Mkalukungone Mwamba
JF-Expert Member
- Aug 29, 2022
- 3,141
- 7,205
Mwenyekiti wa Serikali ya Mtaa wa Engosowashi, Kata ya Moshono jijini Arusha, Richard Meshaki Laizer, ametangaza kujiuzulu nafasi yake baada ya kusoma barua yake ya kujiuzulu mbele ya wananchi katika mkutano wa mtaa uliofanyika leo Juni 7, 2026.
Akizungumza katika mkutano huo, Laizer alisema amefikia uamuzi huo kutokana na kile alichodai kuwa ni kupunguzwa kwa mamlaka ya wenyeviti wa mitaa katika utoaji wa huduma kwa wananchi.
Alieleza kuwa maelekezo yaliyotolewa na baadhi ya viongozi wa utawala yameathiri uwezo wake wa kutekeleza majukumu aliyokabidhiwa na wananchi kupitia uchaguzi.
Laizer alidai kuwa maelekezo yaliyotolewa mwezi Machi mwaka huu yaliwazuia wenyeviti wa mitaa kumiliki mihuri ya ofisi na kuelekeza huduma nyingi kufanywa kupitia watendaji wa mitaa, jambo ambalo amesema limeongeza usumbufu kwa wananchi wanaohitaji huduma za kiutawala. Kwa mujibu wake, hatua hiyo imepunguza uwezo wa viongozi waliochaguliwa kushughulikia kero za wananchi na kutatua changamoto mbalimbali katika maeneo yao.
Amesema wananchi wamekuwa wakionesha kutoridhishwa na hali hiyo na kutaka ufafanuzi kuhusu nafasi ya viongozi waliowachagua, huku akidai kuwa hajapata majibu ya kuridhisha kuhusu uhalali wa maelekezo hayo kwa mujibu wa sheria za serikali za mitaa.
Kutokana na hali hiyo, Laizer ametangaza kuachia rasmi wadhifa wake kuanzia Juni 7, 2026, akisema hana uwezo wa kutekeleza kikamilifu majukumu aliyokabidhiwa.
Aidha, aliwashukuru wananchi wa Engosowashi kwa ushirikiano waliompa wakati wa uongozi wake na kueleza kuwa ataendelea kushiriki katika shughuli za maendeleo ya mtaa huo kama mwananchi wa kawaida.
Akizungumza katika mkutano huo, Laizer alisema amefikia uamuzi huo kutokana na kile alichodai kuwa ni kupunguzwa kwa mamlaka ya wenyeviti wa mitaa katika utoaji wa huduma kwa wananchi.
Alieleza kuwa maelekezo yaliyotolewa na baadhi ya viongozi wa utawala yameathiri uwezo wake wa kutekeleza majukumu aliyokabidhiwa na wananchi kupitia uchaguzi.
Laizer alidai kuwa maelekezo yaliyotolewa mwezi Machi mwaka huu yaliwazuia wenyeviti wa mitaa kumiliki mihuri ya ofisi na kuelekeza huduma nyingi kufanywa kupitia watendaji wa mitaa, jambo ambalo amesema limeongeza usumbufu kwa wananchi wanaohitaji huduma za kiutawala. Kwa mujibu wake, hatua hiyo imepunguza uwezo wa viongozi waliochaguliwa kushughulikia kero za wananchi na kutatua changamoto mbalimbali katika maeneo yao.
Amesema wananchi wamekuwa wakionesha kutoridhishwa na hali hiyo na kutaka ufafanuzi kuhusu nafasi ya viongozi waliowachagua, huku akidai kuwa hajapata majibu ya kuridhisha kuhusu uhalali wa maelekezo hayo kwa mujibu wa sheria za serikali za mitaa.
Kutokana na hali hiyo, Laizer ametangaza kuachia rasmi wadhifa wake kuanzia Juni 7, 2026, akisema hana uwezo wa kutekeleza kikamilifu majukumu aliyokabidhiwa.
Aidha, aliwashukuru wananchi wa Engosowashi kwa ushirikiano waliompa wakati wa uongozi wake na kueleza kuwa ataendelea kushiriki katika shughuli za maendeleo ya mtaa huo kama mwananchi wa kawaida.