuja Whatsapp
Wa.me//255789005562
Au jiunge na group la ujenzi wa gharama nafuu na ramani Bure